Zakadiia 7:12 - O Mikanda Ikola

¹² Kiene muene, a bhangesa miẋima iâ ku kola kala utadi ua diiamande, phala a lémbue kuívua o kitumu, mba o maka a tumikisa Jihova dia Ilombo Ieta ku Nzumbi iê ku jipolofeta ja tu diangelelè-ku; bhenhobho bhene bhua tundu o njinda ia dikota ia Jihova dia Ilombo Ieta.

Zakadiia 7:12 ပူးပေါင်းရင်းမြစ်များ

II Malunda 36:13

O kia di te-ku dingi, ua bhukumukina sobha Nabukodonozolo, ua mu lokesele kua Nzambi; maji ua thathamana o xingu iê; anga muẋima uê u huka kinéne katé ua lémbua o kudiela phala kulungulukila kua Jihova, Nzambi ia Izalaiele.

II Malunda 36:16

Maji ene-phe, o jiphunga ja Nzambi a ji bhange kasekelu, a kambe kusuua o maka mê, o jipolofeta jê aia ni ku ji sebulula, katé o njinda ia Jihova ki ia bande kinéne ku mundu uê, ni milôngo dingi ia kubhanga ki i moneka.

Jobe 9:4

Muene njimu ia muẋima, munéne mu kusuina; nanhi muene u zoka-nê mba úlua-nê nʼa kalʼé ni kutululuka?

Jisálamu 50:17

Eʼmuene kua xikina ku ku longa, maka mami ua ma takuila kuema dié.

Makatukilu 7:13

Falaó-phe bhenhobho u kola muẋma, ka ẋikina ku a evua; kiene kia tange Jihova, kiene.

Izaía 46:12

Ngivienu, enu mua kola o muẋima, enu o kuiuka kua mi kala dikanga.

Izaía 48:4

Mbata eme nga kʼijidile kuamba eie u ndaxi, ua thathamana o xingu kala muxibha ua felu, o dibhomo dié mukua ni dia ngôndo.

Izaía 6:10

Mbata o muẋima ua mundu iú, uakolokota, mátui mâ, ma kokoloka kuívua; mesu mâ a ma jika; kuiengesa o kumona ni mesu, kuívua ni mátui, kuijiia ni muẋima, nʼalunguluke dingi, Eme ni ngʼa sake.

Izaía 65:12

eme ue nga-nda ku mi xinda kúfua ku xibhata, anga enuoso mua kà bhetamena bhu kijibha; mbata ngʼexana, enu nguenu kuitaia; nga zuela, enu nguenu kuívua; o kialabhu, mua bhange kiaiibha ku mesu mami, enu mua solo-bhu kioso ki nga di zemba na-kiu eme.

Jelemiia 17:1

O kituxi kia Juda kiòʼsoneke ni songo ia felu, iala ni sungu ia diiamande, kiòʼsete ku dibaia dia muẋima uâ, ni ku jimbinga ja jithungi ja kalatódio jâ.

Jelemiia 17:23

Maji ene-phe nguâ kuivua, né ngó kutekela mátui; o kiala-bhu, a hinanesa o jixingu jâ, a lengesa o kuívua, mbé a lembue kutambula o mulongi ua ku a bazela.

Jelemiia 26:19

Mbebhu, Ezekiia, sobha ia Juda, ni akua Juda oso, a mu jibha? Manhi ene uoma ki ua a kuatele ua Jihova, anga a dionda jihenda ja Jihova? Jihova anga u diela ku phulu ioso ia tange ku a bhanga ene? Etu manhi tu di bhekela ku ibha kua vulu kiosuʼiki ku mienhu ietu?

Jelemiia 42:21

Iene-phe iii i nga mi tangela lelu; maji mu ima ioso ia ngi tumu na-iu muene kòkuenu, enu mua tokoka ku bhana mátui ku dízui dia Jihova, Nzambi ienu.

Jelemiia 5:3

Jihova tata, mesu mé ma kamba kutonginina o kidi? O ki ua a betʼokio, ene ki kia a kate: eie ua a huha kiua, maji ene nguauâ kutoloka ni kutambula mulongi: jipholo jâ a ji kolesa muene ditadi ndenge, a ditunu kuvutuka.

Jelemiia 7:20

Kala kiki, Ngana Nzambi uambe uixi: Talesa, njinda iami ni ngânji iami nga-nda ku i lunduluila ku thandu dia kididi kiki, ni ku thandu dia athu ni ku thandu dia iama, ni ku thandu dia miẋi ia mikáu ni ku thandu dia ibundu iaʼxi; o ki iila léku, ki ia kà jima dingi.

Izekiiele 11:19

Hé nga kà a bhana muẋima uâ umoxi, o moxi diâ anga ngi ta-mu nzumbi ia ubhe; o muẋima ua ditadi uala mu xitu iâ nga kà u katula-mu, hé ngi bhinganesa-mu muẋima ua jixitu.

Izekiiele 14:5

Phala ni ngi tena o kukuatela dibhata dia Izalaiele mu muẋima uê, mukonda ene oso a ngixiʼeme phala kukaiela o iteka iâ.

Izekiiele 2:4

O anʼâ a thathamana jipholo, ia a huku miẋima; eme-phe ngi ku tuma kua ene, ua ambela kiki: O Jihova, Nzambi, uambe kiki:

Izekiiele 36:26

Anga nga kà mi bhana muẋima ua ubhe, ni nzumbi ia ubhe, i ngi ta moxi dienu; o muẋima ua xitu ienu, ua ditadi, nga kà u katula-mu, anga ngi mi bhana muẋima ua misuínhi.

Zakadiia 1:2

O Jihova ua luuala kinéne ni jitata jenu!

Zakadiia 7:7

Ki muevu kizuelu kia Jihova kia miʼambelele ku ukunji ua jipolofeta jê ja mi diangelelè-ku, kioso Jeluzaleme kia kexi hanji ua tungu ua somo, ua tululuka, ni jimbanza jê joso ja mu kexile mu jimbandu; o ku Sulu ni mu kiphenza mua tungu athu?

Matesu 13:15

Mbata o muẋima ua mundu iú ua kolokota, Mátui mâ ma kokoloka kuívua, mesu mâ a ma jika; ku lengesa o kumona ni mesu, kuívua ni mátui, kuijiia ni muẋima, nʼa lunguluke dingi, eme ni ngʼa sake.

Marku 4:12

Phala kia tala a tale, maji a kambe kumona; ki evua, evue, maji a xite mu thulu; a fule kubiluluka kua Nzambi, o kituxi kiá nʼa ki loloke.

Luka 8:12

Oso ala ku mbanduʼ a njila, ene évua, kindala kuiza diabhu u katula maka mu miẋima iâ, phala a lémbue kuxikana ni kubhuluka.

Jipoxolo 28:27

Mbata o muẋima ua mundu iú ua kolokota, ene o matui mâ a ma xiti, o mesu mâ a ma jika. Hé ki kiene, eji kumona ni mesu, kuivua ni matui, kuijiia ni muẋima, nʼ a lunguluke dingi, eme ni nga a sake.

II Phetele 1:21

Mbata nuka kukala muzambu ua polofeta uijiia ku vondadi ia muthu. Maji athu a zuela jinga mu kutula o Njimbu i tunda kua Nzambi kala kioso kia a tuma jinga kuzuela kuala o Nzumbi Ikôla.