Zakadiia 2:12 - O Mikanda Ikola

¹² Kienhokio-phe o Juda ua kà kituka undundu uangene ua Jihova, kuma diene dikânda diê mu ixi iê ia ngene; o Jeluzaleme a kà mu sola dingi lua mukuá.

Zakadiia 2:12 ပူးပေါင်းရင်းမြစ်များ

II Malunda 6:6

Maji Jeluzaleme muene nga mu solo, mbé o dijina diami di kale mueneʼomo; eme nga solo ue Davidi, phale a kale mu kutumina o kifuẋi kiami kia Izalaiele.

Estere 6:13

Hamane anga u ki kunda mukajiʼê Zelexe, ni makamba mê, kioso ki kia mu bhiti. Adiakimi-phe ala ku mu longesa, ni mukajiʼê Zelexe, a mu ambela, exi: Moledekai muenhú, uandeka kiá ku ku tunda, se ua tokala ku mbutu ia jijudé kua-nda ku mu tena dingi, ua-nda ku ku bhana muene kibhalu.

Jisálamu 105:15

Uixi: Athu ami ngʼa undu ni maji, kana ku a kuata; o jipolofeta jami, ki mu ji kuame.

Jisálamu 132:13

Mukonda Jihova ua solo Ziione; kiene kididi kiê kia kutunga kia mukala ku muẋima.

Jisálamu 132:14

Iú uambe, uixi: Diene dinhohenu diamʼidi, katé ku hádia ni hádia; bhenhabha nga kubu muene, kuma kiene ki nga solo.

Jisálamu 135:4

Mukonda Jihova ua solo Jakobo, nʼa kale muthu ua kazola kê, o Izalaiele uene o muiji ua undûndu uê uangene.

Jisálamu 33:12

Ixi ioio i zediua, avu Jihova kuma Nzambi iâ; ni mundu uoso ua solo muene, kuma undundu uê.

Jisálamu 82:8

Balumuka, eie u Nzambi, u fundise mu ngongo; kuma madiembu moso ma ku tokala.

Izaía 14:1

Mbata Jihova ua kà kuatela Jakobo henda, u tona dingi kusola Izalaiele anga u a bheka mʼoxi iâ; jinzuángiza ue ja kà di bunda kumoxi ni ene, anga a kà di banda mu diembu dia Jakobo.

Izaía 17:14

Ku ola ia ngoloxi, ki kua-nda kulèmba, talesa kimbuua kia bokona kua akua jixi, maji kuma kuandeka ngó kúkia, ene ka kà moneka dingi. Didi diene o dikânda dia futu ia tokala ió ene ku tu bhûnda, ni uíndua ua fuama ió oso ene ku tu nhana.

Izaía 41:9

eie u muthu nga ku katula ku maẋokololo maʼxi, eme nga ku ixana bhuʼaxaxi ka ió a ku tundu, bhu ua kexile, ngexi-phe: Eʼmuene u selevende iami, eme nga ku sola muene, ki ngi ku ambudisa, kana.

Jelemiia 10:16

O dikanda dia Jakobo-phe, ki dia di fuangana ni iá; kuma muene-muène mubhangi a ima ioso, o Izalaiele muene mbangala ia undundu uê; Jihova dia Ilombo Ieta, diene o dijina diê.

Jelemiia 30:16

Maji oso-phe a kúdia eie, ene a-nda kua kà diua uâ; o jinguma jé joso a-nda kuia ku ubhika ene oso; oso a ku nhana eie ene a-nda ku a nhana ue; oso a ku bhunda eme ue nga-nda ku a bhakula mu kubhunda kuene.

Jelemiia 51:19

Dikanda dia Jakobo-phe ki kiene ki dia di fu; mukonda Muene muene ua bhange o ima ioso; o Izalaiele uene o muiji ua undundu uê; Jihova dia Ilombo Ita, diene o dijina diê.

Zakadiia 1:17

Tá dingi nzôngo lua mukuá, uixi: Jihova dia Ilombo Ieta uambe kiki: O jimbonge jami hanji ja-nda kua kà di bandekeza, ja-nda kua kà zediua muene; kuma Jihova hanji a-nda kua kà konda dilamba kua Ziione, hanji a-nda kua kà sola Jeluzaleme.

Zakadiia 3:2

Maji o Ngana anga uambela Satana, uixi; Jihova a ku bazele, eie Satana; kiene muene, O Jihova, ua solo Jeluzaleme, a ku bazele. Ki muenhú kixinji kia túbhia kiʼo katule bhu jiku?

Matendelelu 32:10

Ua mu sange mʼoxi ia kikangalakata kiahatu, ixi ia kukuta ia ngene ni ngene, muala kubuza ngó iama! Ua mu ongeka, ua mu lange, hé u mu sasa mukuâ ni mona diesu.

Matendelelu 32:9

Mbata dikânda dia Jihova o povo iê iii; Jakobo muene dijikita dia undundu uê.