Zakadiia 11:16 - O Mikanda Ikola

¹⁶ Mukonda ku mundu nganda kubalumuina-ku mubidi u bhinga kuila ka lange mbudi ja mu fua, o ia jimbidila muene kaii mu ku i sota, o ia kate muene u iehelela kienhókio, o mbudi ia disanze ue muene kà xikina ku inga; maji o xitu ia nete muene u dia, katé ni ikoto u i ẋomona.

Zakadiia 11:16 ပူးပေါင်းရင်းမြစ်များ

Dimatekenu 31:38

Nga bhange makuinhi aiadi a mivu osoʼâ mu bhata dié, ni jimama jê ja jimbudi ni jimama ja jihombo ki ja seluka, o ilumbe ié ia jimbudi ki nga i di.

Dimatekenu 33:13

Jakobo uixi: Ngana iami, eie uejiia kuma ana kiluua a kola, ni ibhaku ia jimbudi ni jingombe, iala ni anʼâ; se a i kombola lusolo, né mu kizuua kimoxi ngoho, ibhaku ioso i fua.

Izaía 40:11

O kilunga kiê, ua kà ki disa kala mubidi; O tumbudi ua kà tu ongeka bhu maku, hé u tu akata bhu jihata jê; o joso javuala, muene u ji endesa kilendu.

Jelemiia 23:2

Uila kiki, Jihova Nzambi ia Izalaiele, uambe kiki ku abidi ala kuinga o mundu uami: Enu mua muanganesa jimbudi jami, enu mua ji kaie, o jene ki mua ji zungila; Jihova-phe uambe: Talesenu, o phekalu ienu iii nga-nda ku mi betela-iu.

Jelemiia 23:22

Maji-phe, se a kexile mu kikutu kiami, hinu mundu uami eji ku uivisa maka mami, anga a u bhangesa ku bhana dikunda ku njila iâ ia ibha ni mu ku ibha kua ibhangelu iâ.

Izekiiele 34:10

O Jihova Nzambi, uambe kiki: Talesa-ze, eme ngi zoka ni abidi, o jimbudi jami nga-nda ku jʼibhudisa bhu lukuaku luâ, ene uâ hé eha kiá o kuinga o jimbudi, ka-nda kutena ue dingi ku dʼinga eneʼâ; anga o jimbudi jami nga kà ji bhulula mu kanu diâ, ki ja-nda kua kà kituka dingi huta iâ.

Izekiiele 34:16

Ioso ia jimbila ngi i kenga, o ia di texi ngiza na-iu dingi, o ia bukula kinama ngi i tá mu kitanda, o ia kate ngi i tumba; maji o ia nete, ni iii ia vulu o nguzu ngi i jimisa o mbutu; kuma nga-nda ku jʼinga ni kilunji.

Izekiiele 34:21

Mukonda enu, mua muia ni ku lundujula ni isuxi ienu ni mbanji jenu, o jimbinga jenu jene ji mulua-na-ju o jimbudi joso ja kambe o nguzu, katé ki mu ji muangena ku kanga.

Daniiele 11:36

O sobha-phe ienhiʼii ua kà bhanga kioso ki mu tuma o vondadi iê; ua kà balumuka, anga u di kudisa ku thanduʼa nzambi joso; o Nzambi ia jinzambi joso ua kà âmba muene ue ima ia isunji ni madiuanu, ki kuiza kima! Inda muene-ku uia ni kubhanduluka dingi, katé kia kʼèla njinda ia Nzambi ia tenena ia suku; kuma, kioso kia tanga Nzambi, ki bhita muene.

Nzuá 10:1

Jezú uixi: Kidi kiene ngi mi ambela: Uoso ka bokuena bhu dibhitu mu kibhanga kia jimbudi, maji u bandela kuengi, muène muíi ni kifumbe.