Zakadiia 12:3 - O Mikanda Ikola

³ Kizuuʼokio Jeluzaleme nga kà mu bhanga ditadi dia neme phala miji ioso; oso a kà di zangula, dia kà sasujula; miji ioso mu ngongo ia kà di bhongolola mu ku mu bilukila.

Zakadiia 12:3 ပူးပေါင်းရင်းမြစ်များ

Izaía 60:12

Mbata kifuxi mba utuminu, ukamba ku ku sedivila eie, uà kà jima o mbutu; xi, ifuẋi ienhoio a kà i buikisa muene, taka-taka.

Obadiia 1:18

Dibhata dia Jakobo dia kà kituka túbhia, o dia Zuze mulengu, maji o dia Ezau di di bhanga mafe a kukuta, a kuuika túbhia tu tunda kua ió katé muene kia buila; phala ki bhu xale dingi muthu mu dibhata dia Ezau; mukonda dikanu dia Jihova dia ki tange.

Mikeia 5:15

O miji ioso iaditunu o kuívua, eme nga kà i vutuila phonzo, kuma nga kà i beta ni njinda ni kutema.

Mikeia 5:8

O mbandu-phe ia subhuka-bhu, ia Jakobo, anga ia kà kala mu kaxi ka miji ioso, muʼaxaxe ka ifuẋi ia ndumba, mukuâ ni hoji muʼaxaxi ka iama ia mukáu mu muxitu, kala kamunzangala ka hoji muʼaxaxi ka ilunga ia jimbudi; kuma iene ki i bhita, ua kàia ni kujikuata ni ku ji jibha, anga ji di bhanga mbole iê, o u ji kudila ka moneka.

Habakuke 2:17

Mukonda o usuéia ua bhange kua Libanu ua kà ku vungina eie, o kia buidisa o iama ia misalanganda kia kà ku bhekela uoma; mukonda dia manhinga ma bhubhisa ma athu ni usuéia uavulu ua bhange kulu dia mundu, ni mu jimbanza, ni ku athu oso kiá atungu-mu.

Sofoniia 3:19

Tala-ze, kuma, mu kizuuʼokio, nga kà a vutuila phulu kua iá ene oso a ku tatesa jinga; nga kà bhulula o inema ioso ala kutenguna; ió oso a a kaie, ene oso nga kà a bhongolola, anga nga kà a kitula diximanu, hé a kà fumana dijina mu ixi ioso mua a bhela jinga o dilebhu ni ku a kuatesa o jisonhi.

Ajeu 2:22

Nga kà tungutisa diulu ni oxi, anga nga kà lundumuna o kiandu kia ma-unganga moso, anga nga kà bhuisaku o kutena kua ma-utuminu ma jixi joso; anga nga kà sokomona o dikalu ni oso a xikama-mu; ni jikabalu ni iá oso a ji mondala, a kà dibhala ku xibhata, mu ku di lungulukila mudiâ.

Zakadiia 12:11

Bhu kumbiʼodio, mu Jeluzaleme mua kà kala ngololo ia dikota, kala kudila kua Hadademono mu dikôlo dia Mejidu.

Zakadiia 12:4

Jihova uixi: Bhu kumbiʼodio o jikabalu joso nga kà ji kuama ni kisasumuke, o ió oso a ji mondala a ká saluka malaji; mesu mami ma kà tona kʼonzo ia Juda o jikabalu joso ja akua jixi nga kà ji kuama ni ufofo.

Zakadiia 12:6

Bhu kumbi dieneʼodio o ilamba mua Juda nga kà a kitula kala dikala dia túbhia koxi dia jihuinhi; a kà di bhanga kala kixinji kia túbhia mu ita ia iangu; ni ku dilu ni ku kiasu a kà jikinisa ifuẋi ioso mu jimbandu, anga mu Jeluzaleme mua ka tunga dingi athu lua mukuá bhu kididi kiê, mu Jeluzaleme muene.

Zakadiia 13:1

Bhu kumbiʼodio kua kà kala fiẋi ia jikuka phala o dibhata dia Davidi, ni iá a tungu mu Jeluzaleme, phala ku dizelesa ku ituxi ni ufusa.

Zakadiia 14:13

Mu kumbi dienhódio, Jihova ua kà kuua uoma ua vulu mu kaxi kâ; mukonda kala muthu ua-nda kua kà kuata mukuá mu lukuaku ẋaba! Muthu ua kà zengela mukuá lukuaku phala ku mu banga kiaiibha.

Zakadiia 14:6

Anga kia kà bhita-phe kuila, bhu kizuuʼokio, ki kuá kala dingi mukengeji, maji mbàmbi ngó ni menha a di kuata matadi.

Matesu 21:44

Ku ditadi didi, uoso u dibhala-ku u bukujuka; uoso-phe di mu lundumukina muène, u kituka fufuta.]

Luka 20:18

Uoso u laukila ku thanduʼ a ditadi didi, u bukujuka. O uoso-phe di mu lundumukina muène, di mu bhanga fufutila.

Dijingunuinu 16:14

Jenhiji jene o jinzumbi ja madimonho ma bhanga iphata ni madiuanu. Nzumbi jitatu jiji, jiia mù nhunga ku jisobha mu ngongo ioso, mu ku a kasa ku ita ia kizuua kia Dikota kia Nzambi, Muteni-a-Ioso.