Zakadiia 12:10 - O Mikanda Ikola

¹⁰ O ku dibhata dia Davidi, ni ku thandu dia iá a tungu mu Jeluzaleme, nga kà lunduluila-ku Nzumbi ia Kiadi ni ia kudionda anga ene à kenda ni kutala kokuami. O ió uoso a mu kubula, ene a kà mu tela jingololo kala mona umoxiʼèlele, a kà mu dila muene ni kajikijiki kala kia dila mona ua phandekumbi.

Zakadiia 12:10 ပူးပေါင်းရင်းမြစ်များ

Dimatekenu 45:1

Bhenhobho Zuze ka tena dingi ku di kondeka ni ku di kolesa bhu pholo ia ene oso emana-bhu; anga u dikola, uixi: Athu oso a ngi tundile bhabha. Kana-phe muthu uengi ua xala-bhu kioso Zuze kia dʼijidisa ku jiphange jê.

Dimatekenu 45:2

Anga u dila ni dízui dia suína uta ngololo ia bhingi ni akua Ijitu a mu ivu, ni ku mbanza ia Falaó a mu ivu.

Jisálamu 51:12

Tona dingi ku ngi bhana o ngalasa ia ubhulukilu ué; u ngi fikidile ni vondadi ia ku ku tumaka.

Jisabhu 1:23

O ki nga mi bazelʼiki, lungulukenu kiá; talesa, ngi lundulula o Nzumbi iami ku thandu dienu, anga ngi mi ijidisa o maka mami.

Jisabhu 4:3

Mbata eme ue nga kexi ngi mona ni tatʼetu; ngi muzelembete, eme-muène ngó a ngi zola kua mamʼetu.

Izaía 32:15

katé o Nzumbi i tunda bhulu kia kà di-lundulula ku thandu dietu; mu kizuuʼokio, oxi ia kisèkele ia-nda kubiluka mavu a idima, o mukáu uene mu kubhana o idima a kà u kita ditutu.

Izaía 45:22

Talenu kokuami, nda mu bhuluke, enu mu masukilu oso kua sukaʼxi; mbata eme-muène ngi Nzambi, ki kuene nzambi iengi.

Jelemiia 31:19

Mukonda, ni kidi kiene, kioso ki nga biluka, nga diela muene; o kioso ki nga zubha ku dʼijiia, nga beta ku ditabela diami; nga tandanganha muene; xi, sonhi ja ngi kuata, mukonda o lusebu lua unzangala uami nga luʼehela muene kiavulu.

Jelemiia 31:9

À keza ni kudila, nga kà ambata ni kudionda; ngà kʼendesa ku tungiji tua menha, ngiia-nâ mu njila ia iuka, mua bhingi, kà ka dibhukana dingi; kuma eme nga di bhange ngi tata phala Izalaiele, O Ifalaíme muene phande-kumbi iami.

Jelemiia 50:4

Jihova uixi: Mu izuuʼomo ni kithanganʼokio, anʼa Izalaiele a kʼèza, ni ene ni anʼa Juda kumoxi; mu kuiza kuâ, a kʼèla ia enda ia dila, mu kusota Jihova Nzambi iâ.

Jelemiia 6:26

Kilumba kia mundu uami, tata, dikute kidinhaji, u mbolomoke mu uthokua; tá muene ngololo kala ia kudila monʼumoxiʼèlele, ngololo ia malamba; mbata mubuikixi kua mu kambe ngó kofèle u tu sanga.

Izekiiele 20:43

Muenhomo, hé mua kà xinganeka kiua o jinjila jenu, ni ibhangelu ienu ioso i mua di kasanesa na-iu, hé mua kà di kuatela fuokoso enuʼenu muene, mukonda dia kuiibha kuenu kuoso ku mua bhanga jinga.

Izekiiele 37:14

Anga nga kà ta o nzumbi iami mʼoxi dienu, enu hé mua kà kola o muenhu, eme anga nga kà mi tula dingi mʼoxi ienu hé mua kà kʼijiia kuila eme ngi Jihova, eme ngʼambe kienhiki, emeʼ-muène ue nga ki bhange, kiene kia tange Jihova.

Izekiiele 39:29

Eme ue ki mungu dingi ngi sueka o pholo iami koku ʼâ, kioso ki nga-nda kulundulula o Nzumbi iami ku thanduʼa muiji ua Izalaiele, Jihova Nzambi ua ki tange.

Amoji 8:10

O jifesa jenu nga kà ji kitula jithambi ja kuteka ndômbe; o mimbu ienu ioso ia kà kituka jingololo. Bhua kàla ku di kuta jisaku bhu inhonga ioso, o mu mítue ioso mua kàla mabhaia kala mua bhiti phoko ia bhutu. Nga kà bhangesa kuila ima iii lamba diê dila kala thambi ia mona umoxièlele a mu vuala ngûmba; zubhilu diê mukua ni kizuua kia kubhondalala.

