Zakadiia 6:12 - O Mikanda Ikola

¹² Hé u mu tangela, uixi: Jihova dia Ilombo Ieta, mu kuzuela, uambe kiki: Talesa-ze, muthu iú ua bhingi kuila jina diê, Thangu Luobhe; muene ua kà sabhuka bhu kididi kiê, anga ua kà tunga o Tembulu ia Jihova.

Zakadiia 6:12 ပူးပေါင်းရင်းမြစ်များ

II Samuuele 7:13

Muenhú muene hinu u ngi tungila inzo ia dijina diami, o kiandu kia utuminu uê ngi ki kolesa bhu kididi, anga kia kà xalela.

Ejidala 3:10

Kioso akua kutunga kia te madisesa ma Tembulu ia Jihova, jinganga eza kiá a zuata, eza ue ni jikoloneta; o jilevita, anʼa Asafo eza ni jimbânza phala kuximana Jihova, kala kia xindi Davidi, sobha ia Izalaiele.

Ejidala 3:8

Kutula ku muvu ua kaiadi, ua kuiza kuâ ku inzu ia Nzambi, iala mu Jeluzaleme, ku mbeji ia kaiadi, Zolobabele monʼa Selatiiele, ni Jesuua monʼa Jozadake ni akuá dingi, jiphange jâ, jinganga ni jilevita akua muiji ua Levi, ni eneʼoso kiá a tundu ku ubhika eza mu Jeluzaleme, a mateka kikalakalu kia inzu ia Jihova, anga a sola ku jilevita akua muiji ua Levi, athu oso a tenesa kiá makuinhi a iadi a mivu mba a somboka-mu kiá, phala kuendesa kikalakalu kia onzo ia Jihova, kala kia fuama.

Izaía 11:1

Mbata ku kixina kia Jese kuanda kusabhuka Luthangu, o ku jindanji jê kua-nda kufuafua ngolongo ia-nda kuima.

Izaía 4:2

Bhu kizuua kiná o Ndombo ia Jihova ia kà kala ditunda, ni kijingo; oso a subhuka mu Izalaiele a kà mona uuabelu ua kibundu kiaʼxi, kuma kima kia ujitu.

Izaía 53:2

Kuma muene uaii ni ku kula bhu pholo ia Nzambi mukuâ ni luthangu lu fuafua, kala lundanji lua xoxouela mu mavu ma kukuta; o ku mu tala, ka kexi ni kidifua mba uuabhelu ua pholo; o ki tua mu idi sui, ki tua mu muene ni kuuabha kua kima, kuila tu mu inda.

Jelemiia 23:5

Jihova uixi: Talesenu, kua-nda kuiza izuua, Davidi nga kà mu balumuina Mbutu ia Iuka; kuma muene sobha, ua kà tumina hé u bhanduluka kiavulu, anga u bhanga ima ia tokala ubatuilu ua kidi ni uiukilu mu ngongo

Jelemiia 33:15

Mu izuua ienhoio ni mu kithangana kienhokio ngi bhangesa kuila kua Davidi kusabhuka Luthangu lua Ubhe lua kulunga, muene anga ua kà fundisa mu kidi ni kuiuka mu ngongo.

Izekiiele 37:25

Hé a kà tunga mu ixi i nga bhana kua mubhikʼami Jakobo, mu ixi mua tungile o jitata jenu; hé a kà tunga muenhomo, ni ene ni anʼâ, ni ana a anʼâ, katé ku hádia ni hádia; o Davidi, dia mubhikʼami, muene u kala-mu o muadiakimi, katé ku mivu ni mivu ki iene kúbhua.

Izekiiele 41:1

Ku tunda bhenhobho u ngʼambata mu Tembulu, anga u zonga o jiphiladi, kóvadu jisamanu ja kuzanza ku mbandʼuku, kóvadu jisamanu ja kuzanza ku mbandu ia mukuá, kuene o kuzanza kua balaka.

Amoji 9:11

Mu kizuua kieneʼokio-phe, balaka ia Davidi ia dibhalele, nga kà imika dingi, mazungu mê nga kà a xita, jingundu jê nga kà ji balumuna dingi, nga kà i tunga kala mu izuua ia xahulu.

