Zakadiia 6:5 - O Mikanda Ikola

⁵ Anju anga u ngi vutuila, uixi: Iá, iene itembu i uana ia diulu, iala mu ku tunda ku ia kexile bhu pholo ia Jihova uavu ixi ioso.

Zakadiia 6:5 ပူးပေါင်းရင်းမြစ်များ

I Jisobha 19:11

Anga muene u mu ambela, uixi: Tubhuka bhu kanga, uimane bhu pholo ia Jihova, ku mulundu iú. Anga Ngana u kala mu bhita, kubhita ue kitembu kia dikota kia nguzu, ki kala mu bazesa o milundu ni matadi u ma bula ku pholo ia Jihova; mu kitembu-phe Ngana ka kexile-mu; anga ku kitembu ku kaiela kiteketela kiaʼxi; maji mu kiteketela kiaʼxi ue Ngana ka kexile-mu.

I Jisobha 22:19

Bhenhobho Mika, uixi: Ivua-phe o kizuelu kia Ngana: Nga mono Jihova ua xikama bhu kiandu kiê, ni kifuẋi kioso kia diulu, kiemana bhu mbandu iê ku lukuaku luê lua kúdia ni ku lukuaku luê lua kiasu.

Jobe 1:6

Kueza kizuua kimoxi, anʼa Nzami eza mu ku di bhakula bhu pholo ia Jihova, Satana ueza ue mu kaẋi-kâ.

Jisálamu 148:8

Túbhia ni matadi ma mvula, neve ni mbundu, kitembu kia kibhungu, iene ioso i kumbidila o kizuelu kiê.

Jisálamu 68:17

Makalu a Nzambi a ita makuinhi aiadi a midi, ni jimidi ja jimidi ja ndumba; o Ngana uala muʼaxaxi kâ, mukuâ ni mú Sinai, o kididi kiê kia isuma!

Izaía 54:5

Mbata Mubhangi ué muene munumiʼé, dijina diê Jihova dia Ilombo Ieta; o Dilemba Ukôla dia Izalaiele, muene Mukudi ué; muene a kà mu ixana exi, Nzambi, Langela-Ngongo.

Jelemiia 49:36

Hé ngi bheka kua Elame o itembu i uana ia thungi ji uana ja diulu, ene anga ngʼa uanena kua tungu o itembu iuana ienhiʼii; ki bhua kà kala ixi mu kamba kuiza jingômbo ja lenge ku Elame.

Izekiiele 11:22

Kienhókio o jixelubini ji leka o mabhabha mâ, o malola a ila-nâ bhuamoxi; o unéne ua Nzambi ia Izalaiele, u kala bhulu ku thandu diâ.

Izekiiele 37:9

O muene anga u ngʼambela, uixi; Zambula ku nzumbi, zambula eie monʼa diiala, tata, u tangele o nzumbi, uexi: O Jihova Nzambi uambe kiki: Eie u nzumbi, tundila mu itembu i uana iaʼxi, nda u bhuselele ku thandu dia imbi iii, phala eze dingi ku muenhu.

Daniiele 11:4

Maji, o kia kà bhiẋila bhu ditala dia kijingo kionéne, u tukumuka utuminu a mu muangena-u, anga a u uanena ku thungi jiuana ja diulu. Maji o mbutu iê-muène ka kà tambula-ku kima, né ngó kuila kala muene ua u hingile, mbata o utuminu uê a-nda ku mu Tambula-u, anga a u bhitisa ku athu engi, maji o muiji uê-muène kana.

Daniiele 7:10

Bhu pholo iê bhu kunguluka ngiji ia túbhia. Jimidi ja jimidi ja kuata ku mu xibhidila, jifuku ni jifuku jemana bhu pholo iê. Kufundisa kueza-bhu, madivulu a ma jikula.

Daniiele 7:2

Daniiele uambe, uixi: Mu kisuma kia usuku nga muene, itembu iuana ia diulu iakexe kúlua ita ku musanza uonene.

Zakadiia 4:10

Mukonda, nahi muene u sebulula o kizuua kia dimatekenu dia tuma tua tolo. Mbata enʼió a kà sanguluka mu ku mona o pulumu bhu lukuaku lua Zolobabele; o sambuadi dia mesu diodio, diene o sambuadi dia mesu a Jihova ene mu ku tonginina mu ngongo ioso.

Zakadiia 4:14

Bheneʼobho muene uixi: Ene o kiiadi, kiondu ni maji, ene bhu pholo ia Jihova uavu ixi ioso.

Zakadiia 6:1

Lua mukuá dingi, ngi zangula mesuʼami mu kutala, ngi mona makalu a uana, a tundu bhu kaxi ka milundu i iadi; o milundu ienʼiii, milundu ia utadi ua ngòndo.

Matesu 18:10

Alukenu, ki mu tènde kamona ku tuana tutu. Mbata ngi mi ambela kuma, o ji-anju jâ mu diulu jene mù mona o pholo ia Tata iami uene mu diulu. [

Matesu 24:31

Muène ua kà tuma o ji-anju jê ni dízui dia koloneta, anga ji bhongolola athuʼê ósole ku itembu iuana, tunde kua tundu o diulu katé ku dia suku.

Luka 1:19

Mukunji anga u mu tambuijila, uixi: Eme Ngabidiiele, ngene kuimana bhu pholo ia Nzambi. Muène iu ua ngi tumu ku ku zuelesa, ku ku tudila o njimbu iíi iambote.

Jihebeleu 1:14

O kiki-phe, ji-anju kima kiahi bhu pholo iê? Ene oso ala jinzumbi ji sedivila, a a tumu ku sedivisu mukonda dia ibhinganu ia tokala o kubhuluka.

Jihebeleu 1:7

O mu ku tanga o ji-anju-phe, Nzambi, uixi: Nzambi ua bhangesa ji-anju jê kubiluka kitembu, o akua-mbele iê, mulengu ua tubhia.

Josuué 3:11

Talenu-phe, álaka ia kikutu kia Ngana uavu ixi ioso, iene i mi tuamenena kukutuka mu zaúka Njolodá.

Dijingunuinu 7:1

Kia bhiti kiki, nga mono anju jiuana jemana ku hota jiuana ja ʼxi, ja kuata o itembu iuana ia ʼxi, phala kana kitembu ki bhuke mʼoxi, mba ku musanza ua kalunga, mba ku muxi uoso-uoso.