Zakadiia 4:14 - O Mikanda Ikola

¹⁴ Bheneʼobho muene uixi: Ene o kiiadi, kiondu ni maji, ene bhu pholo ia Jihova uavu ixi ioso.

Zakadiia 4:14 ပူးပေါင်းရင်းမြစ်များ

I Jisobha 17:1

Bhenhobho Elija, mukua lumono mu akua Ngiliiade, uambela Akabe, uixi; Ngana kuene kuala, Nzambi ia Izalaiele, uavu o pholo iê bhu ngala, kuma mivu iii ki kua-ndu suka mbundu mba kunoka mvula, kale kʼeme nga ki zuela.

Ejidala 5:2

Bhenhobho Zolobabele monʼa Selatiiele, ni Jesuua monʼa Jozadake, a balumuka, anga a mateka dingi kutunga onzo ia Nzambi, iala mu Jeluzaleme; ni ene kiá, kumoxi ni jinganga ja Nzambi ja kexi mu ku a kuatekesa.

Jisálamu 110:4

Jihova ua loka, ka ẋikina kualuluka, kuma eie uala u nganga inangenena, mukuâ ni unganga ua Melekizedeke.

Jisálamu 2:6

Eme-phe, sobha iami nga muʼundu bhu kididi, ku mulundu uami ukôla ua Ziione.

Jisálamu 89:20

Nga bongo Davidi, selevende iami; ni maji ami a kijila nga mu undu ku ungana.

Makatukilu 29:7

Bhenhobho-phe u kuata maji a kuunda u mu lunduluila-nâ mu mútue, kiene ki u mʼundʼiki.

Makatukilu 40:15

anga u a unda ue ni maji, kala ki ua undu tatʼâ, mbé ene uâ a ngi kalakele ku unganga; o ku a unda kuâ ku kala kua unganga unangenena ku miiji iâ ioso.

Izaía 5:1

Kiki kiá ngʼimbila kazola kami, o mukumbi ua hate iami, bhu kaẋi ni díbhia dia muvide uê. Kazola kami uene ni díbhia dia muvide uê, bhu kalundu ka mavu a bhana idima.

Izaía 54:5

Mbata Mubhangi ué muene munumiʼé, dijina diê Jihova dia Ilombo Ieta; o Dilemba Ukôla dia Izalaiele, muene Mukudi ué; muene a kà mu ixana exi, Nzambi, Langela-Ngongo.

Jelemiia 49:19

Kuma mukuá ni hoji ki i tunda ni kubanda ku Njolodá, iendela kubula dibhata dia dizonda; mbata mu kithangana kiofele ngó, bhua kexile ngi mu kaiesa-bhu, o ngi mu sola eme nanhi, ni ngi mu te ditala dia ku mu tumina? Mukonda, nanhi ua di fuangana nʼeme? Nanhi u ngi xindila kithangana? Mubidi nanhi u tena kuimana bhu pholo iami?

Ijila 8:12

Anga u lundulula o maji a ku undila mu mútue ua Alá, mu ku mu unda, ni ku mu kôlesa.

Mikeia 4:13

Balumuka, u vunde, eie monʼa kilumba mu Ziione! Mukonda mbinga ié nga kà i bhanga ia felu, o iala ié ia ngòndo; ua kà sanujuna ndumba dia ifuẋi ia miji, futu iâ anga ua kà i bhakuila Jihova, ni umoni uâ kua Ngana, uavu o ixi ioso.

Zakadiia 6:13

Muene-muène ua kà tunga o Tembulu ia Jihova, a kà muizalesa ni fuma ni unène; anga ua kà xikama bhu kiandu kiê, nʼa kala mu ku tumina anga ua kà kala nganga bhu kiandu kiê; o ima i iadi iii anga ia kà divisa muene kiambote ni kutululuka kuoso.

Zakadiia 6:5

Anju anga u ngi vutuila, uixi: Iá, iene itembu i uana ia diulu, iala mu ku tunda ku ia kexile bhu pholo ia Jihova uavu ixi ioso.

Luka 1:19

Mukunji anga u mu tambuijila, uixi: Eme Ngabidiiele, ngene kuimana bhu pholo ia Nzambi. Muène iu ua ngi tumu ku ku zuelesa, ku ku tudila o njimbu iíi iambote.

Matendelelu 10:8

Mu thembu muenhomo Jihova anga utungula kibuka kia Levi, phale kuambata o álaka ia kikutu kia Jihova, ni kukala bhu pholo ia Jihova, mu ku mu sedivila, nʼende ni kubhana kizediuise ku athu mu dijina diê, katé mu kizuua kia lelu.

Josuué 3:11

Talenu-phe, álaka ia kikutu kia Ngana uavu ixi ioso, iene i mi tuamenena kukutuka mu zaúka Njolodá.

Josuué 3:13

Mua-ndu mona ki ki bhita, makànda ma jinganga oso ambata álaka ia Jihova, muene Ngana uavu ixi ioso, ela a tula ngó mu menha ma Njolodá, menha ma Njolodá ma kà batuka, o menha ala kutunda ku thala a di lunjika mulundu.

Dijingunuinu 11:4

Mbangi jiiadi ene o mixi iiadi ia midiva, ni tundeia tuiadi, tuemana bhu pholo ia Ngana uavu o ixi.

I Samuuele 10:1

Bheneʼobho Samuuele anga u sunga thenda ia maji, u ma lunduluila ku mútue ua Saúlo, u mu bhana nzóbole, uixi: Nga ki bhangela mukonda Jihova ua ku undu mu kukala u muenexi mu undundu ué.

I Samuuele 16:1

Jihova anga u ambela Samuuele uixi: Ua-nda kusuka bhebhi ni kudila Saúlo, se ki tualʼiki eme nga mu ditunu ku ungana ua Izalaiele? Izalesa lumbinga lué ni maji, uize. Eme nganda ku ku tuma kua Jese, mukua Beleme; mukonda nga solo sobha iami muʼaxaxi ka anʼê.