Zakadiia 6:14 - O Mikanda Ikola

¹⁴ O itundu iii ia kà kala ia Heleme, ni Tobiia, ni Jedaia, ni Heme monʼa Sofoniia, ia kà di bhanga dilembalesu diê mu Tembulu ia Jihova.

Zakadiia 6:14 ပူးပေါင်းရင်းမြစ်များ

II Jisobha 25:18

Kabhitangu ka kilangidilu ue ua zangula Selaia, o nganga ia dikota ni Zefaniia, o nganga ia kaiadi, kumoxi ni kitatu kia alangi-a-mabhitu, iu uai-nâ.

Makatukilu 12:14

Kizuua kienhiki ki mi kala kizuua kia di tungula, mu kiʼimununa jinga ni kizokola kia Jihova; ku miji ienu ioso katé ku hádia ni hádia, mu kuata jinga fesa iê, ki kale kijila kia mi bhana.

Makatukilu 28:12

Matadi maiadi enhá, anga a ma jika ku jifita ja efodi ji bhita bhu isuxi, phala a kale matadi ma dilembalelu dia anʼa Izalaiele; Alá ki aia jinga bhu pholo ia Jihova, u ambata majina mâ bhu isuxi iê iiadi, phala Ngana a a te muxima.

Makatukilu 28:29

Kienhokio-phe Alá, kioso kia kà bokona mu kididi kikôla, majina ma anʼa Izalaiele ua a ambatela ku muxila ua kuzambuila bhu thulu iê, phala dilembalelu bhu pholo ia Jihova izuua ioso.

Zakadiia 6:10

O kua iá a ambata ku ubhika tambula-ku ujitu; Ni kua Heledai ni kua Tobiia ni kua Jedaia, (mu kizuua kieneʼokio uize u bokone mʼonzo ia Joziia monʼa Sofoniia) ió a tundu ku Babilónha.

Zakadiia 6:11

Nga kiambe muene, tambula-ku phalata ni ulu, u bhange itundu u i te ku mútue ua Josuué, monʼa Jozadake, nganga ia dikota.

Dialuilu 16:40

ni i kale dilembalelu phala ana a Izalaiele, mbé ki bhu kale dingi muthu uengi, ka tokala ku mbutu ia Alá, u bhumina o kubhiẋila phala kuoha uasu ua dizumba bhu pholo ia Jihova; mbé ka kale kala Kola ni kibuka kiê, kala kia mu tangelele Jihova ku dikanu dia Mozé.

Dialuilu 31:54

Mozé ni nganga Eleazale anga a tambula o ulu iú ku jithuame ja jimidi ni jithuame ja jihama, anga a u lunda mu balaka ia kutakanena, mu kukala dixinganekenu dia anʼa Izalaiele bhu pholo ia Jihova.

Matesu 26:13

Kidi kiene ngi mi ambela: Kuosokuoso kua kà tula Njimbu iíi Iambote mu ngongo ioso, ni kiki kia ngi bhange o muhatu iú a kà ki tanga phala dilembalelu diê.

Marku 14:9

Kidi kiene-phe, ngi mi ambela: Kuoso-kuoso kua ka tula o Njimbu Iambote, mu ngongo ioso, ni kiki ue kia ngi bhange o muhatu iú, a ka ki tanga phala dilembalelu die.

Jipoxolo 10:4

O muène kia mu edi sûi, ni uôma ua mu kuata, uixi: Kiebhi, Ngana! Uixi, Nzambi uevu o misambu ié, ni jimola jé ji uene mu bhana o jingadiama, ja bande kuma dilembalelu bhu pholo ia Nzambi.

Josuué 4:7

Kienhókio mua kà a tangela, muixi: Mukonda menha a Njolodá a batukile bhu pholo ia álaka ia kikutu kia Jihova; kioso ki ia zaukile Njolodá, menha a Njolodá a batukile ku thala iê; matadi enhá-phe a kala dixinganeku di nangenena dia anʼa Izalaiele.

I Samuuele 2:30

Mukonda dia kiki Jihova, Nzambi ia Izalaiele uambe, uixi: Nga ki ambele muene ngixi o dibhata dié ni dibhata dia tatʼenu, dià xalela-ku kiá mu kuimajana jinga ni kubhanga ujitu bhu pholo iami; maji kiki-phe, eme Jihova, ki ngʼambeleʼokio nga ki texi dikanga; kuma oso a ngi xila eme, ene uâ eme ngʼa xila, oso-phe a ngi tènde, a kà jingunuka katé kia sebuluka muene.