Zakadiia 13:9 - O Mikanda Ikola

⁹ Anga mbandu ia katatu iii nga kà i bhitisa mu túbhia, nga kà i zelesa mukua ni kiene kuzunza o utadi ua phalata, hé nga kà i lola kala kiene ku lola o ulu. Iene ki ia kà diundila dijina diami, eme ue nga kà ivua muene. Eme nga kà i ambela, ngixi: Iú uene o mundu uami; o iene ue ia kèla iexi: Jihova muene o Nzambi iami.

Zakadiia 13:9 ပူးပေါင်းရင်းမြစ်များ

II Samuuele 7:24

Mundu ué ua Izalaiele anga u a tungisa mu kala mundu ué ua di kalela mu mivu ia kambe dizubhilu; eie muene Jihova, ua di bhange u Nzambi iâ.

Jobe 23:10

Maji muene-phe o njila iami ua ijiia; se muene ua ngi lolele, ngeje kutunda utadi ua ulu mukuá.

Jobe 28:1

Kidi muene, phalata iala ni ididi iê mua ku i kanda, o ulu ua kuzunza uala ue ni kididi kiê.

Jisálamu 144:15

Azediua o athu a kala mu ukalelu kala iú uala kiki; azediua muene o athu ala ni Jihova kuma Nzambi iâ.

Jisálamu 43:4

Phala ngi bhixile bhu kalatódio ka Nzambi, kua Nzambi uène o kusanguluka kuami kua dikota; o mu ku ku ximana, ngi ku imbila ni kakoxi, u Nzambi, Nzambi iami, tata!

Jisálamu 50:15

Nda u dikola ko kuami, mu kizuua ki kuiza o kutata; eme ngi ku kudila, eie anga u kala ni ku ngi ximana.

Jisálamu 91:15

Muene kia ngʼixana, eme ngʼitaia; bhu kíbhidi ngi mu kala bhu mbandu; ngi mu kudila, ngi mu jingisa.

Jisabhu 17:3

Phalata a i tunguila bhu dizunzilu, o ulu a u tunguila bhu mbèmbu; maji Jihova muene mukua kutungula o miẋima ia athu.

Mukumbi ua Mikumbi 2:16

O kazola kami, uami; eme ue, ngi uê (nga mu tokala muene). O kilunga kiê u ki disila mu kaẋi ka itulu ia jihonga.

Izaía 43:2

Kioso ki ua kà bhita mu menha mua zongo, tuà kala kiiadi; kioso ki uà bhita mu jingiji, kua-nda ku boba; ki uà kà bhita mu túbhia, kua-nda kujikata; o mulengo ki ua kà tena ku kuata kokué.

Izaía 48:10

Talesa, nga ku zelesa kiá, kana kala kia zunza o phalata; eie nga ku lolela mu muzukuta ua dilamba.

Izaía 58:9

Bhenhobho o ki u dikola, Jihova ua-nda ku kuitaia; o ki u ta nzôngo, muene ua-nda kuila: Emeʼú! Kala-phe, kuxina akuenu o kimbamba, muʼaxaxi ké kibhua-mu, ni ku toka mulembu kua mukuenu, ni kuzuela kua izala;

Jelemiia 24:5

Jihova, Nzambi ia Izalaiele, uambe kiki: Mukua ni jifiku jiji ja mbote, kiene ue ki nga-nda kuijiia akua Juda, a ambata ku uhutile, u nga katula eme-muène bhu kididi kiki, eme nga a bheka ku ixi ia akua Kaldeia, phala mbote iâ.

Jelemiia 30:22

Enu-phe mua kà kala mu mundu uami, eme nga kà kala ngi Nzambi ienu.

Jelemiia 31:33

Maji o kiki kiene o kikutu ki nga-nda kuta ni bhata dia Izalaiele, kia-nda kúbhua o izuuʼoio, Jihova ua ki tange: Nga kà ta o kitumu kiami mu thulu iâ, nga kà ki soneka muene ku muẋima uâ; eme nga kà kala ngi Nzambi iâ ene a kà kala mundu uami.

Jelemiia 32:38

Ene a kà kala athuʼami, eme ngi kala ngi Nzambi iâ.

Jelemiia 9:6

Eie-phe ua tungu muʼaxaxi ka mangonha; o mu mangonha mâ a di tunuʼâ muene ku ngʼijiia, Jihova ua ki tange.

Izekiiele 11:20

Mbhebhu aie ni kuenda mu jingonge jami, ni alunde o mabatuilu mami, nʼende ni ku a bhanga; ene hé a kà kala kiá mundu uami, eme ngi kala ngi Nzambi iâ.

Izekiiele 14:11

Phala o dibhata dia Izalaiele ki di ngʼixe dingi eme, mba di di kasanesa dingi ni itondalu iâ iosoʼlolo; kienhókio ene a kà kala mundu uami, eme ngó nga kà kala ngi Nzambi iâ, Jihova Nzambi ua ki tange.

Izekiiele 20:38

Maji o ió a ngi bhukumukina, ni iá a ngi tondalela, mu kaxi kenu nga kà a muangununa-mu; nga kà a katula muene mu ixi mua nhunganena, maji o mu ixi ia Izalaiele ka kà vutuka-mu dingi; phala ki mʼindukile kuila Eme-muène ngi Jihova.

Izekiiele 36:28

Hé mua kà tunga mu ixi i nga bhana ku jitata jenu, enu anga mu ngi kala mu mundu uami, eme ngi kala ngi Nzambi ienu.

