Zakadiia 12:1 - O Mikanda Ikola

¹ O mabatuilu ma Jihova ma bilukila Izalaiele. Jihova ua zala o diulu, iú ua te o madisesa ma ixi anga u bhanga o nzumbi ia muthu moxi diê, ua zuela, uixi:

Zakadiia 12:1 ပူးပေါင်းရင်းမြစ်များ

Dimatekenu 1:8

O muthandu ua bhiti mu dinga-ni-dinga, Nzambi anga u u ixana kuma Diulu. Bhenhobho bhua bhiti ngoloxi ni kimene, kizuua kia kaiadi.

Dimatekenu 2:7

Jihova Nzambi anga úmba muthu ni mavu ma bhoxi, anga u mu bhusila mu mazulu o mûha ua muenhu; o muthu anga u di bhanga muthu ua muenhu.

Jobe 26:7

Muene o thunda u i zala ku thandu dia ngoho, anga u bhangesa ixi kuzenzamena bhua kambe kima.

Jobe 37:18

Inga eie ua di tele-nê kumoxi, muene kia zale o diulu dia kolo, diedi ngé kala lumuenu luʼo zunze?

Jisálamu 104:2

Ua di te mukengeji kala divunga; ua futununa o maúlu kala dibeka dia balaka.

Jisálamu 134:3

A mi bhane dibesá di tunda mu Ziione, o dibesá dia Jihova ua bhanga o diulu ni ixi.

Ndongixi 12:7

O fufuta ni i vutukila ku mavu kala ki ia kexile, o nzumbi anga i vutukila kua Nzambi ua i bhele.

Izaía 40:12

Nanhi ua zongele menha bhu kànda dia lukuaku luê, anga o diulu u di zonga ni makànda a maku, iu ua bhake o fufuta mu kitutu kia kuzongela anga o milundu ni tu thuthulundu u i pezala?

Izaía 40:22

Muene muène ua xikama kulu dia dikende dioso diaʼxi, o athu a tunga-mu ia edi kala mahoho ku mesu mê; muene muène uoleka maúlu kala thanga ia lona, iu ua ma futununa kala balaka, phala kutunga-mu.

Izaía 42:5

O Nzambi, Jihova uà bhanga maúlu, iu ua ma zala, ua futununa oxi ni ima ioso iene-mu; mukua ku bhana o kubhuima ku mundu uoso uala-mu, ua bhana o nzumbi kua ió a-lu nhungina-mu, uixi:

Izaía 44:24

Jihova dia Mukudi ué, ua ku bhange ki uala mu divumu, uambe kiki: Eme Jihova ngene kubhanga ioso, diulu eme-muène nga di olekele ubheka uami, oxi nga i zale se muthu ku ngi kuatekesa;

Izaía 45:12

Eme nga bhange oxi, eme nga iudikila-mu o muthu; eme nga mu bhange, o maku mami mene mʼoleka o maúlu, o ilombo iâ ioso nga i xindila jingonge.

Izaía 45:18

Kuma kiene kiambe Jihova, ua bhanga o maúlu; Nzambi ua tenene kumba oxi, iú ua i iudika; ua i xikika, ka i ʼxia kiṗhulungunzu kia hatu, kana; ua i bhanga phala athu ku tunga-mu, uixi-phe: Eme-muène ngi Jihova, ki kuene uengi.

Izaía 48:13

Lukuaku luami ue luene lua te o madisesa ma oxi, o kadilu kami kene ka zonga o maúlu ku makandʼa maku; kioso ki nga kà exana ene hé a kʼejiia bhuamoxi.

Izaía 51:13

Anga u jimba Jihova ua ku bhanga, uoleka o maúlu iu ua xikika oxi, anga kumbi dioso dia kambàmba uizalʼé ngó kimbuua kia mubuikixi, kia di iudika phala kubuikisa? o kiki-phe, o njinda ia ió uoso ua ku tatesele, ii kuebhi?

Izaía 57:16

Kuma eme ki ngi jijilʼami kuzoka izuua ioso, ki ngi-di ue kiene ki nga teme kiene, kana; kuma nzumbi ia muthu ia vula kulémbua bhu i nhohena, ni mienhu i nga bhange.

