Zakadiia 3:7 - O Mikanda Ikola

⁷ Jihova dia Ifuẋi uambe kiki: Se uenda mu jinjila jami, anga uaiuka kiambote o ima i nga kuambela, eie ue ua kà findisa dibhata diami, ua kà kala ue u mulangidi ua imbaka iami, nga kà ku bhana kididi, ua kà nhungʼé muene muʼaxaxe ka iá ala bhabha.

Zakadiia 3:7 ပူးပေါင်းရင်းမြစ်များ

Dimatekenu 26:5

Mukonda Mbalahamu ua tumaka dízui diami, ua kuata mutendelu uami, ni ijiia, ni itumu, ni ngonge jami.

I Jisobha 2:3

Kumbidila o utuminu ua Jihova Nzambi ié, u ende jinge mu njila jê, u aluke o ijila iê, ni itumu, matetuluilu mê, ni maumbangi mê, kala kia i soneka mu ngonge ia Mozé, phala u kale ni kubhanduluka mu ima ioso i u bhanga, ku ididi ioso ku u di tela.

I Jisobha 3:14

Se-phe eie uenda mu njila jami, hé u aiuka o ijila iami ni itumu iami, kala ki endele jinge tatʼenu Davidi, eme-phe ue ngi ku vudisa o izuua ia muenhu ué.

I Malunda 23:32

Phala a kuate ue muanu ua kutambula o konda ia balaka ia kionge, ni kulangidila o kididi kikôla kinéne, ni kutalela o ana a Alá, o jiphange jâ, mu kikalakalu kia ukunji ua inzo ia Jihova.

Izaía 62:9

Maji oso amuni ene a i dia, anga a ximana Jihova; oso a kanze a ibundu iâ, ene ue a kà nuà-ku, mu malumbu ma dibhezelu diami.

Izekiiele 44:8

Ki muʼaluka ue o kilèkelelu kia imbamba iami ikôla; o kia di te-ku dingi, anueniʼenu kiá mua di kitula mu alangidi a mutendelelu uami mu dibhezelu diami.

Izekiiele 48:11

O kibatu kiki kia kà kala kia jinganga, anʼa Zadoko, oso a di zelesa mudiâ, aiuka mutendelelu uami, ia a kambe o kutondala mu uendelu uâ, kioso anʼa Izalaiele kia dianguka, kala kia dianguka o jilevita ja mukuâ.

Ijila 10:3

Mozé anga uambela Alá, uixi: Kiki kiene kia tange Jihovaʼiki, kuila: kuzela kuami nga-nda ku ku londekeza ku ió oso a ngi zukama anga bhu pholo ia mundu uoso ngi kala ni kijingo. Maji Alá-phe ua di xibhʼê.

Ijila 8:35

Mu kala-phe bhu muelu ua balaka ia kutakanena usuku ni muanha, mu sambuadi dia izuua, mu kukumbidila kia mi tendelela Jihova, phala ki mu fue; kuma eme kiene kia ngi tendelesa.

Zakadiia 3:6

O anju ia Jihova anga u lokela Josuué, uixi:

Zakadiia 4:14

Bheneʼobho muene uixi: Ene o kiiadi, kiondu ni maji, ene bhu pholo ia Jihova uavu ixi ioso.

Zakadiia 6:15

O ió oso ala ku makanga, a kèza mu ku kuatekesa kutunga Tembulu ia Jihova, enu anga mu kʼijiia kuila Jihova dia Ilombo leta, muene ua ngi tumu kokuenu. Kienhiki kia kà bhita, se enu muividila muene kiambote o dízui dia Nzambi ienu.

Zakadiia 6:5

Anju anga u ngi vutuila, uixi: Iá, iene itembu i uana ia diulu, iala mu ku tunda ku ia kexile bhu pholo ia Jihova uavu ixi ioso.

Matesu 19:28

Jezú anga u mu ambela, uixi: Kidi kiene ngi mi ambela, mu kikexilu kióbhe. Monʼa Muthu kia kà xikama ku kialu kia ungana uê, enu uenu mua ngi kaiela, mua kà xikama ku kuinhi dia ialu niʼiadi, mu fundisa kuinhi dia miji niʼiadi ia Izalaiele.

Luka 22:30

Phala enu uenu mu-die, mu-nue, ku meza mami mu Utuminu uami, hé mua kà xikama ue ku iandu, phala mu fundise o kuinhi dia miji ni iiadi ia Izalaiele.

Nzuá 14:2

Sai ididi iavulu ku bhata dia Tatʼetu, kuenhoko-phe eme ngala kuia ku mi iudikila-ku kididi. Se kua kexile kiengi, eme hinu ngeji ku mi ambela-kiu.

Dijingunuinu 3:21

Uoso u tolola, ngi mu bhana o kuxikama nʼeme bhu kiandu kiami, uila eme ki nga tolola, eme nga xikama ni Tata iami bhu kiandu kiê.