Zakadiia 14:16 - O Mikanda Ikola

¹⁶ Kieneʼokio, ene oso a subhuka ku miji ioso iejile mù-lua ni Jeluzaleme, a kà banda muvu ni muvu phala kubheza Jihova dia Ifuẋi, o sobha, ni kubhanga ue o fesa ia jifundu.

Zakadiia 14:16 ပူးပေါင်းရင်းမြစ်များ

II Malunda 8:13

O kienʼiki hé u ki bhanga muene kala kia tokala mu izuua ioso, ni kubhakula kala kia tumu o kijila kia Mozé mu jisabhalu, ni bhu jimbeji ja thethama, ni mu jifesa, lutatu ku muvu: Bhu fesa ia jimbolo ja ususu, ni bhu fesa ia jisemana, ni bhu fesa ia jifundu.

Ejidala 3:4

Fesa ia jifundu ue a i bhange muene kala kia ki soneka; jisata ja izuua ioso aii ni ku ji bhakula, ku jiʼalula ku kizuua, ja tenena muene kala kia ji xindi dialuilu diê.

Jisálamu 66:4

Jixi joso ji kala mu ku ku bheza eie, ni ku ku imbila; ji kala mu kuimbila o dijina dié. (Selah.)

Izaía 18:7

O Kifuẋi-phe kia athu a lebha, ala ni kikonda ki lujela, o mundu ua ẋinuka tundé ukulu, katé ku pholo; kifuxi kia kubhunda, a bhindamena kutumina, kifuxi ki talesa hadi, ene mʼoxi iouane ku jingiji, mu thembu ienhoio a kà bheka ujitu kua Jihova diua Ilômbo Ieta, bhu kibúta kia dijina dia Jihova dia Ilômbo Ieta, ku mulundu ua Ziione.

Izaía 19:21

Jihova muene ua kà didikiza ku akua-Ijitu, o akua-Ijitu mu kizuʼokio, a kèjiia Jihova; kiene muene, nʼa kuata ku mu bheza ni jisata ni mibhaku; a ta jihasa kua Jihova anga a ji kumbidila.

Izaía 27:13

Mu kizuua kieneʼokio, kia-nda kua kà kala-phe kiki: A kà xika-mu koloneta ionéne, o ió oso-phe a texikile ni kubunganena mʼoxi ia Asídia, ni oso a a balakalele kʼoxi ia Ijitu, a kà vutuka dingi anga a kà bheza Jihova ku mulundu uê uangene, mu Jeluzaleme.

Izaía 6:5

Bheneʼobho ngixi-phe: Kokolo diami! Eme ngafu-ó! Mukonda ngi muthu nga xidi mu kanu, eme nga tunga muʼaxaxi ka mundu ua kasana o dikanu, o mesu mami ia a mono Muenexi, Jihova dia Ilômbo Ieta!

Izaía 66:23

Hé kima-phe, tundé kimoneka o mbeje katé kia kà moneka ia mukuá, tundé kia sabhalu katé sabhalu ia mukuá ni kuiza mu bheza bhu pholo iami, eme ngi Jihova.

Jelemiia 46:18

Sobha ua bhingi dijina diê muene Jihova dia Ifuẋi, uambe uixi: Eme ngi nangenena! Kuma ni kidi kiene, kala kiala o mulundu ua Tabolo bhu kaẋi ka milundu ni mulundu ua Kalamelu bhu mbandu ia kalunga, kiene kià kʼeza muene.

Jelemiia 48:15

Mouabhe a mu sengulula kiá, ua tundu mu jimbonge jê ni kubanda, o minzangala iê ia mala ia solele, ia kulumuka mu kijibha, Sobha ua ki tange, o dijina diê Jihova dia Ilombo Ieta.

Jelemiia 51:57

Nga kà kodiuisa o ilamba iê, ni jinjimu jê, ni jikabhitangu jê, ni makota mê ma jinganga, ni mazonda mê; hé a ká zeka kilu ki nangenena, ki mungu dingi a tona; Sobha ua bhingi dijina diê Jihova dia Ilombo Ieta muene ua ki tange.

