Zakadiia 14:10 - O Mikanda Ikola

¹⁰ O ixi ioso ia kà kituka mukua ni kiphenza kia tundu mu Jeba katé ku Dimone ku mbandu ia Sulu ia Jeluzaleme; Jeluzaleme muene a kà mu zangeleka; ua kà tunga ua kà soma tunde bhu kididi kia dibhitu dia dianga katé bhu thungi; tundé bhu inzu ia matala ia Hananiiele katé ku makamenu-ma-vinhu ma sobha.

Zakadiia 14:10 ပူးပေါင်းရင်းမြစ်များ

I Jisobha 15:22

Bhenhobho sobha Aza u xikisa ngonge mu Juda ioso, kuila athu oso, kifuluʼé kifofo, a takane matadi mu Lama, ni miẋi iê ia kexe mu tunga na-iu Bahasa; sobha Aza anga u tunga na-iu Jeba dia Bejamí ni Mispa.

II Jisobha 14:13

O Jehouaji, sobha ia Izalaiele anga u kuta Amaziia, sobha ia Juda, monʼa Jouaji, monʼa Akaziia, bhu Beteseme; anga uiza mu Jeluzaleme, hé u bula o lumbu lua Jeluzaleme, tundé bhu dibhitu dia Ifalaimi katé bhu muelu ua thungi, mulebhelela uê ua hama jiuana ja kóvadu.

I Malunda 4:32

O tusanzala tuâ tuofele tua kexe na-tu, tuenhutu: Etame, ni Aime, ni Dimone, ni Tokeme ni Azane; madiembu a tanu.

I Malunda 6:77

Asubhuka ku ana a Meladi ku muiji ua Nzebulone a a bhana-ku o mbonge ia Dimono ni mavu oso akala mu jimbandu jê, mbé o makêla a ibhaku, ni Tabolo ni mavu ê oso a mu kala mu jimbandu jê, phala o makêla a disila ibhaku.

II Malunda 25:23

Amaziia, sobha ia Juda, monʼa Jouaji, monʼa Jouakaji, anga a mu kutila bhu Beteseme, kuala Jouaji, sobha ia Izalaiele hé uiza-nê mu Jeluzaleme; anga u bula o lumbu lua Jeluzaleme, tunde bhu muelu ua Ifalaimi katé bhu muelu ua Thungi, hama jiuana ja jikóvado.

II Malunda 26:9

Uziia ua tungile ue jinzu ja matala mu Jeluzaleme bhu muelu ua Thungi, ni bhu muelu ua Dikôlo, ni mu jihota, anga u ji kolesa kiambote.

Nehemiia 12:39

anga a bhita bhu Muelu ua Ifalaiéme, a bhita bhu Muelu Uôkulu, a bhita bhu Muelu ua Mbiji ni bhu kathôndo ka Menha, hé a bhixila bhu Muelu ua Ibhaku; anga eza emana bhu Muelu ua Kaleia.

Nehemiia 3:1

Anga nganga ia dikota, Eiiiasibe u balumuka, ni muene ni phange jê, o jinganga, anga a tunga o Muelu ua Jimbudi, a u lumbila, anga a u ta o mabhitu mê; a lumbila katé ni mbonge ia Meiah, ni mbonge ia kathondo, Hananele.

Izaía 10:29

Ia a bhita kiá, a te kibangu mu Jeba: Lama iù teketa kiá; Jibeia ia Saulu iu uia ni lusolo.

Izaía 2:2

Anga kia kà bhita-phe kuila: Mu izuua ia kà sukidila-ku, o mulundu kua tungu o inzu ia Jihova, ua kà beta kuzangalala o milundu ioso ni tumilundu tuofele, ndenge; o ifuẋi ia jixi joso ia kà lengela kué muene.

Jelemiia 20:2

Anga Paxulu u beta polofeta Jelemiia, iu ua mu te bhu ditolongo diala bhu muelu ua dikota ua Bejamí moʼnzo ia Jihova.

