Zakadiia 7:11 - O Mikanda Ikola

¹¹ Ene-phe anga a ditunʼâ kuívua, mu kubhukumuka kuâ a ngi bhana dikunda, mátui mâ a ma jika phala a lémbue kuívua.

Zakadiia 7:11 ပူးပေါင်းရင်းမြစ်များ

II Malunda 33:10

Jihova anga u zuelela Manasa ni kifuxi kiê, maji ene a tokoka o kuívua.

Nehemiia 9:17

Anga a dituna muene ku kuívua, o madiuanu mé u ua a bhangela, ku a xinganeka kana; anga a kolokotesa o xingu iâ mu kuxikana, o mu huka kuâ anga a zangula mutumini hé a mu ta ku pholo iâ, mu kusota kuvutukila mu ubhika uâ mu Ijitu; Maji eie-phe, eie u Nzambi ia muloloki, ia kutululuka ni henda, ua kokoloka mu kutema, uene ni unéne mu kubhanga o mbote, ku a ehelela.

Nehemiia 9:26

Kua eza-phe kubhukumuka anga a ku balukila eie, a texi o kitumu kié ku dima diâ, anga a jibha o jipolofeta jé, a kexi mu fuila o ku a bazela, sembele ene a diele nʼa vutuke kokué. Kienhiki anga a kala mu bhanga isunji ia makota.

Nehemiia 9:29

Anga u kala mu ku a bazela, mbé ene a lungulukile ku kitumu kié; maji ene-phe a bhanga ima ia ukumbu uoso, anga a dituna kuívua o ijila ié, a bhukumukina-phe o jiphangu jé, ja bhingi muthu se u ji kuata, ji mu bhana muenhu; anga a thuthujula o isuxi iâ, a kolokotesa xingu jâ, ni kudituna kuívua.

Makatukilu 10:3

Mozé ni Alá anga aia a bokona kua Falaó, a mu ambela, exi: O Jihova, Nzambi ia Jihebeleu uambe kiki: Eie u dituna katé bhebhi kutoloka bhu pholo iami? Eha o mundu uami, phala aie a ngi bhikile.

Izaía 28:12

Athu enhá ua ambela: Didi diene o dinhohenu, bhanenu-diu uoso ua bhuila; o kuku kuene o kutululuka; ene-phe nguâ kuívua.

Izaía 46:12

Ngivienu, enu mua kola o muẋima, enu o kuiuka kua mi kala dikanga.

Izaía 6:10

Mbata o muẋima ua mundu iú, uakolokota, mátui mâ, ma kokoloka kuívua; mesu mâ a ma jika; kuiengesa o kumona ni mesu, kuívua ni mátui, kuijiia ni muẋima, nʼalunguluke dingi, Eme ni ngʼa sake.

Izaía 65:12

eme ue nga-nda ku mi xinda kúfua ku xibhata, anga enuoso mua kà bhetamena bhu kijibha; mbata ngʼexana, enu nguenu kuitaia; nga zuela, enu nguenu kuívua; o kialabhu, mua bhange kiaiibha ku mesu mami, enu mua solo-bhu kioso ki nga di zemba na-kiu eme.

Jelemiia 11:10

A vutukila ku uséia ua jitata jâ, athu a di tunine kuivua o maka mami; ia a kaiela o jinzambi jengi phala ku ji bhikila: Dibhata dia Izalaiele ni dibhata dia Juda, kikutu kiami a ki selula, ki nga tele ni jitata jâ.

Jelemiia 13:10

Mundu ua iibha iú, ua mu di tuna o kuívua maka mami, enda kioso kia a tumu muẋima uâ, anga a kuata ku kaiela jinzambi ja ngene, phala ku ji bhikila, ni ku ji diundila, a-nda ku di fuangana muene ni phonda ienhiʼii, ki i sedivila dingi kima.

Jelemiia 17:23

Maji ene-phe nguâ kuivua, né ngó kutekela mátui; o kiala-bhu, a hinanesa o jixingu jâ, a lengesa o kuívua, mbé a lembue kutambula o mulongi ua ku a bazela.

Jelemiia 17:27

Maji o ki mu fula ku ngi bhana o mátui, phala ni mu kolesa o kizuua kia Sabhalu, mbé mu fule o kubheka kimbamba kioso-kioso, mu ku bokona bhu mielu ia Jeluzaleme mu kizuua kia Sabhalu, bhenhobho-phe eme nga-nda ku bambula túbhia ku mabhitu mê, anga tu buikisa mazemba ma Jeluzaleme, o tuenhutu ki tua kà jima dingi.

Jelemiia 19:15

Jihova dia Ilombo leta, Nzambi ia Izalaiele, uambe kiki: Tala-ze, mbanza iii ni jimbonge jê joso nga-nda ku a bhekela o hadi ioso muene i nga a kanenʼoio, kuma a hinanesa o jixingu jâ phala a lémbue kuívua o maka mami.

Jelemiia 35:15

Abhikʼami, jipolofeta, ene oso nga mi tumikisa-nâ, ngi di meneka ni ku a tumikisa, ngixi: Dielenu-phe kindala, muthu a biluke ku njila jé ja ibha, ibhangelu ienu mu i bhange ia iuka, ki mu kaiele jinzambi jengi phala ku ji bhikila; kienhokio mua-ndu kala mu ixi i nga mi bhana enu ni jitata jenu; maji enu nguenu ku ngi bhetekela dítui mba ku ngi tumaka eme.

