Zakadiia 14:7 - O Mikanda Ikola

⁷ Kia kà kala kizuua kia ngene kia Jihova ngó, kia di tungula; o ukalelu uê kuà kalʼé ngó muanha kana, o usuku kana; kuma ni mu usuku, hanji kuzela kukuê.

Zakadiia 14:7 ပူးပေါင်းရင်းမြစ်များ

Jisálamu 37:18

Jihova uejiia o izuua ia athu a iuka; o undundu uâ u nangenena katé ku hádia ni hádia.

Izaía 11:9

Ka kà bhanga-mu kiaiibha mba phulu ioso-ioso, mu mulundu uami uoso, u nga kôlesa; mukonda oxi ioso ia kèzala ni kuijiia Nzambi, kala o menha kiezalesa kalunga.

Izaía 24:23

O mbeje ia kà sonoka pholo, dikumbi dia kà kakuka, kioso Jihova dia Ilombo Ieta kia kà hinga o ungana ku mulundu ua Ziione, ni mu Jeluzaleme; kienhokio bhu pholo ia ikulakaji iê bhua kà kala fuma.

Izaía 30:26

O mueji ua mbeje ua kà soka ni muanha, o muanha uene ua kà di bandekeza lusambuadi mu kútua, mukuâ ni muanha ua sambuadi dia izuua ua di lunjika kumoxi; kiki ki bhita bhu kizuua kia Jihova, kia-nda ku sokejeka o mundu uê ua budijika, ni kia tumba o kilônda kiâ.

Izaía 45:21

Kundenu-kiu, Zukamenu, tenu kaiula mudienu, mukuahi ua tenene kuivisa kiki tundé mu xiahulu? Nanhi ua ki ambe tundé ku xiahulu? Abha ki eme-muène Jihova? Ki bhuala ue Nzambi iengi, eme-muène ngó; Nzambi u kala ni muanu ua ku kumbidila, u di-bhanga kibhamuenhu, ka moneka, kale eme ngó.

Izaía 58:10

se mukua nzala u mu jikuila muẋima, o muthu ua tate u mu dikila; kua-bhu-phe, mu kitombe muenhomo mua-nda ku ku kiela mukengeji, kuvunda kué ku bhiluka kala kumbi dia mediia.

Izaía 9:7

O kukula kua ulamba uenhú, ki kuene mbambe; o kutululuka kuê ki kuene kúbhua; ua tulama bhu kiandu kia Davidi ni ku usobha uê, phala ku u kuatesa bhu kididi, ni ku u fikidila mu kutetuluka ni mu uiukilu, tunde kiki katé ku hádia ni hádia; o muanu ua Jihova dia Ilômbo Ieta uene ua-nda ku bhanga kienhiki.

Jelemiia 30:7

Ahi Mukonda kizuua kiókio kia kudilá-ku kinéne, katé ki kiala ni mukuá a soko-nê! Thembu iii ia mukondo phala Jakobo; maji-phe ku mukondo uenhó, muene ue a-nda ku mu bhululʼé.

Daniiele 12:4

Eie ue, Daniiele, maka ià jika-u a suke bhenhabha; jika ue idimbu ku divulu didi, katé bhua kà suka o thembu; avulu a kʼèza-ku, a kà tutumba ku mbandu ni mbandu mu jixi joso, o kuijiia-phe kua kʼàia ni ku dibandekeza.

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Amoji 8:9

Jihova ua zuela, uixi: Ki a kàia-phe kuma, mu izuua mueneʼomo nga kà bhangesa kuila o dikumbi dia kà tula mu muanha ua mediia, o ngongo ia kà vunda ni kitombe mu kumbi hanji dia muanha uatu.

Matesu 24:36

Kizuuʼ okio-phe ni kithangana kiê, kana kuthu ua kʼijiia, né ji-anju mu diulu, né o Mona, kikale Tata muène ngó.

Marku 13:32

Jezú anga u lombolola dingi, uixi: Kizuuʼokio-phe ni kithangana kiê, kana muthu ua kʼijiia, ne ji-anju mu diulu, ne o Mona, ki kale Tata muene ngo.

Jipoxolo 1:7

Kuala muène: Enu ka mi bhana-kiu, o kuijiia jithembu ni kizuua kia xindi Tata mu kutena kuê-muène.

Jipoxolo 15:18

eme ngi Ngana, nga tumu kuijidisa imʼ iii tunde mʼ okulu.

Jipoxolo 17:26

Akua jixi joso mu ngongo ua a bhange ku mbutu ia muthu umoxi, phala kutunga kʼulu dia mundu. Muène-muène ua a xindila o jithembu jâ, ni jimbambe ja madiembu.

Jipoxolo 17:31

Mukonda ua xindi kiá kizuua kia kufundisa mundu uoso mu kidi, kua muthu uê ua mu tungula. Nzambi-iú ua tumu ku kʼ ijidisa kua ene oso mu ku mu fukununa ku ʼalunga.

I Tesalonika 5:2

Mukonda enʼuenu mua kijiia kiambote, kuma o Kizuua kia Ngana, hinu kʼiza kala kiza o muiii mu usuku.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

Dijingunuinu 14:6

Anga ngi mona anju iamukua ia mu bhita bhulu, ia di lèka, o bhu ala kubhitila, uasu o mbambe ni diulu. Uambata o jingolokela ji xalelà-ku ja Njimbu Iambote, phala ku ji kolela athu oso a tungu mu ngongo, ku ifuẋi ioso, ni miji ioso, ni madimi, ni madiembu.

Dijingunuinu 21:23

O mbanza íii ki i bhingi ku kala dikumbi, mba mbeji, mu kumuikina-mu, mukonda o kubenha kua Nzambi kua zelesa-mu, o Kambudi muène o kandeia kâ.

Dijingunuinu 21:25

O mielu ia mbanza ia kà kala jinga ia jikuka kumbi dioso dia kambàmba, kà kala mu ku i jika, mukonda koko o usuku ki uene-ku.

Dijingunuinu 21:3

Anga ngʼívua dízui dia suina dia mu tunda bhu kiandu, dixi: Talesa, kindala o balaka ia Nzambi iala muʼaxaxe ka athu! Nzambi muène u tunga-nâ, ene a kala mundu uê. Nzambi muène uenda jinga-nâ, u kala Nzambi iâ.

Dijingunuinu 22:5

O usuku ki uà kala-ku dingi, ka kà bhindamena ue mukengeji ua kandeia, mba muanha ua dikumbi, mukonda o Ngana Nzambi muène ua-ndu kala muanha uâ, hé à kala ku ungana mu mivu ni mivu sè dizubhilu.