Zakadiia 12:8 - O Mikanda Ikola

⁸ Bhu kumbiʼodio Jihova ua kà ongeka iá a tunga mu Jeluzaleme; o uoso ua tolo nguzu mu kaxi kâ, bhu kumbi dieneʼodio ua kà kala mukua ni Davidi; o dibhata dia Davidi dia kèla kala Nzambi, mukuá ni anju ia Jihova bhu pholo iâ.

Zakadiia 12:8 ပူးပေါင်းရင်းမြစ်များ

Jisálamu 8:5

Sumbala kiene, maji ki ua mu bhanga, kifua ua bhabhelela kua Nzambi; ua mu zuika kitundu kia ukota ni ujitu.

Jisálamu 82:6

Nga ki ambe, ngixi: Enu mu jinzambi, enu oso mu anʼa Suke-ku.

Makatukilu 14:19

O Anjo ia Jihova ia tuanemena o kilômbo kia Izalaiele, anga i tunda ku pholo iâ iza hé i a kalela ku dima; ni philadi ia dituta i tunda ku pholo ku ia kexile, ieza, iemana ku dima diâ.

Makatukilu 33:2

Nga-nda kutuma-phe Anju ku ku tuamenena; o Makanana, ni Mamodi, ni Mahiti, ni Mapelezi, ni Mahivi, ni Majebusi, nga-nda ku a kaia-mu;

Izaía 30:26

O mueji ua mbeje ua kà soka ni muanha, o muanha uene ua kà di bandekeza lusambuadi mu kútua, mukuâ ni muanha ua sambuadi dia izuua ua di lunjika kumoxi; kiki ki bhita bhu kizuua kia Jihova, kia-nda ku sokejeka o mundu uê ua budijika, ni kia tumba o kilônda kiâ.

Izaía 31:4

Mbata Jihova kiene kia ngʼambelʼiki, uixi: Kala hoji ni monʼa hoji kia zulumina kulu dia mbole iê ia kuata, né-phe kiá a mu bhongolokela kuala kilunga kia abidi, mázui mâ ki ma mu titidisa ni kima; o kuvula kuâ ki ku mu kuata uoma: Kiene ue Jihova dia Ilombo Ieta ua kà tuluka mu zokela mulundu ua Ziione, ni kathuthu-lundu kê.

Izaía 33:24

Ki bhua kà kala mukuabhata mu Jeluzaleme uila: Nga kata, lémbua, mukonda o mundu ua kà tunga-mu, ki ua kà kala dingi ni kikuma, mbata o ituxi iâ ioso a kà a loloka-iu.

Izaía 49:7

Jihova, Mubhuludi ua Izalaiele, Dilemba diê Ukôla, uambela muthu uoso a mu buangidika, a mu zemba kuala o mundu, o mubhika ua atumini, uixi: Muenhó a-nda ku mu balumukina bhu iandu kuala o jisobha, kia mu mona, ni ilamba uê, anga a kà diunda bhu pholo iê, mukonda dia henda ia Jihova, mukua kitongola, Dilemba Dikola dia Izalaiele, muthu ua ku tungula (ua ku sola).

Izaía 53:3

Kia kexi, a mu di tunu, muene o muthu a beta o ku mu tènda ni ku mu sebulula mu athu oso; mukua misusu; muthu uejidila o kutala hadi; uedi kala ió athu a mu bhana jinga dikunda ni ku mu suekela o pholo; kia kexile a mu ehelela, ki bhuala dingi muthu ua mu suu.

Izaía 63:9

Mu lamba diâ dioso ni muene uevile dilamba, anga mukunji uene bhu pholo iê u a bhulula; mukonda dia henda iêmuène ni kulenduka kuê, muene ua a bhulula; iu ua a tambula, iu u a endesa jinga kienhiki mu izuua ioso ia xahúlu.

Jelemiia 27:10

Mbata a mi zambuila makutu, phala ku mi balakala dikanga dia ixi ienu, nda eme ngi mi kaiese mʼoxi ienu, enu nda mu jime o mbutu.

Hozeia 1:7

Inda dibhata dia Juda nga-nda ku mu lendukila, nga-nda ku a bhuluila ku lukuaku lua Jihova Nzambi iâ; kuma ki nga-nda ku a bhulula mu ku a bhángela ni uta ua mufula, ku xibhata ue ki kuene, ku ita ki kuene, ku jikabalu kana, ku akua jimonde ue kana.

Hozeia 12:3

O kia kexi hanji mu divumu ua naminine mu kasènde ka phangʼiê, o kia bhixila kiá mu ukota, mu kuvula nguzu ua bhânge ni Nzambi.

