Zakadiia 2:6 - O Mikanda Ikola

⁶ Jihova, uixi: Enu, tata! Ku ixi ia suku kindala lengenu-ku; mukonda nga mi muange mukua ni itembu i uana ia diulu; Jihova muene ua ki tange.

Zakadiia 2:6 ပူးပေါင်းရင်းမြစ်များ

Dimatekenu 19:17

Anga ki bhita-phe kuila, o kia zubha ku a bheka ku kangʼuku, exi: Lenga, se uendi o muenhu; Kana kusakuka ku dima, kana kuimana mu ngânga ioso iii; lengela koko ku mulundu, phala ku jime o mbutu.

Jisálamu 44:2

Kioso o lukuaku lué ki lua kaia o matumbu, a kambe kuijiia Nzambi, anga u a phapha ene bhu kididi kiâ; ni kioso akuaʼxi ki ua a takula, hé a muangana; o ene-phe, a kuata, a zande.

Izaía 48:20

Tundenu mu Babilonha, muʼaxaxi ka akua Kaldeia lengenu-mu. Kolenu-kiu ni nzôngo ia kikóue; kiki ivisenu-kiu, mu ki ambate muene katé kua suku oxi, muexi: Jihova ua kula selevende iê Jakobo.

Izaía 55:1

Enu, oso muala ni dinhota izenu ku menha, nʼenu oso mua lémbua kitadi, izenu, sumbenu, mu die; eué, zenu, mu sumbe mu ngoho sé kitadi, né suilu, vinhu ni lete.

Jelemiia 1:14

Jihova phe u ngambela uixi: Ku suku kuenhoko kuene kua-nda ku tunda kisunji hinu ki tula ku thandu dia athu oso a tunga mu ngongo.

Jelemiia 15:4

Nga-nda ku a balakesa ku mautuminu moso ma ixi; mukonda dia Manasa, monʼa Ezekiia; sobha ia Juda, ku ima ioso ia bhange mu Jeluzaleme.

Jelemiia 3:18

Mu izuua momo dibhata dia Juda ni dibhata dia Izalaiele a-nda kuendela bhuamoxi; hadia a kʼèjila bhuamoxi mu tunda kuʼoxi ia kusuku nʼeza mu ixi i nga bhanene jitata jâ mu ubhinganu.

Jelemiia 31:10

Ivuenu kizuelu kia Jihova, enu mu miji iʼathu, mu ki tangele ku ikolo ia takuka ku makanga, muexi: Ió ua tena kumuanga Izalaiele, ua-nda ku muʼongeka dingi hé u mu langa kala mubidi kia langa kilunga kiê kia jimbudi.

Jelemiia 31:38

Jihova uixi: Tala, kua-nda kuiza izuua, o mbanza iii a kà i tunga dingi phala Jihova, tundé bhu inzu-ia-matala mu Hanamiiele katé bhu dibhitu dia thungi.

Jelemiia 31:8

Tala, kuma ngʼiza-nâ tundé ku ixi ia ku suku, nga-nda kua bhongolola muene tundé kua suku oxi; ngʼiza-nâ kumoxi ni ifofo ni inema, ni ahatu emita, kumoxi ni iá a mu bhanduluka a kala kifuxi kia dikota, kia-nda kuvutuka bhabha.

Jelemiia 50:8

Mu kaxi ka Babilonha lengenu-mu, mu tunde mu ixi ia jikaldeu; muile kala ilumbe ia jimbudi bhu pholo ia kilunga.

Jelemiia 51:45

Enu mu mundu uami, mu kaxi ka Babilonha tundenu-mu, muthu ni muthu a bhulule o muenhu uê, mukonda dia kiaúla kia njinda ia Jihova.

Jelemiia 51:50

Enu-phe mua subhuka ku xibhata ndénuʼenu, ki muʼimane; ku makanga kuenhoko lembalalenu Jihova, o Jeluzaleme aie ni kubanda ku miẋima ienu.

Jelemiia 51:6

Mu kaxi ka Babilonha lengenu-mu! O muthu ni muthu a bhulule muenhu uê. Ki mu di jikinise anuʼenu mu ku ibha kuêmuène; mukonda o kiki kiene o kithangana kia phonzo ia Jihova; Muene hádia u mu bhana kioso kia mu fuama.

