Zakadiia 4:7 - O Mikanda Ikola

⁷ Eie nanhi, mulundu ua dikota? Bhu pholo ia Zolobabele ua kà kituka-phe u kiphenza. Kuma muene ua kèza ni di tadi dia sukidila-ku dia thunge, ni ku mu tela o kikoue, kuila: Èue! Èue, tadi dienhʼidi!

Zakadiia 4:7 ပူးပေါင်းရင်းမြစ်များ

Ejidala 3:10

Kioso akua kutunga kia te madisesa ma Tembulu ia Jihova, jinganga eza kiá a zuata, eza ue ni jikoloneta; o jilevita, anʼa Asafo eza ni jimbânza phala kuximana Jihova, kala kia xindi Davidi, sobha ia Izalaiele.

Jisálamu 114:4

Milundu ia petajaka ni ngalasa kala ilumbe ia jimbudi, tuthuthulundu tua tonoka kala tuana tua ibhaku.

Jisálamu 114:6

Mu milundu mua petajaka kala ilumbe ia jimbudi? mu tuthuthulundu mua tonoka kala tuana tua ibhaku?

Jisálamu 118:22

O ditadi dia ditunu jimesene ja kutunga, dia di bhange diene o mútue ua kuatesa bhu thungi.

Jisálamu 84:11

Kuma Jihova Nzambi muene dikumbi dietu, ngubu ietu; Jihova u tu bhana kiadi ni ujitu; kana kima kiemina, athu enda ni muẋima uazele.

Izaía 28:16

Kala kiki, Jihova dia Ilômbo Ieta uambe, kuma: Talesa, nga xikika ditadi mu Ziione, ditadi di zubha o phata, ditadi diate kiavulu, diene di kuatesa bhu thungi, nga di xikika dia kuata dia kolo; uoso u xikana ka kale ni kisuka.

Izaía 41:15

Talesa, nga ku bhange u kivundilu kióbhe kia songoloka o jisungu; ua kà sengulula o milundu, anga u i titila, o tu thuthulundu u tu bhanga kala isaxi.

Jelemiia 33:11

Hanji a-nda kuívua-mu o mbimbi ia kukemba, ni mbimbi ia kusanguluka; mbimbi ia ngaiala, ni mbimbi ia dibhanga; ni mbimbi ia iá a mu tanga, exi: Ximanenu Jihova dia Ifuẋi, kuma Jihova mukua mbote, mukonda o kulenduka kuê ki kuene kúbhua; ni mbimbi ia iá a mu kuiza mu ku bheka diximanu monzo ia Jihova; mbata o kikexilu kia ixi nga-nda ku ki lungulula uila ku dimatekenu, kiene kia tange Jihova.

Jelemiia 51:25

Eme bhabhʼú, mu kuzoka nʼeie, eie u mulundu ua kimuanga u muanga ixi ioso, Jihova ua ki tange; lukuaku luami ngi lu sunununa mu kuzoka nʼeie, ngi kumbolomuena muene ku matadi, anga ngi ku bhanga mulundu ua túbhia.

Mikeia 1:4

O milundu bhoxi dia inama iê ia kà sengumuka, ni jihonga ja kà dibula misula mukuâ ni kixila kia uiki kia zukama ku túbhia, mukuâ ni menha ki ma lundumukina mu dikenhe.

Mikeia 4:1

Mu izuua-phe ia kà sukidila-ku, kia kà bhita kuma, o mulundu ua inzu ia Jihova a kà u tula bhu zoko-zoko bhua suku o milundu ioso, o tumilundu tuoso ua kà tu somboka, tu xala muene bhoxi, o ifuẋi ioso anga ia kà bhongolokela kueneʼoko.

Habakuke 3:6

Uemana, anga u kala mu kuzonga ixi; ua tale, iu ua uanununa o miji; o milundu iòkulu i sekumuka anga i kituka fufuta, o tu-thuthulundu tua makulu ni makombe, tu senguluka, anga tu jikinina, maji o jinjila ja Nzambi ja kaiela-ku.

Zakadiia 4:8

O Kizuelu kia Jihova anga kiza luamukuá kokuami, kixi:

Zakadiia 4:9

O maku a Zolobabele ene a te disesa dia inzu iii, makuʼê ene ue a-nda ku i zubhidisa, phala enu mu kʼijiie kuila Jihova dia Ilombo Ieta muêne-muene ua ngi tumu kokuenu.

Matesu 21:21

Jezú u a vutuila, uixi: Kidi kiene ngi mi ambela: Se mu kala ni kuxikana, sé phata, kia di bhange ku mufiku, ki kiene ngó ki mu bhanga, maji né mbe muà kela mulundu iú: Zangumuka bhobho, ua kà di kuzule mu ʼalunga, kiene ki di bhanga!

Matesu 21:42

Kuala Jezú: Enu mbebhu mu Madivulu ma kôla kiluua mu tanga-mu kuila: O ditadi dia ditunu jimesene, diene dia kuatesa bhu thungi, kienhiki kia tundu kua Nzambi, ku mesu metu kisúma?

Marku 12:10

Enu kiluua mu tanga makʼama, mòsoneke mu Mikanda Ikola, kuila: O ditadi dia di tunu jimesene, diene dia kuatesa bhu thungi;

Luka 20:17

Muène-phe u a tala kiambote suí uixi: Makʼ ama-phe a a soneka kiebhi mu Mikanda Ikôla kuila: Ditadi dia di tunu o jimesene diene dia kuatesa bhu thungi?

Luka 3:5

Jihonga joso a ji lamba, milundu iònene ni iòfele a i sengulula; jihonda a ji iukisa, mibhanga a i sokelesa;

Jipoxolo 4:11

Muenʼió Jezú, a mu tange kuala o Madivulu ma Ngana, kuila: Muène o ditadi di mua tènde enu mu jimesene, dia bhingi diene di kuatesa bhu thungi.

Loma 11:6

Kuma o kusola kuê kua tundu ku kiadi, ki ku tundu ku ikalakalu i bhanga athu. Mukonda se o kusola kua Nzambi, kua tundile ku ikalakalu ia athu, o kiadi kiê ki ki eji kukala kia kidi.

Efezo 2:20

Enu muedi kala mu inzo iotunge. Mua tunguiua ku thandu dia disesa dia te o Jipoxolo ni Jipolofeta. O Kristu Jezú muene o ditadi dia dikota dia kuatesa bhu thungi ku inzu ienʼ iii.

I Phetele 2:7

O ditadi didi dia te kiavulu, phala enu oso mua xikana. Maji phala ió a kambe kuxikana: Ditadi dia ditunu o jimesene kuila ki di uabha, dia biluka diene dia kuatesa bhu thungi.

Dijingunuinu 16:20

Ikolo ioso anga i muangana, o milundu ioso ia jimuka, ki ia moneka dingi ku mesu.