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Jouele 3:10

Matemuʼenu a a Sule jixibhata, o jimvu jenu a ji Sule misongo ia mifula, ua kambe nguzu a zuele, uixi: Eme ngi kindanda kia ita!

Ijila 26:8

O kitanu mudienu, kia kà kaiesa hama ia jinguma; o ki mu kala mu háma, mu kaiesa kuinhi dia midi; o jinguma jenu enda ni kulalumuka ku xibhata ienu.

Mikeia 5:8

O mbandu-phe ia subhuka-bhu, ia Jakobo, anga ia kà kala mu kaxi ka miji ioso, muʼaxaxe ka ifuẋi ia ndumba, mukuâ ni hoji muʼaxaxi ka iama ia mukáu mu muxitu, kala kamunzangala ka hoji muʼaxaxi ka ilunga ia jimbudi; kuma iene ki i bhita, ua kàia ni kujikuata ni ku ji jibha, anga ji di bhanga mbole iê, o u ji kudila ka moneka.

Mikeia 7:16

O miji iengi a kà ki mona, mesu, jisonhi anga ja kà a kuata, kia kà mona o kutena kué eie; ene, mu ku di uana, maku mâ a kà ma xita ku makanu mâ, anga kua kà eza uxilu mu mátui.

Mikeia 7:8

Eie kana kusanguluka, nguma iami, ki u mona nga di-bhale, kuma né nga di bhale, hádia ngi balumuka dingi. O kioso ki ngiza kitombe, Ngana ua kà kala mukengeji uami.

Zakadiia 10:7

Anga akua Ifalaíme a kà di bhanga iiala ia mazonda; o muẋima uâ ua kà sanguluka muene kala muthu Uanu vinhu; o mu ku ki mona, anʼâ a kà sanguluka; o muẋima ua kà kala ni kutana mua Jihova.

Zakadiia 2:5

O Eme-phe, nga kà mu kala ngi kimbaka kia túbhia mu jimbandu; o fuma iê, Eme-muène-muene nga kà kala mu kaxi kê, kiene kia tange Jihova.

Zakadiia 9:14

Jihova a kà mu muena ku thandu dia anʼa Ziione; o misongo iê ia kà tunda kala jinzaji ja mvula iala mu telaka; Jihova Nzambi ua kà xikisa koloneta anga ua kʼàia ni ibhungu ia kitembu kia Sulu.

Zakadiia 9:8

Anga inzu iami nga kà i xitila mu jimbandu ku ifuẋi ia ita phala ki bhu bhite muthu mba u vutuka; phala o nguma mukua ku a bhondeleka, ka a bhite dingi ku thandu; mukonda o kiki nga di muena-kiu ni mesu mami.

Malakiia 3:1

Talesa-ze, ngi tumikisa o mukunji uami ku ngi iudikila o njila bhu pholo iami; anga mu tukumuka Ngana ua tula mu Tembulu iê; ió, enu muala ku mu sota, o mukunji ua kikutu muene ku mu inda. Tala-ze, Muene iù uiza kiá, kiene kiambe Jihova dia Ifuẋi.

Matesu 1:23

Talesenu! Ku kala muhatu ua mon-ndenge uimita hé u vuala mona; O dijina diê, a kà mu luka Imanuuele. Dienhidi, ku di jimbulula, edi: Nzambi tuala-nê.

Loma 9:5

Ku muiji uâ kuene kua tokala o jitata. Kuene ue kua tundu Kristu, se tu mu tanga mu kidifua kiê kia xitu. O muène-phe muene Nzambi ua mu tumina oso, a mu ximane sé dizubhilu. Amén.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

Jihebeleu 11:34

A tumbulula o nguzu ia mulengu ua tubhia. A bhulaka ku a jibha ku mazu a xibhata, mu kubhuila a tambula nguzu. A bhanga undanda ku ita, anga a tolola o ifuẋi ia matumbu.

Josuué 23:10

Muthu umoxi mudienu, uasoko-bhu ku kaiesa midi; mbata o Jihova Nzambi ienu, muenʼié-muène u mi luila jinga o ita, kala kiene ku mi ambela kiá.

Dijingunuinu 22:13

Eme ngi Alafa ni Omeka; nga Dianga, nga Sukidila; ngi Dimatekenu, ngi Dizubhilu.

Dijingunuinu 22:16

Eme, ngi Jezú, nga tumu anju iami ku mi bhana umbangi ua imʼiii mu jingeleja. Eme ngi lundânji, nga tokala ku luvualu lua Davidi. Eme ngi théthembua ia kubenha, i muika mu kimene.