Zakadiia 2:4 - O Mikanda Ikola

⁴ Anga i mu tangela, iexi: Lenga, tangela munzangala iú, kuamba: O Jeluzaleme hádia ua kà tungiua dingi kala kia jisanzala ja kambe imbaka, mukonda dia kifuẋi momué, kia athu ni kia ibhaku.

Zakadiia 2:4 ပူးပေါင်းရင်းမြစ်များ

Estere 9:19

Kiene kia bhangesa kuila o jijudé ku matutu, ku jisanzala ja kambe imbaka, mu kizuua kia kuinhi ni kiuana bhu mbeje ia Adale, kiene o kizuua kiâ kia kubhanga fesa ni kusanguluka, kizuua kiambote kia ku di tumikisa mákudia a subhuka ku fesa ni ku di tumikisa maujitu mudiâ.

Izaía 33:20

Talesa-ze ku Ziione, diembu dietu dia ionge ikôla; o mesu mé ma kà mona Jeluzaleme, dibhata dia ximbakata; iene o balaka i xalela-ku, jiphapha jê kene ku ji vuza, o mikolo iê ki iene kubatuka.

Izaía 44:26

Eme-muène ngi kuatesa o kizuelu kia selevende iami, ngi kumbidila ulongelu ua jiphunga jami; ngambela Jeluzaleme ngixi: Eie a kà ku tunga dingi; ngambela madiembu ma Juda, kuma: Enu a kà mi tunga lua mukua, eme ngi some dingi jingundu jâ.

Izaía 49:20

Katé ni ana a uhukunhu ué a-nda ku ku ambela mu dítui, exi: Kididi kia phophama kiavulu, suetuka-ku dingi, ngi mone bhu ngi tunga.

Izaía 54:16

Talesa, eme-muène nga bhange musudi-a-thumba uene kuzukuta makala bhu mbèmbu, phala kuiudika ikumba iê ia ku bhangela midimu; eme-muène ue nga bhanga mubuikixi, phala ku buikisa.

Jelemiia 1:6

Eme bhenhobho ngixi: Èlé! Ngana Nzambi, tata! Talesa-ze, eme ki ngiʼjiia kuzuela; mbata ngala ngi mona-ndenge,

Jelemiia 31:24

Mua muene, muene mua kà tunga Juda ni mabhata mê moso kumoxi; ni iá kiá ue oso idimakaji, ni akua kuenda ni ilunga.

Jelemiia 31:27

Tala, izuua í iza, Jihova ua ki tange, ki nga-nda ku kuna dibhata dia Izalaiele ni dibhata dia Juda ni mbutu ia athu ni mbutu ia iama.

Jelemiia 33:22

Kala kiene kulémbua o kutanga kifuxi kioso kia diulu, ni kisekele ku ndundu ia kalunga, a lémbua ku kizonga, kiene ue ki nga-nda kusokolola o luvualu lua Davidi mubhikʼami ni jilevita ala ni ukunji bhu pholo iami.

Izekiiele 38:11

Ua kʼàmba, uixi: Nga-nda kubanda mu kúlua ni jisanzala ja kambe o imbaka, nga kʼèza mu kúlua ni iá a nhoha kiambote, a tunga a soma; ene oso mu kutunga kuâ ka moneka kimbaka, ka moneka ue dikûmba mba mabhitu.

Daniiele 1:17

O minzangala iuana ienhiʼii, Nzambi anga ua a bhana kuijiia ni kutongoloka mu mixinda ioso ia kusoneka ni mu unjimu; maji o Daniiele ua mu tela-ku o kilunji kia kutetulula isuma ni jinzoji.

Daniiele 1:4

oso minzangala a disanze kiambote, a kambe kisému, edi ni kuuabha pholo ni kuijiia, oso òlonge mu unjimu uoso, oso ejiia uhete, a tetuluka kiambote mu tongolola o ima, se mua a mono ni kusakalala kua kuila atena kusedivila mu dizêmba dia muenexi, mbé mu a longe usonekenu ni uzuelelu ua akua Kaldeia.

Mikeia 7:11

Dikumbi di dʼiza di nga kà tona kutunga dingi o imbaka iê, mu kizuuʼokio o ngonge ia kà kala hanji dikanga.

Zakadiia 1:16

Kala kiki, Jihova uambe, uixi: Jeluzaleme nga mu lungulukila dingi ni jihenda; o inzu iami a kà i tunga dingi muenhomo, o kuthandu dia Jeluzaleme à ka zeleka-ku kamukolo, kiene kia tange Jihova dia Ilombo Ieta.

Zakadiia 1:17

Tá dingi nzôngo lua mukuá, uixi: Jihova dia Ilombo Ieta uambe kiki: O jimbonge jami hanji ja-nda kua kà di bandekeza, ja-nda kua kà zediua muene; kuma Jihova hanji a-nda kua kà konda dilamba kua Ziione, hanji a-nda kua kà sola Jeluzaleme.

Zakadiia 12:6

Bhu kumbi dieneʼodio o ilamba mua Juda nga kà a kitula kala dikala dia túbhia koxi dia jihuinhi; a kà di bhanga kala kixinji kia túbhia mu ita ia iangu; ni ku dilu ni ku kiasu a kà jikinisa ifuẋi ioso mu jimbandu, anga mu Jeluzaleme mua ka tunga dingi athu lua mukuá bhu kididi kiê, mu Jeluzaleme muene.

Zakadiia 14:12

O dibhebhu, Jihova dia-nda kuà kà jikinisa na-diu akua jixi oso alu ita ni Jeluzaleme, dienhidi: Xitu iâ ia kà sekumuka ku mukutu kuila ene hanji emana; mesuʼâ a kà bolela mu mútue; o dimi diâ, mu kanu, dia kà lutuka.

I Timote 4:12

Kana kuehela kuila bhu kala muthu u ku tènda mukonda dia undenge. Oso-phe a xikana, eie-muène a bhane phangu, ni mu kuzuela, ni mu kudituma, ni mu henda, ni mu kuxikana ni mu kuzela.