Izekiiele 37:27

O balaka iami ia kà kala ni ene, emeʼeme ngi kala ngi Nzambi iâ, o ene a kà kala ene o mundu uami.

Daniiele 11:35

Amoxi ku athu a tetuluka kilunji a kà dibhala, mbé o ku a lola kujiza kuâ phala ku a eẋika ni ku a zelesa-phe, katé bhua kà bhuila o kithangana, mukonda o thembu ia dizubhilu ki iza, katé bhu kithangana kiê kioso kia tokala kia i xindi.

Daniiele 12:10

Athu avulu a kà a bhuisa o dixidilu dioso, a kà a zelesa, ni ku a teza; maji akua phulu a kà jijila kubhanga dingi phulu mu phulu iene, kuma akua phulu né ngó umoxi ka kà tena kutetuluka; maji oso ala jinjimu, kia kà a tetulukila muene.

Jouele 2:32

Kieneʼokio-phe, uoso ua kà hingila dijina dia Jihova ua kà bhuluka. Kuma ku mulundu ua Ziione, ni mu Jeluzaleme, muà kala dibhandulukilu kala kiene mu ki tanga kuala Jihova, ni kua iá oso a subhuka a kà exana kuala Jihova.

Ijila 26:12

Anga ngi kuata kuzungila muʼaxaxe kenu, Eme ngi kala ngi Nzambi ienu, enu ue mu ngi kala mu mundu uami.

Zakadiia 10:6

Nga kà suinisa o dibhata dia Juda; nga kà bhulula o dibhata dia Zuze; anga nga kà bhangesa kuila a vutuka dingi mbata nga kà a kuatela henda; anga a kèla kala eme ki ngi di tunine-nâ, mbata eme ngi Jihova Nzambi iâ, nga kà evua muene.

Zakadiia 12:10

O ku dibhata dia Davidi, ni ku thandu dia iá a tungu mu Jeluzaleme, nga kà lunduluila-ku Nzumbi ia Kiadi ni ia kudionda anga ene à kenda ni kutala kokuami. O ió uoso a mu kubula, ene a kà mu tela jingololo kala mona umoxiʼèlele, a kà mu dila muene ni kajikijiki kala kia dila mona ua phandekumbi.

Zakadiia 8:8

Nga kèza-nâ; a kà tunga muʼaxaxi ka Jeluzaleme. Ene a kà kala mundu uami, eme nga kà kala ngi Nzambi iâ, mu kidi ni mu kufundisa kua iuka.

Jipoxolo 2:21

Kienhokio-phe ki bhita kuma, uoso ua kà bhingila dikuatekesu mu dijina dia Ngana, u bhuluka.

Jihebeleu 8:10

O kikutu-phe hinu ki nga kà ta ni mundu ua Izalaiele, eme ngi Ngana, izuua ieniʼoio,—kia kà kala kiki: Nga kà ta o ijila iami mu thulu iâ, anga nga kà i soneka mu miẋima iâ. Eme nga kà kala ngi Nzambi iâ, ene a kà kala mundu uami.

Tiiaku 1:12

Ua zediua o muthu u kolokota mu lamba, anga u kala fiiele. Kuma kia zubha ku mu lola mu malamba enhó, ua kà tambula kitundu kia muenhu, kia tange Nagana kubhana oso a mu zola.

I Phetele 4:12

Enu akuetu makambʼami a kazola, ki mu di uane o polova ia dikota ia-lù bhita muʼaxaxi kenu, ieza ku mi lola, ki mu ki fike kuma mua-lù bhita ni kisunji.

Dijingunuinu 21:7

Uoso u tolola, muène ua kà lundula kokuami o ima íii: Eme nga kà mu kala ngi Nzambi iê, muène uà kala monʼami.

Dijingunuinu 8:10

Anju ia katatu anga u xika o koloneta iê. Anga ku diulu ku lauka théthembua ia dikota, ia uama kala sama ia túbhia, anga i laukila ku thandu dia mbandu ia katatu ia jingiji, ni jithu ja menha.

Dijingunuinu 8:11

O théthembuʼoio, dijina diê Kulula. Anga i ludisa mbandu ia katatu ia menha, anga kukala athu avulu, kia nu, a fua ku menha mukonda dia kulula.

Dijingunuinu 8:12

Anju ia kauana anga u xika koloneta iê. O dikumbi anga a di sosolola mbandu ia katatu, ni mbeji ni jithéthembua ue kiomuène, a ji jima mbandu ia katatu, o kubenha kuâ anga kuxoxouela mbandu ia katatu. O kizuua hé ki lémbua kúkia mbandu iê ia katatu, o usuku ue kiomuène.

Dijingunuinu 8:7

Anju ia dianga anga u xika o koloneta iê. Hé kukala mvula ia matadi ni túbhia, iòlunge ni manhinga, anga a i kuua mu ngongo. Oxi anga i bhia o mbandu ia katatu, o mixi ue ibhia mbandu ia ʼtatu, o iangu ia uisu ibhia iene ioso.

Dijingunuinu 8:8

Anju ia kaiadi anga u xika koloneta iê. Hé ku kala kima kia di fu kala mulundu ua dikota, ua uama túbhia, a u lundumuina mu musanza ua kalunga. O mbandu ia katatu ia musanza anga i kituka manhinga.

Dijingunuinu 8:9

O mienhu iene ku musanza ua kalunga anga i fua mbandu ia katatu, o jinaviiu ue anga ji buila mbandu ia katatu.