Zakadiia 11:17 - O Mikanda Ikola

¹⁷ Lamba dié! mubidi ua kilalu, ua bhingi jimbudi u ji ehelela! xibhata ia kà ku tula ku lukuaku ni ku diesu dié dia kadilu! Lukuaku lué lua kadilu lua kà kukuta muene luene luoso, o diesu diê dia kèla muene babadi!

Zakadiia 11:17 ပူးပေါင်းရင်းမြစ်များ

I Jisobha 13:4

Anga ki bhita-phe, kuma, sobha kia zubha kuívua kia zuela muthu ua Nzambi, mu kuêlesa o kalatódio ka Betele, Jelobouamu u sunununa lukuaku luê ku thandu dia kalatódio, uixi: Mu kutienu. Maji o lukuaku luê-phe, lua sunuina kutuma ku mu kuta, lua kukuta, ni ku lu vutula dingi ku mukutu uê ka tena.

Izaía 29:10

Mbata Jihova ua mu lunduluila nzumbi ia kilu kia muioko-ioko; o jipolofeta ja di bhange ene o mesu menu, a a jika; ni ilôlo ienu, akua-lumono, kiòmuene.

Izaía 44:10

Nanhi u bhanga Nzambi, nʼa zunza kiteka kia kuseta, ki ki bhandulula kima?

Izaía 9:15

O kikulakaji (ua kuka) ni mukuakijingo ene o mútue; o musesedi u longa o makutu, muene o mbunda.

Jelemiia 22:1

Jihova uambe kiki: kulumuka ku dizemba dia sobha ia Juda u kunde-ku kizuelu kiki:

Jelemiia 23:1

Jihova uixi: Kokolo dia abidi ala ku buikisa ni ku muanga o jimbudi ja dikela diami.

Jelemiia 23:32

Jihova uambe, uixi: Eme nga bilukila muene a tanga uanji ua upolofeta mu nzoji ja makutu, anga a ji tanga, anga a bhangesa athu ami ku tondala ni makutu mâ ni udianzunga uâ; kuma eme ki nga a tumu mba ngʼa a bhana ngonge; ene ue o mundu iú ka u bhekela mbote ia kima, Jihova ua ki tange.

Izekiiele 13:3

O Jihova Nzambi uambe kiki: Kokolo dia misesedi ia maioua, a mu kaiejela ngoho o muẋima uâ ni ima ka i mono!

Izekiiele 34:2

Eʼ monʼa muthu, tá muzambu ua kuzoka ni abidi a Izalaiele; zambula, u tangele abidi, uixi: O Jihova Nzambi, uambe kiki: Lamba dia abidi a Izalaiele a mu dʼingâ ngoho ene! Manhi o abidi kène mu kuinga o jimbudi?

Zakadiia 10:2

Kuma o iteka mʼonzo izuela kingoho; akua kutaha ngombo a zambula makutu ni kutanga jinzoji ja ku tobhesa na-ju akuâ; o kiela ku konda malamba, kingoho kiene; kienhiki kiene kia bhekesa kuila athu aia ni kuenda ngó kala jimbudi, ezala ni dilamba, mukonda a kambe kabhila.

Zakadiia 11:15

Jihova anga u ngambela, uixi: Tambula hanji ingolongondo ia mubidi ua kiôua.

Matesu 23:13

Enu-phe lamba dienu, mu akua kulonga kitumu ni enu mu jifalizeu, mu akua mangonha! Mukonda ku Utuminu ua diulu mua jika-ku ku pholo ia athu, enʼ uenu kubokona nguenu; ni iá andekene kubokona, ki mu a ehela. [

Matesu 23:16

Lamba dienu, mu asonguedi a ifôfo! Muala kulonga kuila: Uoso u lokela Tembulu, ki kima; uoso-phe u lokela ulu ua Tembulu, ió ua di kutu.

Nzuá 12:40

Nzambi muene ua a fuisa mesu, iú ua a kolesa o miẋima; kuiengesa kuila ka mone ni mesu, nʼ a tongolole ni muẋima, nʼ a lunguluke dingi, eme ni ngʼ a sake.

Nzuá 9:39

Jezú anga u zuela, uixi: Eme ngeza mu ngongʼ umu mù fundisa; phala oso ala ifôfo, ka mono, a mone; o oso a mu mona, a biluke ifôfo.

Loma 11:7

O kiki-phe tuila ihi? Tuila kuma o kima kia kexi kusota akua Izalaiele, ka ki mono. Ofele ngó a a solo kuala Nzambi, ene a ki mono. Amukuâ-phe a di bhange mixilu ku kixanu kia Nzambi.

I Kolindo 8:4

Uila kiki, ku mbandu ia kudia kua satela o iteka, tua kʼ ijiia kuma kiteka kima kia ngoho mu ngongo, kuma ki ala bhu kididi kia kima ki kiene-ku. Etu-phe tuejiia kuma kuala ngó Nzambi imoxi, kana-ku iengi.

I Samuuele 2:31

Talesa, kua-nda kuiza izuua, nga kà ku batula lukuaku lué, ni lukuaku lua dibhata dia tatʼenu, mu bhata dié ki mua moneka dingi muadiakimi ua kuka.