Zakadiia 11:6 - O Mikanda Ikola

⁶ Jihova iu uambe kiki: A tungu mu ixi mumu eme ue, ni kidi kiene, ki nganda ku a kuatela dingi henda; nga-nda kuila muthu ngi mu bhakula bhu maku ma mukuá ni bhu maku ma sobha iê, ixi ioso ene anga a i kuama, eme ue ki nga-nda ku a bhulula bhu maku mâ.

Zakadiia 11:6 ပူးပေါင်းရင်းမြစ်များ

Jisálamu 50:22

Kala kiki xinganekenu-kiu, enu kua Nzambi mua jimbi-ku; sumba ngi mi sanujuna kala hoje, u mi kudila ki mu mu mono.

Izaía 27:11

O kioso jithangu jê joso ki ja-nda ku kukuta, a kà ji bukujula; o kiza ahatu, a ji ta mu túbhia; mukonda o mundu iú ki mundu ua kilunji; kienhiki-phe, ió uoso ua u bhanga ka kà u kuatela henda, ió uoso ua umbu ka tena ku uidika ujitu ua kima.

Izaía 3:5

Mundu phe a kà u bhondeleka; bhua kà kala ku dikuata jimvunda, kala muthu ua kà lungulukila mukuâ; Mona ndenge, ukitukila muadi-akime; o sébhue, u balukila mona-ngana bhu kididi.

Jelemiia 13:14

Hé nga a sasujula ni ku a bekujula ku akuâ, jitata bhuamoxi ni anʼâ, Jihova ua ki tange, uixi: Ki nga-nda ku loloka, ki nga-nda ku kondejeka, mba ku a kuatela henda, kuila ngi kamba kua buikisa.

Kuditenda 2:21

Ni ikulakaji ni tuana tua ndenge, azeka bhoxi mu maluua; ni ilumba iami ia mizeletete ni makuenze ami a mala, oso muene a lalumuka ku xibhata; eie ua a jibha bhu kizuua kia tukuluka o njinda ié; eie ua a batula o xingu, ni ku a kuatela ngó henda, lémbue.

Kuditenda 5:8

Abhika ene ala ku tu tumina, ki bhuala muthu u tena ku tu tambula bhu lukuaku luâ.

Izekiiele 8:18

Kala kiki, eme ue nga-nda ku a vutuila ni njinda ioso; o diesu diami ue ki dia-nda kukondeka mba ngi kala ni henda; né-mbe hanji a ngi kolela mu mátui ni nguzu, eme ki nga-nda kua evua.

Izekiiele 9:10

Kala kiki, eme uami ue, diesu diami ki dia-nda kukondeka muthu mba ngi kuatela henda; nga-nda kulunduluila o njila iâ ku thandu dia mítue iâ.

Hozeia 1:6

Anga muhatu u imita luamukuá, hé u bhanduluka monʼa muhatu. Nzambi anga u ambela Hozeia, uixi: Mu luke dijina dia Lo-Luhama; kuma o diembu dia Izalaiele ki ngi tona dingi ku di kuatela henda, ni kukuata kuia ni ku a loloka; maji iene ioso nga kà a katula na-iu.

Hozeia 2:10

O kiki lusebu luê ngi lu tadika muene ku mesu ma jisaii jê; kana muthu u tena ku mu kudila bhu lukuaku luami.

Mikeia 5:8

O mbandu-phe ia subhuka-bhu, ia Jakobo, anga ia kà kala mu kaxi ka miji ioso, muʼaxaxe ka ifuẋi ia ndumba, mukuâ ni hoji muʼaxaxi ka iama ia mukáu mu muxitu, kala kamunzangala ka hoji muʼaxaxi ka ilunga ia jimbudi; kuma iene ki i bhita, ua kàia ni kujikuata ni ku ji jibha, anga ji di bhanga mbole iê, o u ji kudila ka moneka.

Mikeia 6:14

Ua kà dia, maji ua kà lémbua kuikuta, o nzala ia kà ta kibuta mʼonzo ié, (moxi dié mua ká kuizala ni sonhi); ku jimbote ji u mona, ua kà kala ngó u muzangi, kubhake kana; o ioso i ua kà bhaka, eme nga kà i bhakula ku xibhata.

