Zakadiia 11:3 - O Mikanda Ikola

³ Ivuenu o kudikola kua abidi, kuma o fuma iâ ia muangana! Ivuenu o kudila kua anʼa jihoji mukonda izala ia Njolodá ki iala-ku dingi.

Zakadiia 11:3 ပူးပေါင်းရင်းမြစ်များ

Jisálamu 22:21

Bhu ngalʼabha, ngi tambule mu kanu dia hoje; xi, ngʼivile muene ku jimbinga ja jiphakasa ku ngala.

Izaía 5:29

O mutendu uâ kala ua hoji, a kà koma muene kala anʼa hoji, xi, a koma anga mbole aia na-iu, o u i kudila ka moneka.

Izaía 65:15

Mua kà xisa o majina menu kuma dilebhu kua athuʼami ósole; Jihova Nzambi phe ua-nda ku mi jibha, anga jiselevende jê u a luka kiá dijina diengi.

Jelemiia 2:15

(Kia bhingi) anʼa jihoji a zumina ku thandu diê, a ta muzonga; oxi iê a mu sekalesa-iu; o mabhata mê a mu jikatesa-u, utunga-mu ka moneka.

Jelemiia 2:30

Anʼenu nga tale ngó hadi ia ku a beta; ene ka xikina ku a bazela: o xibhata ienu ia jikinisa jipolofeta jenu mukua ni hoji i sanujuna.

Jelemiia 26:6

kuabhu-phe, nga-nda kubhangesa kuila inzu iii i kituka kala Silu, o mbonge iii i di bhanga ia mázui phala jixi joso mu ngongo.

Jelemiia 49:19

Kuma mukuá ni hoji ki i tunda ni kubanda ku Njolodá, iendela kubula dibhata dia dizonda; mbata mu kithangana kiofele ngó, bhua kexile ngi mu kaiesa-bhu, o ngi mu sola eme nanhi, ni ngi mu te ditala dia ku mu tumina? Mukonda, nanhi ua di fuangana nʼeme? Nanhi u ngi xindila kithangana? Mubidi nanhi u tena kuimana bhu pholo iami?

Jelemiia 50:44

Talesa, umoxi uila kala hoji, uanda kubanda ni hungulule ia Njolodá, uendela dibhata dia dizonda, maji muʼanzanzʼumu nga-nda ku mu kaiesa-bhu; uoso nga mu solo eme muene ngi mu ta-bhu mu kuzoka-nê; mbata nanhi ua di fu nʼEme? Nanhi muene u ngʼixana eme mu kufunda? Nanhi muene o mubidi u tena kuimana bhu pholo iami?

Jelemiia 7:4

Ki mu dielele maka ma ngoho, muexi: Tembulu ia Jihova, Tembulu ia Jihova, Tembulu ia Jihova ienhiʼii.

Izekiiele 19:2

Uile, uixi: Nanhi muene ua kexi mamʼenu? Mama ia hoji ia zeka mu ndumba ja jihoji, ia sase tuana tuê mu kaxi ka tuana tua jihoji.

Hozeia 10:5

Akua bhata mu Samádia a-nda kuteketa mukonda dia kiteka kiâ kia kangombe ka Bete-Avene; o mundu uê ua kà ta jingololo mukonda diê, o kibuka kia jinganga ja iteka iâ a kà teketa mukonda dia matunda mâ ma di boto.

Jouele 1:13

Enu mu jinganga di kutienu bhu inhonga, mu te jingololo; di kumunienu, enu mu akunji a kalatódio, bokonenu, bhitenu enu mu akunji a Nzambi iami, o usuku uoso mu zuata kidinhaji; kuma o mibhaku ia makúdia ni ia makúnua a i batula mʼonzo ia Jihova Nzambi ienu.

Amoji 8:8

Mukonda dia kienhiki, ixi i kamba kuteketa? Oso a tungu momo a kamba kudila? Mavu oso a kà zangumuka muene kala kingiji kiónene; a kà di takula kala ngiji ia di bhange masenza, anga hungulule iê i bhubhuluka dingi mukua ni ngiji ia Ijitu.

Sofoniia 1:10

Mu kizuʼokio, Eme ngi Jihova, a kèva dízui dia mitendu ni kudila, tunde bhu Muelu ua Mbiji, ni mikemu ku mbandu ia Mbanza Iaubhe, o ku milundu ue malamba mʼonéne.

Sofoniia 3:11

Mu kizuua kienhokio kua kà kala dingi ni jisonhi ja ima iaiibha i ua bhangele kokuami, katé ki ua ngi ẋinukina jinga eme, kuma eme nga ka katula momué ió oso a di zangeleka, eie-phe nuka dingi u a kala ni izala ku mulundu uami ukôla.

Sofoniia 3:3

Adiakimi a mu kala ku pholo, jihoji ja bhane mu kanu ni kuhunza muʼaxaxi kʼê; o afundixiʼê ala imbungu ia ngoloxi, ki i xisa ifuba phala mungu.

Zakadiia 11:2

Eie u muẋi ua faia enda ni kukema mukonda o misedulu iai bhoxi, kuma o miẋi ia matunda a i jikinisa; enu mu miẋi ia mikalavádiu ia Basane kuatenu mikemu mukonda ditutu dia xitile kiambote a di kokela bhoxi.

Zakadiia 11:8

Anga ngi jimisa o abidi ene oso kitatu mu mbeji imoxi, kuma o muenhu uami ua bhondalala mukonda dia ene, o ene uâ eme a ngi kumine kiá ku mienhu iâ.

Matesu 15:14

A ehiʼenu! Ala atuameneni a ifôfo. Kifôfo-phe, se ki tuamenena kifofo ni mukuá, kiiadi kiâ a-nda kudibhala mu dikungu.

Jipoxolo 7:52

Polofeta kuẋi jitata jenu ja kambele ku mu zukutisa? Ene a jibha jinga o akunji a Nzambi, ió oso a tuamene kuidikiza mʼ ukulu kianda kuiza o Muthu Uaiuka. O Muène kiki enu mua mu bhakula, enu mua mu jibha; mu ijibhanganga iê.