Zakadiia 6:11 - O Mikanda Ikola

¹¹ Nga kiambe muene, tambula-ku phalata ni ulu, u bhange itundu u i te ku mútue ua Josuué, monʼa Jozadake, nganga ia dikota.

Zakadiia 6:11 ပူးပေါင်းရင်းမြစ်များ

II Samuuele 12:30

Anga u tambula o kitundu ku mútue ua sobha iâ; ki pezala talendu ia ulu, a sokejeka-ku matadi ma te kitadi kiavulu; anga a ki ta ku mútue ua Davidi. Anga mu mbongeʼ omo ambata-mu ima iavulu ia kubhunda.

Ejidala 10:18

Ku anʼa jinganga-phe a sakana ni ahatu a jixi jengi anga a sanga-mu iá: Ku anʼa Jesuua, monʼa Jozadake ni jiphange jê, Mahaséia ni Eliezele ni Jadibe ni Jedaliia.

Ejidala 3:2

Jesuua, monʼa Jozadake, u balumuka ni phange jê, jinganga, ni Zolobabele monʼa Selatiiele, ni phange jê, anga a tunga Kalatódio ka Nzambi ia Izalaiele, phala ku thandu diê kubhakuilaku o jisata, kala kia ki soneka mu divulu dia kitumu kia Mozé, muthu ua Nzambi.

Jisálamu 21:3

Kuma eie ua mu kauidila ni madibesá ni mahitula; ua mu zuika kitundu kia ulu ua fina ku mútue.

Makatukilu 29:6

U mu ta kijinga ku mútue, ni kitundu kikôla ki bhita ku thandu dia kijinga.

Makatukilu 39:30

Anga a iudika xapa ia ulu ua fina, ia kitundu kikôla, anga a seta-ku, mukua ni kuseta kua sineta exi: O Kuzela Kukola Kua Jihova.

Mukumbi ua Mikumbi 3:11

Tundenu, enu mu anʼa ilumba mu Ziione, mu tale Sobha Solomá ni kitundu kia mu tula ku mútue kuala mamʼâ, mu kizuua kia bhenga o dibhànga diê, mu kizuua kia kusanguluka kua muẋima uê.

Ijila 8:9

Anga u mu ta kijinga ku mútue; o ku kijinga, bhu dibhomo, u kutila-ku xapa ia ulu, kifua kitundu kikôla; kala kia tumu Jihova kua Mozé.

Ajeu 1:1

Ku muvu ua kaiadi ua sobha Dário, bhu mbeji ia kasamanu, mu kizuua kia dianga ku mbeji, kueza dízui dia Ngana, mu ukunji ua polofeta Ajeu, kua Zolobabele, monʼa Selatiiele, nguvulu ia Judá, ni kua Josuué monʼa Jozadake, o nganga ia dikota, uixi:

Ajeu 1:14

Jihova anga u phaphumuna o muẋima ua Zolobabele monʼa Selatiiele, nguvulu ia Juda, ni muẋima ua Josuué, monʼa Jozadake, nganga ia dikota, ni muẋima ua mundu uoso, anga eza a kalakala ku inzu ia Jihova dia Ifuẋi, Nzambi iâ.

Ajeu 2:4

Kiki-phe, eie Zolobabele, suina, kiene kiambe Jihova, eie ue Josuué monʼa Jozadake, nganga ia dikota, suina, enu uenu mu mundu uaʼxi, suinenu mu kalakale; mukonda eme ngi kala jinga ni enu, kiene kia zuela Jihova dia Ifuẋi.

Zakadiia 3:1

Anga Nzambi u ngi londekeza o nganga ia dikota, Josuué, ua kexile bhu pholo ia Anju ia Jihova, ni Satana uaia ku lukuaku luê lua dilu phala kuenda ni ku mu tatela.

Zakadiia 3:5

Eme-phe, ngixi: Ku mútue mu zuikienu-ku mítala ia zele kiambote. Anga a mu ta mítala ia zele kiambote kú mutue, hé a mu zuika izuatu ia tokala; O anju ia Jihova bhene bhu ia kexile.

Zakadiia 6:14

O itundu iii ia kà kala ia Heleme, ni Tobiia, ni Jedaia, ni Heme monʼa Sofoniia, ia kà di bhanga dilembalesu diê mu Tembulu ia Jihova.

Jihebeleu 2:9

Etu-phe tua mono Jezú! A mu bhangele kathangana ku kala ndenge ia ji-anju, phala mu kiadi kia Nzambi a lole kalunga mu mulonga ua mundu uoso. Kiki-phe tua mu mono kuila mukonda dia phaxi ia bhiti na-iu, a mu zuika kitundu kia fuma ni ujitu.

Dijingunuinu 19:12

Mesu mê medi kala mulengu ua túbhia, o ku mútue uê ua zuata itundu iavulu. Sai-phe ni dijina diê dia mu soneka, kana-phe muthu ua dʼijiia, kikale muène ngó.

Dijingunuinu 6:2

Ngedi ngi tala, kua moneka kabalu kazela. O ua mondala-ku ua kuata mufula, muène anga a mu bhana kitundu kia ungana. Hé u tunda ni uzonda ua kuia ni kùlua ni kutolola.