Zakadiia 4:9 - O Mikanda Ikola

⁹ O maku a Zolobabele ene a te disesa dia inzu iii, makuʼê ene ue a-nda ku i zubhidisa, phala enu mu kʼijiie kuila Jihova dia Ilombo Ieta muêne-muene ua ngi tumu kokuenu.

Zakadiia 4:9 ပူးပေါင်းရင်းမြစ်များ

Ejidala 5:16

Bhenhobho-phe, Sebazale muenʼió ueza, iu ua te o madisesa ma inzu ia Nzambi, iala mu Jeluzaleme; tundé kiá kienhókio, katé ni mu leluʼmu, iene-phe hanji ia mu tungʼii, kiluua ibhua.

Izaía 48:16

Ngi zukamienu, muivue kiki: Tundé mu dimatekenu ki ngi fueta, kana; maji tundé bhaná bhu kia di-bhangela, eme bhene bhu nga kexe; kindala-phe Muadi Jihova, ua ngi tumikisa o Nzumbi iê.

Ajeu 2:18

Lundenukiu ku miẋima ienu, nga mi diondo, tunde mu lelu katé ku pholo, tunde mu kizuua kia makuinhi aiadi ni uana, ku mbeji ia kʼavua, tunde mu kizuua ki mua mateka o Tembulu ia Ngana, tenu miẋima ienu mu kubanza ima ienhʼii.

Zakadiia 1:16

Kala kiki, Jihova uambe, uixi: Jeluzaleme nga mu lungulukila dingi ni jihenda; o inzu iami a kà i tunga dingi muenhomo, o kuthandu dia Jeluzaleme à ka zeleka-ku kamukolo, kiene kia tange Jihova dia Ilombo Ieta.

Zakadiia 2:11

Bhu kizuuʼokio miji ia ndumba ia-nda kua kà bhongolokela kua Jihova, anga a kà kala kifuẋi kiami; hé nga kà tunga muʼaxaxi kè-eie, anga ua kà kʼijiia kuila Jihova dia Ilombo muène-muene ua ngi tumikisa kokué.

Zakadiia 2:13

Xitu ioso i di xibhe bhu pholo ia Jihova, kuma muene ua balumuka mu kibuta kiê kikôla.

Zakadiia 4:8

O Kizuelu kia Jihova anga kiza luamukuá kokuami, kixi:

Zakadiia 6:15

O ió oso ala ku makanga, a kèza mu ku kuatekesa kutunga Tembulu ia Jihova, enu anga mu kʼijiia kuila Jihova dia Ilombo leta, muene ua ngi tumu kokuenu. Kienhiki kia kà bhita, se enu muividila muene kiambote o dízui dia Nzambi ienu.

Matesu 16:18

Kala kiki, ngi ku ambela dingi, kuma eie Phetele, o bhu ndànji iíi, bhene bhu ngi tunga o Ngeleja iami, o mielu ia Kalunga ki ia kà tena ku i lundumuna.

Nzuá 17:21

O ene oso nʼ a kale umoxi. Tata iami! Mukuâ ni eie ki uala mo muami, eme ngala mo mué, ene ua a kale mo muetu, oso muene a kala umoxi, o mundu phala u xikane kuma eie ua ngi tumu.

Nzuá 3:17

Mukonda Nzambi ka tumikisa Monʼ ê mu ngongo mù kuêlesa o mundu, maji ua mu tumikisa mu ku u bhana muenhu.

Jihebeleu 12:2

Tu jizienu ni kusuua ngó Jezú, kuma muène o musonguedi ua kuxikana kuetu, tundé bhu dimatekenu katé bhu dizubhilu. Kala muène mu kusuua o ngalasa ia mu idikiza, ua kolokota ni dikulusu, ua tende o sonhi, o kiki ua xikama ku madilu bhu kiandu kia Nzambi.