Mikeia 5:5

Muenhú anga uà kà kala muene paze ietu. Kioso o Asídia kia kʼèza mu ixi ietu mu ku i lua, nʼa bhite ni kudiota ku thandu dia jinzu jetu ja matala, etu tua kà mu ixanena sambuadi dia abidi, ni dinake dia mona-ngana muaxaxi ka athu, ni a tu kudila.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Zakadiia 3:8

Ivua-phe, Josuué, u nganga ia dikota, eie ni akuenu a mu xikama bhu pholo ié, kuma mu ala mu azambuidi; eme-phe nga kà bhangesa kuila mubhikʼami uà kèza, Luthangu lua Ubhe.

Zakadiia 8:9

Jihova dia Ilombo Ieta uambe, kiki: Kolesenu o maku enu, enu oso mu izuua mumu muevu makʼama mu kanu dia jipolofeta ja kexile-bhu, kizuua kia tele o disesa dia Inzu ia Jihova dia Ilombo Ieta, phala kutunga o Tembulu.

Matesu 16:18

Kala kiki, ngi ku ambela dingi, kuma eie Phetele, o bhu ndànji iíi, bhene bhu ngi tunga o Ngeleja iami, o mielu ia Kalunga ki ia kà tena ku i lundumuna.

Matesu 26:61

exi: Ialʼú ua tangele, uixi: Tembulu ia Nzambi nga soko-bho ku i bula, ni ngi i tunge mu izuua itatu.

Marku 14:58

Etu tua mu ivu kuzuela, uixi: Ngi bula o tembulu iíi, iòtunge ni maku, anga ngi tunga iengi ki iòtunge ni maku.

Marku 15:29

Athu oso ala kubhita bhobho anga a mu nanzesa, ni kuteketesa o mítue, exi: Eiʼó, tata! U bula o tembulu he u i tinga mu izuua itatu!

Marku 15:39

Kienhokio, o kabhitangu uemana bhua zukama ni bhuala muene, kia mu mono kioso Jezú kia di kola iú ua zubhidisa, uixi: Muthu iu ua kexi monʼa Nzambi kidi!

Luka 1:78

mukonda Nzambi ietu, Nzambi ia jihenda ni mbote! Ua bhangesa Dikumbi-dia-Thunda ku tu zungila,

Nzuá 1:45

Felipe anga u sota Natanaiele, u mu ambela, uixi: Etu tua sange muthu ió a mu soneka kua Mozé mu divulu dia Kitumu, iá a mu tange ue mu Mikanda ia jipolofeta. Muène Jezú, mukua Nazalé, monʼ a Zuze.

Nzuá 19:5

Kienhókio, Jezú anga u tunda, ua zuata kitundu kia minha ku mútue, ni dibeka di kusuka. Pilatu ua ambela, uixi: Muthu iú, mu talesienu!

Jipoxolo 13:38

Ki tualʼ iki, ijiienu-kiu, akuetu, phange jami, kuma a mi tudila muloloko ua ituxi mu dijina dia Jezú iú.

Jipoxolo 17:31

Mukonda ua xindi kiá kizuua kia kufundisa mundu uoso mu kidi, kua muthu uê ua mu tungula. Nzambi-iú ua tumu ku kʼ ijidisa kua ene oso mu ku mu fukununa ku ʼalunga.

I Kolindo 3:9

Kuma etu tuala tu jingunza, tu kalakala kumoxi phala Nzambi, o enuʼ enu muala mu dibhia di bhanga Nzambi o kikalakalu kiê. Enu muala ue mu inzu i tunga Nzambi.

Jihebeleu 10:12

O Ngana Jezú Kristu-phe ua bhana sata imoxi ngó, ia soko, ia kaiela-ku, iú ua xikama ku madilu ma Nzambi.

Jihebeleu 7:24

Maji-phe o Ngana Jezú kuma uenʼié ku muenhu katé ku hádia ni hádia, o unganga uê kene ku u lendela.

Jihebeleu 7:4

Talenu kioso kia soko o ukota ua Melekizedeke. Katé ni kukululu Mbalahamu, ua mu bhana mbandu ia kakuinhi ku imbamba ia bhundu ku jinguma mu ita.

Jihebeleu 8:3

Kuma Nganga ioso ia Dikota a mu xindi o kubhana maujitu ni jisata ja iama. Kiene ue Nganga ietu ia Dikota ua bhingi u kala ue ni kima kia kubhakula.