Ajeu 2:22

Nga kà tungutisa diulu ni oxi, anga nga kà lundumuna o kiandu kia ma-unganga moso, anga nga kà bhuisaku o kutena kua ma-utuminu ma jixi joso; anga nga kà sokomona o dikalu ni oso a xikama-mu; ni jikabalu ni iá oso a ji mondala, a kà dibhala ku xibhata, mu ku di lungulukila mudiâ.

Zakadiia 11:14

Anga ngi bukula mbangala iami ia kaiadi “Kuongama” phala kumuanga uphange bhu kaxi ka Juda ni Izalaiele.

Zakadiia 11:5

Mbata oso ene ku ji sumba, aia ni ku ji jibha; ki bhuala muthu u a ebhula kuma oso ala mu ku ji sumbisa a mu kuila exi: Nzambi a tane-ku, mukonda eme nga kituka kiá ngi mvuama! o abidi ue kene ngó ku ji kuatela henda.

Zakadiia 11:9

Anga ngiia ngixi: Eme ki nga-nda ku mi inga dingi; uoso u fua a fue, uoso a mu sendumuna a sendumuke; o joso ja subhuka-ku, kala mbudi i die xitu ia mukuá.

Zakadiia 14:13

Mu kumbi dienhódio, Jihova ua kà kuua uoma ua vulu mu kaxi kâ; mukonda kala muthu ua-nda kua kà kuata mukuá mu lukuaku ẋaba! Muthu ua kà zengela mukuá lukuaku phala ku mu banga kiaiibha.

Zakadiia 8:10

Kuma kioso izuuʼoio kiluua i bhixila, ki ku kexile futu ia athu mba o iama; ki ku kexile ue kutululuka phala uoso u tunda mba uoso u bokona, mukonda dia nguma. Kuma athu oso nga a vunzile muẋima eme nga a bhangesele kuila muthu u lungulukila mukuá muthu u lungulukila mukuá.

Malakiia 4:6

Muene Ua kà bhangesa kuila o miẋima ia jitata i biluka ku anʼâ, o miẋima ia ana i biluka ku jitata jâ; Phala ki ki bhite, kuila ngʼiza ni ngi buidisa oxi ni mázui.

Matesu 10:21

Muthu ua kà bhana phangʼ iê mu ku mu jibha, o tata ua kà bhana mona, o ana a kà kitukila tatʼ â ni mamʼâ, nʼa a jibhisa.

Matesu 22:7

Sobha anga njinda i mu kuata; u katula ita iê, ijibhangangʼoio anga u i buikisa, mabhata mâ u ma ta mu túbhia.

Matesu 24:10

Kienhókio, avulu à keha kuxikana, hé a kà di bhala. A kà di bhanga ufe, a kà di zemba mudiâ.

Nzuá 19:15

Ene-phe a di kola, exi: Aie-nê; Aie-nê! Aie-nê, ku dikulusu! Pilatu ua ambela, uixi: Sobha ienu, kífua muandala ngi mu ta ku dikulusu? Makota ma jinganga, exi: Etu ki tuala ni sobha iengi! Sobha ietu Sézalu ngó, kuabhu!

I Tesalonika 2:16

Etu tuandala tu zuela ni akua jixi jengi, phala a bhuluke, maji ene a tu kidika. Mu kubhanga kiki-phe, hanji a kuata kutenesa o konda ia ituxi iâ iene mù ta. Maji-phe kindala kua a tulukila o njinda ia Nzambi, katé bhu mbambe ku thandu diâ!

Jihebeleu 2:3

Etu-phe tua kà lengela bhebhi, se o kubhuluka kuosʼ-uku kua tu kuata usudi? Ngana Jezú muène o kubhuluka kuku ua diànga kiá ku ku tanga, etu anga a tu kunda na-ku kuala ió a ku ivu, kuila kubhuluka kua kidi.

Tiiaku 2:13

Mukonda o Nzambi kia kà fundisa, ka kà lendukila athu ió a kambele kukala ni henda ia akuâ. Maji o kukuatela henda kua somboka o kufundisa.