Zakadiia 2:5 - O Mikanda Ikola

⁵ O Eme-phe, nga kà mu kala ngi kimbaka kia túbhia mu jimbandu; o fuma iê, Eme-muène-muene nga kà kala mu kaxi kê, kiene kia tange Jihova.

Zakadiia 2:5 ပူးပေါင်းရင်းမြစ်များ

Jisálamu 125:2

Mukuâ ni milundu ki ia bhake Jeluzaleme bhuʼaxaxi, kiene ue Jihova kia bhake o mundu uê bhuʼaxaxi, tunde kiki ni ku hádia ni hádia.

Jisálamu 3:3

Maji Eie-phe, u Jihova, u ngubu iami ia ku ngi xitila; Eie-muène u kijingo kiami, eie ua ngi bhetula o mútue.

Jisálamu 46:5

Nzambi iú bhobho, muene uala muʼaxaxe kê, kididi kiê ka tena ku ki sendumuna; Nzambi u di meneka mu ku a kudila.

Jisálamu 48:12

Tundenu mu kanga, mu kondoloke Ziione; alulenu muene o tuthôndo tuê.

Jisálamu 48:3

Nzambi a mu ijiia mu jipalaxu jê, kuma ditala dia kulengela, nguma ki i tena-bhu.

Jisálamu 85:9

Kidi kiene, o kubhuluka kuê kua zukama kua iá oso a mu kala ni uoma, phala mʼoxi ietu mu tunge dingi o kubenha kuê.

Izaía 12:6

Eie ua tunga mu Ziione, imba ni kutana, sanguluka, mbata Dilemba dia Izalaiele, uene momuè, Ukôla.

Izaía 31:9

Muene ua kà di-texila ku ndanji iê ia dilengelu, maji iene ka kà i mona mukonda dia uoma; o ilamba iê ia kà bhondalala ni uoma, kia kà mona mvela: Kiene kiʼambe Jihova, mukua túbhia tuene mu Ziione, ni dijiku diê mu Jeluzaleme.

Izaía 32:18

O athu ami anga a kà tunga mu diembu dia batama, ni mu madiembu a kondama, ni mu ididi ia tululuka ia kunhoha.

Izaía 33:21

O muenhomo Jihova ua-nda ku tu kala ditunda, ua kà bhanga kididi kia jingiji ni jihungulule ja dixala; ki mu bhite ulungu uendela ku malemu, ki muendela ue naviiu iadikota, lémbue.

Izaía 4:5

Jihova ua kà bhanga ku thanduʼa mabhata moso ma mulundu ua Ziione ni ku thanduʼa mabhongolokelu mâ moso, dituta mu muanha, ni dixi ni mulengu ua túbhia mʼusuku, mukonda ku thandu dia kizunda kioso kua kà kala kukondama.

Jelemiia 31:39

Mukunga ua kuzongela a-nda ku u tandeleka ku pholo katé bhu kamulundu ka Ngalebe, anga u kondolokela mu ku lunga ku Ngoua.

Izekiiele 38:14

Kala kiki eie monʼa diiala zambula uambele, Ngongo, uexi: O Jihova Nzambi uambe kiki: Mbé kuanda ku kʼijiia kioso bhu kumbiʼodio o mundu uami ua Izalaiele ki uà ka tunga ni kukondama?

Izekiiele 42:20

Ua zonga muene ku mbandu jene kiuana kiâ; anga kukala o kimbaka kia kondoloka mu jimbandu, kia kexile ni hama jitanu ja lumbungu bhu kutandelela ni hama jitanu ja lumbungu bhu kukula mbé o ku tungula o muthu ua iuka ni mukua ituxi.

Izekiiele 47:3

O muthu muenhó u tunda, ua lungu ku mutundila-kumbi, o bhu maku ua kuata lungoji lua kuzongela; anga u zonga hulukaji ia jikóvadu, anga u ngi bhangesa kuvuua mu menha, menha a ngi suku mu zuatelu dia musanga.

Zakadiia 1:16

Kala kiki, Jihova uambe, uixi: Jeluzaleme nga mu lungulukila dingi ni jihenda; o inzu iami a kà i tunga dingi muenhomo, o kuthandu dia Jeluzaleme à ka zeleka-ku kamukolo, kiene kia tange Jihova dia Ilombo Ieta.

Zakadiia 2:10

Imba! Sanguluka, eie u monʼa kilumba kià Ziione! Kuma, tala, eme ngiza, nga-nda kutunga mu kaxi kê, kiene kiambe Jihova.

Zakadiia 2:11

Bhu kizuuʼokio miji ia ndumba ia-nda kua kà bhongolokela kua Jihova, anga a kà kala kifuẋi kiami; hé nga kà tunga muʼaxaxi kè-eie, anga ua kà kʼijiia kuila Jihova dia Ilombo muène-muene ua ngi tumikisa kokué.

Zakadiia 9:14

Jihova a kà mu muena ku thandu dia anʼa Ziione; o misongo iê ia kà tunda kala jinzaji ja mvula iala mu telaka; Jihova Nzambi ua kà xikisa koloneta anga ua kʼàia ni ibhungu ia kitembu kia Sulu.

Zakadiia 9:8

Anga inzu iami nga kà i xitila mu jimbandu ku ifuẋi ia ita phala ki bhu bhite muthu mba u vutuka; phala o nguma mukua ku a bhondeleka, ka a bhite dingi ku thandu; mukonda o kiki nga di muena-kiu ni mesu mami.

Luka 2:32

mukengeji u londekesa o njila ia Nzambi ku akua matumbu. Ni kubhana fuma ia mundu ué ua Izalaiele.

Dijingunuinu 21:23

O mbanza íii ki i bhingi ku kala dikumbi, mba mbeji, mu kumuikina-mu, mukonda o kubenha kua Nzambi kua zelesa-mu, o Kambudi muène o kandeia kâ.