Zakadiia 4:2 - O Mikanda Ikola

² Anga u ngʼibhula, uixi: Ua mu monʼhi? Eme-phe nga mu vutuila, ngixi: Nga mu tala, eme nga mono Tudilu dia tundeia, dia ulu uoso, ni thenda ia maji bhu thandu diê, ni sambuadi diê dia tundeia. Kandeia ni Kandeia ka tudika ku thandu diê, kala ni sambuadi dia jimbungu.

Zakadiia 4:2 ပူးပေါင်းရင်းမြစ်များ

I Malunda 28:15

O kunema kua jikastisale ja ulu ni jikandeia jê ja ulu, kala kia soko o kunema kua kastisale ni jikandeia jê. Kiene ue kimoxi o jikastisale ja phalata, kala kia soko o kunema kua kastisale ni jikandeia jê kala kia fuama o ku uzala kala kastisale.

II Malunda 13:11

Ala mu kuohela Jihova, imene ioso ni ngoloxi joso, sata ja kubhakula ni túbhia kua Jihova, ni uasu ua dizumba, ni kutula kiambote ku meza ma zele o jimbolo ja kutela, ni di tudilu dia jikandeia dia ulu ni jikandeia jê, mbé o ku ji uika mu ngoloxi joso, mukonda etu tuala ni muanu ua kikalakalu kia Jihova, Nzambi ietu; maji enu-phe mua mu xi.

II Malunda 4:7

Ua bhange ue ni kuinhi dia kandeia ka ulu, ku kidifua kiê, anga u tu tula mu Tembulu, tu tanu ku kadilu, tu tanu ku kakiasu.

Ndongixi 12:6

Kioso o lubhambu lua phalata ki lu batuka luua, kopho ia ulu kiluua i budijika, o disanga anga di sasukila bhu mbanduʼa fixi, o dilola hé di bukujukila bhu mbanduʼa kixima.

Jelemiia 24:3

Jihova anga u ngʼambela, uixi: Ihi i ua mu mona, Jelemiia? Eme-phe, ngixi: Jifiku. Jifiku ja uabha, ja uabha kiavulu, ni ja ibha, ja ibha ue kinéne, ki ji xikina ku ji dia, mukonda dia ku ibha kuê ku ja ibha.

Jelemiia 52:19

Kabhitangu ka kilangidilu anga u zangula ue ni jikopho, ni ididi ia kuohela uasu ua dizumba, ni malonga a menha a pholo, ni jímbia, ni jikandiielu, ni jingutu, ni itutu ia kutela maji ni mvindangele; kutale ima ioso ia ulu mu ulu, uixi ia phalata mu phalata.

Amoji 7:8

Jihova anga u ngʼibhula, uixi: Eie, Amoji, ihi i uala ku mona? Eme ngixi: Pulumu. Jihova phe uixi: Mu kaxi ka kifuẋi kiami kia Izalaiele nga-nda ku-ta-mu pulumu, kuma ki ngi bhiti-mu dingi, lémbue.

Zakadiia 5:2

Anju anga u ngʼibhula, uixi: Ua mu talaʼhi? Eme ngixi: Nga mu tala hata ia mu bhita bhulu, iala ni makuinhi a iadi a kóvadu mu kulebha ni kuinhi dia kóvadu mu kuzanza.

Dijingunuinu 1:12

Eme anga ngi sakuka phala kumona ió ua ngi zuelesa, o ki nga zubha kusakuka, nga mono sambuadi dia kandeia ka ulu.

Dijingunuinu 1:20

O dijimbuluilu dia kijimbuete kia sambuadi dia théthembua di ua mono bhu lúkuaku luami lua dilu, ni dia sambuadi dia tundeia tua ulu, didi: O sambuadi dia théthembua, o ji-anjo ja tokala ni sambuadi dia Ngeleja; o sambuadi dia kandeia, o sambuadi dia Ngeleja.

Dijingunuinu 4:5

Mu kiandu anga mu telaka jinzaji, mu tunda màzui, ni inuminu. O bhu pholo ia kiandu, bhua uama sambuadi dia sama ja túbhia, diene o sambuadi dia Nzumbi ia Nzambi.