Zakadiia 13:9

Anga mbandu ia katatu iii nga kà i bhitisa mu túbhia, nga kà i zelesa mukua ni kiene kuzunza o utadi ua phalata, hé nga kà i lola kala kiene ku lola o ulu. Iene ki ia kà diundila dijina diami, eme ue nga kà ivua muene. Eme nga kà i ambela, ngixi: Iú uene o mundu uami; o iene ue ia kèla iexi: Jihova muene o Nzambi iami.

Dialuilu 21:9

Mozé anga u iudika nhoka ia ngôndo, hé u i tudika ku muẋi; anga ki bhita muene; hé muthu a mu numata kuala nhoka, kia tala ku nhoka ia ngôndo, u bhuluka.

Matesu 24:30

Kiene kiua kia kà tukuluka o kijimbuete kia Monʼa Muthu ku diulu. Miji ioso mu ngongo anga i kala mu dila, kia kà mona Monʼa Muthu iú uiza ku matuta ma diulu, ni nguzu ni fuma iavulu.

Matesu 26:75

Phetele anga u tukumuka o maka ma tangele Jezú, kuila: Kioso o dikolombolo kiluua di kokola, eie ua-nda ku ngi dituna lutatu. Anga u tubhuka, u dila kisoxi kiavulu.

Nzuá 1:29

Kizuua kia kaiadi Nzuá u mona Jezú uala mù kuiza kua mùene, uixi: Talenu! Muenhó Kambudi ka Nzambi, ka katula o ituxi ia mundu!

Jipoxolo 10:45

O Jijudé, iá a xikana kiá, a tokala mu kifua kia kusaia, eza kubheka Phetele, a diuana, mu kumona kuma Nzambi ni akua matumbu ue ua a bhange ujitu ua ku a bhana Nzumbi Ikôla ku thandu diâ.

Jipoxolo 11:15

O ki nga kuata o kuzuela, Nzumbi Ikôla ua tuluka ku thandu diâ, uila kia diangele kutuluka ku thandu dietu.

Jipoxolo 2:17

Talesenu, Nzambi uambe: Mu izuua ia kà suka-ku, nga kà bhanga kiki: Nga kà lundulula o Nzumbi iami ku thandu dia athu oso. Anʼ enu a mala ni anʼenu a ahatu a kà tanga o maka mami. Minzangala ienu ia kà mona isumua, o adiakimi enu a kʼ ànjiua jinzoji.

Jipoxolo 2:33

Kiki-phe, Nzambi ua mu zangeleka ku madilu mê, muène iu ua tambula kua Tata o ujitu ua mu tangelele, ua Nzumbi Ikôla. O kiki, kindala ki mua mono, ki muevu, uene o ujitu ua Nzumbi Ikôla ua lundulula ku thandu dietu.

Jipoxolo 2:37

Ene-phe ki evu kiki, kia a talakanha ku miẋima, anga ambela Phetele ni jipoxolo jamukuá, exi: Akuetu, etu tu bhanga-phe kiebhi?

Loma 8:15

Mbata enu ki mu tambula Nzumbi ia ubhika, kuila mu kala dingi ni uôma. Maji mua tambula Nzumbi ia uana i mi bhangesa kukala mu anʼ a Nzambi, o mu nguzu ia tu bhana o Nzumbi, ki tu bhana kudikola kua Nzambi: Abha, Tata!

Loma 8:26

Kiene kimoxi ue, o Nzumbi ia Nzambi uiza ku tu kuatekesa mu kubhuila kuetu. Kuma etu ki tuijiia kusamba kioso kia tokala. Maji o Nzumbi muene u tu diondela kua Nzambi ni kukumba ki ku xikina ku ku lombolola ni izuelu.

Efezo 6:18

O ima ioso íii mu i bhanga jinga ni kusamba, mu kubhinga Nzambi ku mi kuatekesa. Sambenu jinga ithangana ioso, mu ku mi endesa kuala o Nzumbi ia Nzambi. Kala kiki, Phaphumukenu, ki mu di jimbe. Kana kubhuila. Endenu ni kusambela jinga akua Ngana oso.

Jihebeleu 12:2

Tu jizienu ni kusuua ngó Jezú, kuma muène o musonguedi ua kuxikana kuetu, tundé bhu dimatekenu katé bhu dizubhilu. Kala muène mu kusuua o ngalasa ia mu idikiza, ua kolokota ni dikulusu, ua tende o sonhi, o kiki ua xikama ku madilu bhu kiandu kia Nzambi.

Juda 1:20

Maji enu-phe, akuetu, nga mi zola, suinenu ni kuia dingi ku pholo mu kuxikana kuenu ku muala na-ku, kuma kiene o kixikanu kikôla ki mua kuata. Muila ni kusamba jinga mu nguzu ia Nzumbi Ikôla.

Dijingunuinu 1:7

Talesenu, muène hinu uiza ku matuta! Ene oso a ka mu mona mesu, katé ni ió oso a mu kubuile. Miji ioso mu ngongo ia kà dila jingololo mukonda diê. Kiene muene. Amén!

I Samuuele 7:2

A nga ki bhita kuila, tunde kizuua kia tula álaka mu Kidiate-Jadime, thembu iê i lebha, kuma bhua bhiti makuinhi aiadi a mivu; muiji uoso ua Izalaiele aia ni ku ditata anga akala mu didila Jihova.