Hozeia 12:9

Maji eme-phe, tunde mʼoxi ia Ijito, eme ngi Jihova Nzambi ié; hanji eme nga-nda ku ku bhangesa kuzekela mu jifundu kala bhu izuua ia jifesa.

Jouele 2:32

Kieneʼokio-phe, uoso ua kà hingila dijina dia Jihova ua kà bhuluka. Kuma ku mulundu ua Ziione, ni mu Jeluzaleme, muà kala dibhandulukilu kala kiene mu ki tanga kuala Jihova, ni kua iá oso a subhuka a kà exana kuala Jihova.

Mikeia 4:2

Kua kʼàia muene miji iavulu, exi: Izenu, tu bandienu ku mulundu ua Jihova, ku dibhata dia Nzambi ia Jakobo. Muene nda a kà tu longe o jinjila jê, etu phala tuendele mu jihoka jê. Mukonda o kitumu hádia ki tunda mu Ziione, o maka ma Ngana ma kà tunda mu Jeluzaleme.

Zakadiia 14:9

Jihova muene ua kà kala Sobha mu ngongo ioso. Bhu kizuuʼokio-phe, Ngana ia kà kala imoxi ngó ni dijina diê dimoxi ngó.

Zakadiia 9:7

O manhinga ma jisata ja iteka nga kà a katula mu kanu dia enhâ, ni kubhanga isunji iaíibha ngi ku katula ku mazu mâ; bheneʼobho muene ue ua kà xala kala kisubhuke, kia subhuka phala Nzambi ietu; ua kà di bhanga kiá mukua dijiku dia Juda, o Ekolone uà kela kiá kala Jebuzeu.

Malakiia 1:14

Lamba dia muthu ió mukua mangonha, uoso uila o kibhaku kia ndumbe sé kisemu, iú na-kiu mu kibhanga kiê, maji o kia tanga kubhana kima kua Jihova, mu ku kumbidila polomesa iê ubhana kima ki kiauabha ki kuata ukoxina. Jihova dia Ifuẋi phe, uixi: Ki kiene, kana! Mukonda eme ngi Sobha ionéne; dijina diami a kà di kuatela uoma mu ngongo ioso.

Luka 19:38

A taneku, muenexi ueza mu dijina dia Ngana! Uembu ku diulu, fuma mu madimbinza mònene kua Nzambi!

Nzuá 1:49

Natanaiele ua kumbulula, uixi: Mesene, eie u Monʼ a Nzambi! Eie Ngana, u sobha ia Izalaiele.

Nzuá 7:2

O fesa ia Jijudé, iexana Fesa ia Jifundu, anga i zukama.

Jipoxolo 15:17

Phala athu a kamukuâ a sote Ngana, ni matumbu oso a exana mu dijina diami,

Loma 11:16

Mbata se o dikende dia dianga ku mbolo a di bhakuila Nzambi, ni mbolo ioso iê-muène ue. Se o jindanji ja muxi a ji lumbila Nzambi, ni jithangu ue jê-muène.

Loma 11:26

Kienʼ iki kiene kiua o Izalaiele ioso ki ia kà bhuluka. Kala kia ki soneka mu Mikanda Ikôla, exi: Ku Ziione hadia ku tunda Mubhuludi, ua kà katula o ikuma ioso ia ió a tokala ku muiji ua Jakobo.

Loma 11:5

Kiene ue kimoxi mu thembu ia kindala. Mukonda dia kiadi kia Nzambi, sai-ku hanji amoxi a subhuka, a tokala mu ió òsole kuala muène.

Dijingunuinu 11:13

Kithangana kienhókio anga kubhita kizema-zema kia dikota kia ʼxi. O mbanza i lundumuka mbandu iê ia kuinhi, o a fu ku kizema-zema kia ʼxi anga a tena sambuadi dia midi ia muthu. Athu a subhuka-ku hé a kala ni uôma uavulu, anga a ximana Nzambi ia diulu.

Dijingunuinu 19:16

Ku kizuatu kiê, bhu ditabela, kuosoneke dijina, exi: Sobha ia jisobha, Ngana ia jingana.