Zakadiia 14:2 - O Mikanda Ikola

² Mukonda eme miji ioso nganda ku i bhongolola mu kubhânga, a lua ita ni Jeluzaleme; mbonge a kà i tambula o jinzu a kà ji bula ni ku ji bhûnda; ahetu a kà a ta jiphanda; mbandu muene ia mbonge ia kà-ia ku ubhika, maji o tumbalu-mbalu tua subhuka, mu mbonge ka kà tu kaia-mu.

Zakadiia 14:2 ပူးပေါင်းရင်းမြစ်များ

Izaía 13:16

Tuana tuâ a ka tu sasujula ku mesu mâ ma kumona; mabhata mâ a kà ma bhûnda, o akajiʼâ a ka a bhanga ufusa.

Izaía 4:3

Bheneʼobho-phe, uoso u subhuka mu Ziione, ni ió uoso u nangenena mu Jeluzaleme, a kà mu luka Sandu; uoso kiá muʼaxaxi ka athu a muenhu, a kà mu soneka mu Jeluzaleme;

Izaía 5:26

Muene ua kà leka Dibandela diê muʼaxaxi ka miji ia makanga, hé u a kà exana ni muixi, tundé ku maẋokololo maʼxi; anga a kèza ni malusolo.

Izaía 65:18

Maji enu mua-nda kusangulukila kiá muene mu kima ki ngi iudika, enu muene mu mua-nda kutanena; kuma talenu kunu, Jeluzaleme ngi mu iudikila o kusanguluka; O athuʼ ê ngi a iudikila o kimuenhu.

Jelemiia 21:4

Jihova Nzambi ia Izalaiele, uambe kiki: Talesenu, eme nga-nda ku lungulula ikumba ienu ia ita i mua kuata bhu maku menu phala ku di lua ni sobha ia Babilonha, ni akua Kaldeia, oso a mi jinguluka kuema dia imbaka, anga nga a bhongoluela muʼaxaxi ka mbonge ienhiʼii.

Jelemiia 34:1

Kizuelu kia tundu kua Jihova kí kia tula kua Jelemiia, kioso Nabukodonozolo, sobha ia Babilonha ni masoladi mê moso, ni mautuminu moso mu ngongo, a kexile mu ku a tumina kuala muene, ni ifuẋi ioso kia mu lu ita ni Jeluzaleme ni jimbonge jê joso, kiexi:

Kuditenda 1:10

Jeluzaleme ima iê ioso ia matunda ia kexe na-iu, kisuéia ua sunununa o lukuaku luê mu ku mu tambula-iu; uamono muene o matumbu kia bokona mu kididi kiê kiangene; ene-phe o matumbu u uambele eie, kuila ka bokone bhu kionge kié.

Izekiiele 5:8

Mukonda-phe dia kiki, o Jihova Nzambi, uixi: Tala kuma eme, xi, eme-muène, nga ku lungulukila; nga-nda kubhanga isunji mu kaxi ké, ku mesu ma akua jixi jengi.

Jouele 3:2

Miji ioso nga kà i bhongolola, hé nga kà i bhangesa ku kulumuka mu dikôlo dia Jozafate; mueneʼomo-phe kiá, nga kà funda-nâ mukonda dia kifuxu kiami, ni undûndu uami, Izalaiele, a mu muanga-muangena mu jixi kuala ene, ixi iami iá a di uanena-iu.

Jouele 3:9

Kienhiki kolenu-kiu mu miji ioso, ita i mi kale kima ki kôla! Ixanenu mazonda a bhixile, mala oso a ita a bande!

Amoji 7:17

Mukonda dia kienhiki Jihova uambe kiki: Muhatuʼé ua kà kituka kidianzunga mu mbonge; anʼé a mala ni anʼé a ahetu, a kà di bhala ku xibhata; o ixi ié a kà i uana-uana ni mukolo, eie-muène ua kà fuila mʼoxi ia kasana, ia xidi; o Izalaiele, ni kidi muene, a kà muʼambata koxi iengi ia dikanga mu ubhika.

Zakadiia 12:2

Talesa, eme Jeluzaleme nga-nda ku mu bhanga mukua ni kopho i bhekesa uoma oso ala mu jimbandu, ni Juda ue u kala ni uoma kia-nda kumona Jeluzaleme a mu kondoloka.

Zakadiia 12:3

Kizuuʼokio Jeluzaleme nga kà mu bhanga ditadi dia neme phala miji ioso; oso a kà di zangula, dia kà sasujula; miji ioso mu ngongo ia kà di bhongolola mu ku mu bilukila.

Zakadiia 12:9

Anga kia kà bhita kiki bhu kizuuʼokio, kuila, nga kà sota kujimisa miji ioso ia kèza mu ku zoka ni Jeluzaleme.

Matesu 22:7

Sobha anga njinda i mu kuata; u katula ita iê, ijibhangangʼoio anga u i buikisa, mabhata mâ u ma ta mu túbhia.

Marku 13:14

Jezú anga u zuela dingi, uixi: Ki mu mona-phe o kisunji ki buikisa mundu kiemana bhuma ki kia tokala kukala-bhu, (uoso mutangi u tanga, a tongolole). Kienhókio, oso a kala mu Judeia, a ka lengele ku milundu.

Marku 13:19

Kuma izuuʼoio kua kala divuua dia dikota, kiluua ngo di kala-ku tunde ku dimatekenu dia Nzambi kukalakala ima ioso kate lelu; ne ku hadia ki di moneka luiadi!

Luka 2:1

Mu Izuua iná anga ku tunda ngonge kua Sézalu Nguxi, ia kusoneka athu oso mu ngongo.