Jelemiia 30:18

Jihova uambe, kiki, uixi: Tala, uhutile ua jibalaka ja Jakobo ngi u bhuisa-ku, anga mabhata mê ngi ma kuatela henda; o mbanza iê a kà i tunga dingi ku thanduʼa ibhela iê iòkulu, o dizemba dia sobha dia kà kala kala ki dia kexile jinge.

Jelemiia 37:13

Kioso muene kiala bhu dibhitu dia Bejamí, bhua kexile ue kabhitangu ka kilangidilu, dijina diê a muʼixana Jediia, monʼa Selemiia, monʼa Hananiia; muenhú hé u kuta Jelemiia dia polofeta, uexi: Eie ua mu lengela ku akua Kaldeia.

Jelemiia 38:7

Ebede-Meleke, mukua Itiiopia, o ngolambole, ua kexile mʼonzo ia sobha, anga u kʼivua kuila Jelemiia a mu te mu kiboiongo (kieneʼokio-phe sobha ua xikama bhu muelu ua Bejamí);

Amoji 9:11

Mu kizuua kieneʼokio-phe, balaka ia Davidi ia dibhalele, nga kà imika dingi, mazungu mê nga kà a xita, jingundu jê nga kà ji balumuna dingi, nga kà i tunga kala mu izuua ia xahulu.

Mikeia 4:1

Mu izuua-phe ia kà sukidila-ku, kia kà bhita kuma, o mulundu ua inzu ia Jihova a kà u tula bhu zoko-zoko bhua suku o milundu ioso, o tumilundu tuoso ua kà tu somboka, tu xala muene bhoxi, o ifuẋi ioso anga ia kà bhongolokela kueneʼoko.

Zakadiia 12:6

Bhu kumbi dieneʼodio o ilamba mua Juda nga kà a kitula kala dikala dia túbhia koxi dia jihuinhi; a kà di bhanga kala kixinji kia túbhia mu ita ia iangu; ni ku dilu ni ku kiasu a kà jikinisa ifuẋi ioso mu jimbandu, anga mu Jeluzaleme mua ka tunga dingi athu lua mukuá bhu kididi kiê, mu Jeluzaleme muene.

Zakadiia 2:4

Anga i mu tangela, iexi: Lenga, tangela munzangala iú, kuamba: O Jeluzaleme hádia ua kà tungiua dingi kala kia jisanzala ja kambe imbaka, mukonda dia kifuẋi momué, kia athu ni kia ibhaku.

Zakadiia 8:3

Jihova dia Ifuẋi uambe kiki, uixi: Ziione nga kà mu vutukila. Nga kà tunga mu kaxi ka Jeluzaleme. Jeluzaleme a kà mu ixana exi: Mbanza ia ujitu, mulundu uangene ua Jihova dia Ilombo Ieta, mulundu uê ukôla.

Josuué 15:32

ni Lebaiote, ni Silimi, ni Aime, ni Dimone, ni jisanzala kiá ni tumadiembu konda ia makuinhi aiadi niʼvua.

Josuué 21:17

O muiji ua Bejamí ua bhana Ngibiione, ni mbalelu iê, Jeba, ni mbalelu iê;

Afundixi 20:45

Kia mono kuila ki ki xikina, a lunguluka anga a lengela mu kikangalakata bhu Ndànji ia Dimone; o mu jinjila muejila, a nemeka-mu dingi jimbalu-mbalu ji tena midi jitanu ja muthu; anga aia dingi ni ku a kaia katé bhu Ngidome, a nemeka-bhu dingi midi jiiadi.

Afundixi 20:47

Bhu kala-phe Ndànji ia Dimone, anga a kala kuenhokio bhu Ndànji ia Dimone mbeji jiuana.

Afundixi 21:13

Kilômbo kioso anga ki tuma kuzuelesa anʼa Bejamí ala bhu Ndànji ia Dimone a di tambulula-nâ anga a a kolela paze.