Zakadiia 13:1 - O Mikanda Ikola

¹ Bhu kumbiʼodio kua kà kala fiẋi ia jikuka phala o dibhata dia Davidi, ni iá a tungu mu Jeluzaleme, phala ku dizelesa ku ituxi ni ufusa.

Zakadiia 13:1 ပူးပေါင်းရင်းမြစ်များ

Jisálamu 51:2

Ngi sukule, u ngi zelese ku ikuma iami, mukonda nga xidi; ngi bonze, phala kituxi kiami ki bhue-ku.

Jisálamu 51:7

Ngi bonze ni kisasa kia hisopo, lufuku lu ngi bhue; ngi sukule, ngi zele, kuzela kua neve ndenge.

Izaía 12:3

O enu-phe, ni kusanguluka kuoso, mua-nda kua kà teka menha mu jifiẋi ja kubhuluka.

Izaía 4:4

kioso o Jihova kia kà sukula ufusa uoso ua ana-ilumba mu Ziione, anga uzelesa Jeluzaleme ku kikuma kia manhinga muʼaxaxi kê ni nzumbi ia kuiuka ni nzumbi ia huii.

Jelemiia 17:13

Jihova tata, kidielelu kia Izalaiele! Oso a kuxa eie, hinu sonhi ja kà a kuata; oso a ngi sondoloka eme, hinu a-nda ku a soneka o majina ku mavu bhoxi; mbata Jihova a mu xisa, muene Otho ia menha ma muenhu.

Jelemiia 2:13

Mukonda mundu uami abhange ima iiadi iaiibha: edi eme a ngi-xi, ngi otho ia menha ma muenhu, ia a kande ixima, ixima iene ia budika, ia kuata o kubhubha ki ia tena kuxikika menha.

Jelemiia 29:26

Jihova ua ku lumbu unganga bhu kididi kia nganga Joiada, phala ni u kale u katúmua ka inzu ia Jihova ku muthu uoso u sota ku ki tundisa, ni ku di bhanga polofeta, eie u mu te muʼaleia ni bhu ditaka.

Jelemiia 33:8

Nga-nda kua kà a sukula o kuiibha kuâ kuoso, kua ta jinga na-ku ituxi kokuami; nga kà a loloka o ikuma iâ ioso ia ta jinga na-iu ituxi kokuami, ia a bhekesa o ku ngi tondalela.

Izekiiele 36:17

Monʼa diiala, kioso o muiji ua Izalaiele ki ua tungile mʼoxi iâ, o ixi a i kasanesa ni jinjila jâ ni ibhangelu iâ; mukuâ ni dixidilu di tunda mu muhatu kia kala mu ijila iê, kiene kia kexile o njila iâ bhu mesuʼami.

Izekiiele 36:25

Kienhókio nga kà mi pusuila menha a zele ku thandu dienu, anga mu-bhua o dixidilu dioso; nga kà mi zelesa muene ku maufusa menu moso, ni ku mahamba menu moso.

Izekiiele 36:29

Kienhókio nga kà mi kula ku maufusa menu moso; hé nga kʼèxana o kúdia ni ngi ku sokolola, ki mungu dingi mu kala ni nzala ku thandu dienu.

Izekiiele 47:1

Kia bhiti imʼiii, ua ngi vutukisa bhu muelu ua Tembulu, mu kutala nga mono menha ala kutunda bhu kikota kia muelu ua Tembulu, a kungulukila ku tundila o dikumbi; mukonda o inzu iene ue ia lungila ku thunda, o menha a kexile mu kufuáfua koxi, ku mbandu ia kadilu iaʼnzu, o mbandu ia uombe ia Kalatódio.

Ijila 11:36

Se-phe fixi mba kixima, athu bhua mu teka menha, ioio ki idié kima; uoso ua tombola-mu o kibamba kia fuila-mu muene ngó u kasana.

Mikeia 5:12

Hé nga kà ku katula o mauanga mu uala na-u bhu maku mé; kua kà kala dingi ni akua kuzambula.

Zakadiia 12:14

Miji ioso ia mukuá dingi, muiji ni mbandu iê, muiji ni mbandu iê, o ahatuʼâ ue ni mbandu iâ.

Zakadiia 12:3

Kizuuʼokio Jeluzaleme nga kà mu bhanga ditadi dia neme phala miji ioso; oso a kà di zangula, dia kà sasujula; miji ioso mu ngongo ia kà di bhongolola mu ku mu bilukila.

Nzuá 1:29

Kizuua kia kaiadi Nzuá u mona Jezú uala mù kuiza kua mùene, uixi: Talenu! Muenhó Kambudi ka Nzambi, ka katula o ituxi ia mundu!

Nzuá 5:4

Mukonda ku jithembu, anju ia kexi mù tuluka mu dizanga, mu kuvunza o menha. Uoso-phe u tuama ku di ta mu menha, ma vunzuka kiki, uiluka ku uhaxi uê uoso-uoso.]

I Kolindo 6:11

Enu amoxi-mu, kiene ki mua kexile. Maji a mi sukula ku ituxi, a mi lumbila kua Nzambi, o Muène iú ua mi xikina bhu pholo iê mukonda dia Jezú Kristu, Ngana ietu, ni mukonda dia Nzumbi ia Nzambi.

I Phetele 1:19

maji a mi kula mu manhinga ma te kiengi, kifua ma kambudi ki ka moneka kisému, mba dixaka, o manhinga ma Kristu.

I Nzuá 1:7

Maji, o ki kala-phe tuenda mu mukengeji, kala Nzambi muène kiene mu mukengeji, tu kala ku ukamba mudietu, o manhinga ma Jezú, Monʼê, kala kienda jinga Jezú Kristu.

I Nzuá 5:6

Jezú Kristu muenhó uejile ni menha ma batizu iê, ni manhinga ma kúfua kuê. Muène kejile ngó ni menha, maji kiiadi kiâ ni menha ni manhinga. O kienhiki, Nzumbi ua ki kexila umbangi kuma kidi. Mukonda o Nzumbi, iene o kidi.