Izekiiele 11:16

Uila kiki, zuela: Jihova, o Ngana, uambe kiki: Sumbale nga a takuila makanga mu ifuẋi; sumbala nga a muangena mu jixi, maji né kienhókio, hanji nga-nda ku di-bhanga ngi dibhezelu diâ, mu kakithangana kòfele ku jixi kuoso kua di tela.

Izekiiele 17:21

O jingômbo jê joso ni masoladi ê oso, a kà-bua ngàmbu ku xibhata, o ió oso a kà subhukabhu a kà a muangena mu jimbandu joso; kiene ki mua kà kʼijiia kuila eme ngi Jihova nga ki tange.

Izekiiele 5:10

Kala kiki, Jitata, mu kaxi ké, ja-nda kúdia o tuana tuâ, o tuana tua-nda kúdia o jitata jâ; anga mabatuilu mami ngi ma bhanga momuʼé; o oso a subhuka-ku ngʼa muangena ku itembue ioso.

Izekiiele 5:12

Mbandu ié ia katatu ia-nda kúfua ku dibhebhu, anga momuʼé aia ni kujikinina ku nzala; o mbandu ia mukuá ia-nda kuia ni kúfua ku xibhata mu jimbandu jé; o mbandu ia mukuá nga-nda ku i muangena mu itembue ioso anga ngi fomona o xibhata mu kizu ni ii ni ku a kaiela kuema diâ.

Daniiele 11:4

Maji, o kia kà bhiẋila bhu ditala dia kijingo kionéne, u tukumuka utuminu a mu muangena-u, anga a u uanena ku thungi jiuana ja diulu. Maji o mbutu iê-muène ka kà tambula-ku kima, né ngó kuila kala muene ua u hingile, mbata o utuminu uê a-nda ku mu Tambula-u, anga a u bhitisa ku athu engi, maji o muiji uê-muène kana.

Amoji 9:9

Mukonda nga kà xika ngonge, o dibhata dia Izalaiele nga kà di kukumuna mu miji ioso, mukua ni kiene mu kùsesa jimbundu bhu mbàngu, ni lumbundu lumoxi ngó ki lu sonoka bhoxi.

Zakadiia 1:16

Kala kiki, Jihova uambe, uixi: Jeluzaleme nga mu lungulukila dingi ni jihenda; o inzu iami a kà i tunga dingi muenhomo, o kuthandu dia Jeluzaleme à ka zeleka-ku kamukolo, kiene kia tange Jihova dia Ilombo Ieta.

Zakadiia 2:7

Tatʼeie! Ziione! Dibhulule eie ua tunga kumoxi ni monʼa kilumba ua Babilónha.

Matesu 24:31

Muène ua kà tuma o ji-anju jê ni dízui dia koloneta, anga ji bhongolola athuʼê ósole ku itembu iuana, tunde kua tundu o diulu katé ku dia suku.

Marku 13:27

Muene ua ka tuma ji-anju je ni ji bhongolole athuʼê angene ku mbandu jiuana ku tunda o kitembu, tunde kua suku oʼxi kate kua suku o diulu.

Matendelelu 28:64

Jihova ua ka mi muangena muʼaxaxi ka miji ioso tunde kua tundu oxi ʼté ku maẋokololo ku iasuku; o kuenhoko kuene kiua ku ua kà bhikila o jinzambi jengi, ja bhingi nʼeie ni jitata jé kiluua mu jʼijiia ngó; jinzambi ja miẋi ni ja matadi.

Dijingunuinu 18:4

Anga ngʼivua dízui dia mukuá ku diulu, dixi: Tundenu moxi dia mbanza íii, enu mu mundu uami! Tundenu-mu! Kana ku di lunga-nê mu ituxi iê, phala ki mu tambule mbandu ku mabhebhu mê!

Lute 4:1

Bouaji anga u banda ku bhata, u tula bhu muelu ua kimbaka, u xikama. Mu nanga kathangana, ndandu iazukama u tena kukala mukudi ua kubhanga undundula kua Lute, kala kiambele Bouaji, u kala mu bhita. Muene anga u mu handekela, uixi: Xeie, ngânji! Iza hanji kunu, u xikame bhabha.