Jelemiia 36:31

Kikuma kiê-muène ngi ki zungila ku thandu diê ni ku thandu dia mbutu iê ni ku thandu dia abhikʼê; nga-nda kubheka ku thandu diê-muène ni ku thandu dia iá a tungu mu Jeluzaleme ni ku thandu dia athu mu Juda, o ku ibha kuosuʼoko ku ngene mu ku a tangela, ene iá a di tunuʼâ ku ngʼivua.

Jelemiia 42:21

Iene-phe iii i nga mi tangela lelu; maji mu ima ioso ia ngi tumu na-iu muene kòkuenu, enu mua tokoka ku bhana mátui ku dízui dia Jihova, Nzambi ienu.

Jelemiia 44:16

Ku maka ió u ua tu tangela mu dijina dia Jihova, eie ki tua-nda ku ku tumaka:

Jelemiia 5:21

Kindala ivenu-kiu-ze, enu mu mundu ua tekuka, mua kamba o muẋima, muedi mesu muala-nâ, maji mu tokoka o kumona, o matui mualanâ, maji mu tokoka o kuívua.

Jelemiia 5:3

Jihova tata, mesu mé ma kamba kutonginina o kidi? O ki ua a betʼokio, ene ki kia a kate: eie ua a huha kiua, maji ene nguauâ kutoloka ni kutambula mulongi: jipholo jâ a ji kolesa muene ditadi ndenge, a ditunu kuvutuka.

Jelemiia 7:24

Maji ene-phe kʼevu, mba a bheteka o matui mâ nʼevue, inda a kaiela jiphangu ja ene, kima kia kane muẋima uâ ua kudianguka; anga enda ni kuvutuka kuema, o kusuluka ku pholo nguâ.

Jelemiia 7:26

Maji ene nguâ ku ngi bhana mátui, mba kubheteka o mátui, maji o jixingu jâ a ji hinanesa, ima ia bhange ia beta kuzangiua o ia bhangele jitata jâ ndenge.

Jelemiia 8:5

Mundu iú, ua Jeluzaleme, a bhambukilaʼhi ni ku balukilà-ku kiá, anga endelela? a jijila kunganala, o ku biluka nguâ.

Izekiiele 14:5

Phala ni ngi tena o kukuatela dibhata dia Izalaiele mu muẋima uê, mukonda ene oso a ngixiʼeme phala kukaiela o iteka iâ.

Izekiiele 3:7

Maji o dibhata dia Izalaiele, ki dia-nda kuinda ku ku bhana mátui, mukonda ene ngua-uâ ku bhana matui kokuamiʼeme; mbata o dibhata dioso dia Izalaiele diène ni pholo ia huku ni muẋima ua kolokota.

Izekiiele 5:6

Maji muene-phe o mabatuilu mami ua ma lungulula mu ufusa, miji ioso ndenge, ni jingonge jami ue ua beta ku ji lungulula o jixi ja mu kala mu jimbandu ndenge; mukonda a tènde mabatuilu mami, nguâ kuenda mu ijila iami.

Daniiele 9:5

etu tuate ituxi, tua bhalumuna mulonga, tua bhange kubhukumuka, tua ku balukila, o mu ijila ié tua tundumu ni mu itumu ia mabatuilu mé;

Hozeia 4:16

Mukonda Izalaiele ua baluka kala ki baluka o mamʼa ngombe; o kiki-phe Jihova ua-nda ku a enga kala kambudi mu kikála kia zanze.

Sofoniia 3:2

Kʼevu ki zuela muthu, ka xikina ku mu longa mba ku mu beta; ka dielela kua Jihova, mba u xikina kuzuama kua Nzambi iê.

Zakadiia 1:4

Ki mu kale kala o jitata jenu, a a bokelele jinge kuala o jipolofeta ja diangelè-ku kuila: Jihova dia Ilombo, uambe kiki: Dielenu kindala mukonda dia ikalakalu ienu ia bolo ni jinjila jenu ja iibha; maji-phe, ene a di tunine o kuívua, mba ngó ku ngi bhana mátui, kiene kia tange Jihova.

Matesu 13:15

Mbata o muẋima ua mundu iú ua kolokota, Mátui mâ ma kokoloka kuívua, mesu mâ a ma jika; ku lengesa o kumona ni mesu, kuívua ni mátui, kuijiia ni muẋima, nʼa lunguluke dingi, eme ni ngʼa sake.

Jipoxolo 7:51

Mu kuzumbuka Xitevá, uixi: Enu mua thathamena-hi kiosuʼiki, tata! Mua kolela-hi kinéne o muẋima, matui a mi xiluka, mua lémbua kuivua o maka ma Nzambi! Enu izuua ioso mua di bhange kala o jitata jenu, nuka mu kamba kuẋinukina o Nzumbi Ikôla!

Jipoxolo 7:57

Ene-phe matui a ma jika, a di kola bulukutu, hé a di lukula muenhu umoxi ku thandu diê.

Jihebeleu 12:25

Uila kiki, di langienu, ki mu ditune kuivua ió uoso u zuela. Kuma enió a ditunine kuivua uoso ua tudilile o Njimbu ia Ngana mu ngongo, kà tenene kubhuluka. Kala kiki, etu uetu tua kà bhulukila bhebhi, se tua mu bhana dikunda uoso ua tu dimuna ku diulu!