Zakadiia 12:5 - O Mikanda Ikola

⁵ Kienhôkio o ilamba mua Juda a kèla ku miẋima iâ, exi: O nguzu ia iá a tungu mu Jeluzaleme, iala kua Jihova dia Ifuẋi, Nzambi iâ.

Zakadiia 12:5 ပူးပေါင်းရင်းမြစ်များ

Jisálamu 144:1

A tane-ku! Jihova ditadi diami! kuma ua longo maku ami o kubhânga, ni milembu iami kúlua ita;

Jisálamu 18:32

Nzambi muene ua ngi bhana o ukuenze, muene mukua ku ngi xitunuina o njila iami.

Jisálamu 18:39

Kuma eie ua ngi kutu ni nguzu ia kubhânga; ua ngi lendesa ku a tolola ió oso a ngi balukila.

Jisálamu 46:1

Nzambi dilengelu dietu, nguzu ietu, kota dia dikuatekesu dia zukama mu jiphaxi.

Izaía 1:10

Enu muedi kala o ilôlo mu Sodoma, ivenu kizuelu kia Jihova; bhanenu mátui ku kitumu kia Nzambi ietu, enu muala kala o mundu ua Ngomola, tata!

Izaía 1:23

Makota mé ma mbonge a bhukumuka, a di bundu kumoxi ni miii; kala muthu mudiâ, ki ua a monuʼokio, a uabhela kitadi kia kudiodia milonga, bhua mona o nganhu usanga aia lusolo; hukunhu, o ku mu batuila milonga, u a lémbua; kene kusuua dimanda dia atudi.

Izaía 1:26

Hé ngi ku vutuila dingi afundixiʼé, kala kia kexe mʼukulu; ngi ku vutuila dingi jindongixi jé, kala mu xahulu; kiene kia kà ku luka exi: Diembu dia Uiukilu, mbanza ia fiiele.

Izaía 28:5

Mu kizuuʼokio, Jihova dia Ilômbo leta, u di bhanga kitundu kia fuma ni dilènga dia iuka di kembesa o masubhu ma mundu uê;

Izaía 28:6

Jihova u kala ue muene unjimu ua uoso u xikama bhu kibhuna kia kufundisa milonga; muene o kimbaka kia oso a sota kuvutula jinguma katé bhu muelu ua sanzala.

Izaía 29:10

Mbata Jihova ua mu lunduluila nzumbi ia kilu kia muioko-ioko; o jipolofeta ja di bhange ene o mesu menu, a a jika; ni ilôlo ienu, akua-lumono, kiòmuene.

Izaía 32:1

Talesenu, kua-nda kukala sobha ua kà hinga unganga ua kuiuka, o ilamba iê ia kà tumina mu kidi ni kutetuluka.

Izaía 45:24

A kà ngi zuela kuila: Mua Jihova ngó ubhèkelele uê, muene muala o kuiuka ni kutena; a kèza kua muene; ene oso a kà mu lungulukila, sonhi ja kà a kuata; a-nda kukakuka.

Izaía 60:17

Bhu kididi kia kobidi nga kèza ni ulu, bhu kididi kia felu eme nga kà bheka phalata, bhu kididi kia mabaia a miẋi ngôndo, bhu kididi kia matadi felu; jifixiiadi jé ngi ji bhangesa kukala akua-uembu, o atuminiʼé ngʼa bhanga akua kidi.

Jelemiia 30:21

Kota diâ dia ngana ua kà tunda momuʼâ, o uoso ua-nda ku a tumina, ua kà tunda mu kaxi kâ muene, nda eme ngi mu zukamesa; o muene nʼa kà bhixila kokuami; kuma muthu nanhi u sota mudiê ku ngi bhixila eme? Jihova uzuelʼó.

Jelemiia 33:26

kiene ue, eme nga-nda ku di tuna luvualu lua Jakobo, ni lua Davidi, mubhikʼami, mu kikexilu kia kuila o ku mbutu iâ, ki ngi katula-ku dingi uoso u tumina ku mbutu ia Mbalahamu, ni Izake, ni Jakobo; mukonda ubhika uâ nga-nda ku u bhuisa-ku muene anga ngʼa kuatela henda.

Jouele 3:16

Bheneʼobho Jihova ua kà hunza mu Ziione, ua kà bhana mbimbi iê mu Jeluzaleme, ni diulu, ni ixi ia kà teketa. Kieneʼokio Jihova phe ua kà kala lengelu dia mundu uê, muene kimbaka kia anʼa Izalaiele.

Zakadiia 10:12

Eme anga nga kà a suinisina mua Jihova, a kèndela jinga mu dijina diê, Jihova muene ua ki tange.

Zakadiia 10:6

Nga kà suinisa o dibhata dia Juda; nga kà bhulula o dibhata dia Zuze; anga nga kà bhangesa kuila a vutuka dingi mbata nga kà a kuatela henda; anga a kèla kala eme ki ngi di tunine-nâ, mbata eme ngi Jihova Nzambi iâ, nga kà evua muene.

Zakadiia 12:4

Jihova uixi: Bhu kumbiʼodio o jikabalu joso nga kà ji kuama ni kisasumuke, o ió oso a ji mondala a ká saluka malaji; mesu mami ma kà tona kʼonzo ia Juda o jikabalu joso ja akua jixi nga kà ji kuama ni ufofo.

Zakadiia 12:6

Bhu kumbi dieneʼodio o ilamba mua Juda nga kà a kitula kala dikala dia túbhia koxi dia jihuinhi; a kà di bhanga kala kixinji kia túbhia mu ita ia iangu; ni ku dilu ni ku kiasu a kà jikinisa ifuẋi ioso mu jimbandu, anga mu Jeluzaleme mua ka tunga dingi athu lua mukuá bhu kididi kiê, mu Jeluzaleme muene.

Zakadiia 14:14

Ni Juda ue ua kà bhânga mvunda mu Jeluzaleme; o umvuama uoso ua akua jixi jala mu jimbandu, a kà u bhongolola ndumba muene; Ni ulu, ni phalata, ni izuatu ia kà kala nzungule.

Afundixi 5:9

Muẋima uami-phe ua lungu ku ilolo ia Izalaiele a tuamena ilolo ia Izalaiele, a di bheka ni vondadi mu kúlua, sakidilenu ni kuximana Jihova.