Jelemiia 10:12

Jihova ua bhange oxi ni kutena kuê; muene ua xikika o ngongo mu kuijiia kuê, o diulu ua di zale ni kutongoloka kuê.

Jelemiia 30:10

Ku kale-phe ni uoma, eie mubhukʼami Jakobo, Jihova ua ki tange, eie ue Izalaiele, kana kusasumuka; kuma, tala, nga-nda ku ku bhulula ku jixi ja makanga, ni muiji ué ku ixi ia uhutile uê; anga Jakobo ua kà vutuka dingi, hé ua kà nhoha, ua kà kala muene bhua kondama; ki bhua kà kala u mu kuatesa uoma.

Jelemiia 30:16

Maji oso-phe a kúdia eie, ene a-nda kua kà diua uâ; o jinguma jé joso a-nda kuia ku ubhika ene oso; oso a ku nhana eie ene a-nda ku a nhana ue; oso a ku bhunda eme ue nga-nda ku a bhakula mu kubhunda kuene.

Jelemiia 38:16

Bheneʼobho, mu kasuekele, Zedekiia ua lokela muene Jelemiia, uixi: Ki kola! Jihova a nangenene, ua tu bhange o muenhu iú, kuila eme ki nga-nda ku ku jibha, kana, mba ngi ku bhakula ue bhu maku ma iá a mu kenga ku ku jibha.

Jelemiia 50:34

Maji-phe o Mukudi uâ, Kindanda; Jihova dia Uombo Ieta; diene o dijina diê, ni kidi kiene o mvunda iâ ua-nda ku i bhânga, phala ixi nʼa i bhane o kunhoha, ni kuzukutisa iá a tungu mu Babilonha.

Jelemiia 51:15

Kuma muene ua bhange o ixi ni kutena kuê, o ngongo iú ua mu i tumina ni kuijiia kuê, iú ua zale o diulu mu unjimu uê.

Kuditenda 2:14

Misesedi ié, a ku zambuila makutu ni usemenhi; ka ku tukuluila o ufusa ué, phala ku ku dimuna; hinu ki kua kuiza kuia ku ubhika; maji ene a ku zambuila imbamba ia makutu ni usemenhi, iene ia bhangesa ku ku bheka ku ubhika.

Izekiiele 18:4

Talesenu, o mienhu ioso iami eme-muène; kala o muenhu ua tata, ni muenhu ua mona uami-eme; muenhu uoso u ta o kituxi, uene u fua.

Jouele 3:19

Ijitu ua kà kituka disengulukilu, Idomo ua kà di bhanga kikangalakata ki bhekela ngùnzu, mukonda dia usuéia ua bhange ku anʼa Juda, kua bhingi ni mʼoxi iâ muene mua zunzumuina o manhinga a iú ka bhange kima kioso-kioso.

Jouele 3:21

Nga kà zelesa o manhinga ma ió oso ki nga a zelesele luua. Mbata Jihova ua kà tunga mu Ziione.

Zakadiia 9:1

Ubatuilu ua Jihova ua lungulukila ixi ia Hadalake ni ixi ia Damasku, o kibuta kiê, kuma Jihova mesu mê uene ku ma ta kuthandu dia athu ni kuthandu dia miji ioso ia Izalaiele.

Malakiia 1:1

Kinemenu kia maka ma Ngana kua Izalaiele, mu ukunji ua Malakiia.

Dialuilu 16:22

Maji-phe ene a di ṗhudikila o jipholo jâ bhoxi, anga ela exi: Uá! Nzambi, tata! Eie u Nzambi ia jinzumbi ja xitu ioso, abha mukonda dia muthu umoxi ua-te o kituxi, eie u thathamena kiavulu kiki o kilômbo kiosuʼiki?

Jihebeleu 12:9

Ku mbandu ia jitata jetu mu xitu, ene a kexile mu tu beta, etu-phe anga tu kala mu ku a xila. Kala kiki-phe, kia tu tokala kutumaka, kiala kota o Tata ietu mu nzumbi, phala tu mone muenhu!