Zakadiia 14:6 - O Mikanda Ikola

⁶ Anga kia kà bhita-phe kuila, bhu kizuuʼokio, ki kuá kala dingi mukengeji, maji mbàmbi ngó ni menha a di kuata matadi.

Zakadiia 14:6 ပူးပေါင်းရင်းမြစ်များ

Jisálamu 112:4

O muthu uaiuka, ni mu kitombe kúkia mukengeji uê; u kala mukua ujitu, mukua henda, mukua kiadi.

Izaía 13:10

Mbata o jithéthembua ja diulu ni ibalaʼkumbi iê, ia kà lémbua kumuika ni mukengeji uâ; dikumbi dila di mateka kutunda, dia vunduʼé kiá, o mbeji ue ki ia kà bhana dingi mueji.

Izaía 24:23

O mbeje ia kà sonoka pholo, dikumbi dia kà kakuka, kioso Jihova dia Ilombo Ieta kia kà hinga o ungana ku mulundu ua Ziione, ni mu Jeluzaleme; kienhokio bhu pholo ia ikulakaji iê bhua kà kala fuma.

Izaía 50:10

Mukuahi mudienu uambe kuxila Jihova, ni kusuua dízui dia selevende iê? Muenhó se uala kubhita bhua vundu, anga bhu kamba ngó ni kamukengeji, a dielele mu dijina dia Jihova, a kuatenene kua Nzambi iê.

Jelemiia 4:23

Nga kengelela oxi nga i mono iòbuikise i iezala jingundu; nga kengelela madiulu, ki mala ni mukengeji.

Izekiiele 32:7

Kioso eme ki nga-nda ku ku jimuna, o diulu nga kà di vungina, o jithéthembua jê nga kà ji vungina ni dituta, o mbeji ki ia kʼèhela mukengeji uê ku muika.

Izekiiele 32:8

Nga kà bhangesa kuila o mikengeji ioso ibenha ku diulu diakadiaka, ia kà ku vundila, anga o ku thandu dia ixi ié nga kà bheka-ku kitombe, Ngana Nzambi ua ki tange.

Hozeia 6:3

Jihova-phe tu mu ijiie, tuende ni kujijila jinga ku mu ijiia; mukonda iú uiza, o kuxindumuka kuê mukuâ ni ukielu ua kizuua; ua-nda ku tu zungila mukuâ ni mvula, kala mvula ia isanga i kaiela ku mvula ia kudinji, ienda ni kutekela oxi.

Jouele 2:2

Kizuua kia kuvunda, kizuua kia dilamba; kizuua kia ifuke ni kitombe kiedi ni kiene bui, mukuâ ni mukengeji ua kimene ki u di muangena ku milundu, kiene ue ki di sanha o kifuẋi kia mundu ua dikota kia nguzu, kia bhingi kuila tundé ku xahulu kiluua ki kala-ku, o ku pholo ue, ku mivu ia-nda kuiza-ku, ki kià kala-ku dingi, kutunda muiji kuiza muiji.

Jouele 2:30

Nga kʼèdikiza isuma mu dimbinza ku diulu ni mu ngongo bhoxi, túbhia ni manhinga ni mifundangaia ia matuta ma dixi.

Jouele 2:31

Dikumbi dia kà kituka kitombe kia usuku, o mbeji i di bhanga manhinga, kioso hanji ngó kizuua kia dikota kia Jihova, ki kuata uoma, kiluua ki bhiẋila.

Nzuá 1:5

Mukengeji u muika mua vundu; o kuvunda-phe nuka kutena ku u jima.

Nzuá 12:46

Eme ngeza kuma ngi mukengeji mu ngongo, phala uoso u ngi xikana, ka kale dingi mua vundu.

Jipoxolo 2:16

Maji o kia mu bhitʼ iki-phe, kiene o kimbamba ki a tanga polofeta Jouele, uixi:

Jipoxolo 2:19

Nga kʼ èdikiza isumua mu diulu, ku thandu, ni idiuanu mu ngongo, bhoxi! Kua kà kala manhinga, túbhia, ni ifuke ia dixi.

Kolose 1:12

Muenda ni kusanguluka mu kusakidila Tata ua tu bhangesa o kufuama kididi kietu mu undundu ua akua Ngana mu Utuminu ua mukengeji.

II Phetele 1:19

Mukonda dia kienhiki, o maka ma tanga jinga o misésedi, tua beta dingi o ku ma dielela kiavulu. Enu uenu mua-lu bhanga kiambote, o ku mʼaluka, enhá. Mukonda ene a di bhange mukuâ ni kandeia ka muikina mu kididi kia vundu, katé kikia o kizuua, anga o mukengeji ua thethembua ia kimene, u muikina mu miẋima ienu.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

Dijingunuinu 11:3

Anga ngi tumikisa mbangi jami jiiadi, a zuata saku ia kidinhaji, hé a kala mu tanga o Njimbu ia Nzambi mu midi ia kizuua ni hama jiiadi ni makuinhi asamanu.