Mu lamba diâ dioso ni muene uevile dilamba, anga mukunji uene bhu pholo iê u a bhulula; mukonda dia henda iêmuène ni kulenduka kuê, muene ua a bhulula; iu ua a tambula, iu u a endesa jinga kienhiki mu izuua ioso ia xahúlu.
Mbata nga lokele kinéne ku jitata jenu, mu kizuua ki nga a katuile mʼoxi ia Ijitu, katé mu kizuua kia lelu, nga kuata o ku di meneka ni ku loka, ngixi: Bhanenu matui ku dízui diami.
Ua di bhange kilolo mu kubhânga ni anju katè kia i tolola; ua didi, iú ua dionda ku mu kuatela henda. O bhu Betele bhene bhua di bongela ni Nzambi, o bhenhobho Nzambi bhene bhua tu zuelesela.
Anga Nzambi u ngi londekeza o nganga ia dikota, Josuué, ua kexile bhu pholo ia Anju ia Jihova, ni Satana uaia ku lukuaku luê lua dilu phala kuenda ni ku mu tatela.
Eme-phe, ngixi: Ku mútue mu zuikienu-ku mítala ia zele kiambote. Anga a mu ta mítala ia zele kiambote kú mutue, hé a mu zuika izuatu ia tokala; O anju ia Jihova bhene bhu ia kexile.
Jihova dia Ifuẋi uambe kiki: Se uenda mu jinjila jami, anga uaiuka kiambote o ima i nga kuambela, eie ue ua kà findisa dibhata diami, ua kà kala ue u mulangidi ua imbaka iami, nga kà ku bhana kididi, ua kà nhungʼé muene muʼaxaxe ka iá ala bhabha.
