Zakadiia 11:12 - O Mikanda Ikola

¹² Eme anga ngʼa tangela, ngixi: Se mua ki mono kuuabha, ngi bhanienu futu ioso ia ngi tokala; o ki muila kana, kuabhuʼé. Anga a pezala o futu iami, hé a ngi futa makuinhi a tatu a itadi ia phalata.

Zakadiia 11:12 ပူးပေါင်းရင်းမြစ်များ

Dimatekenu 23:16

Mbalahamu anga uívua kiazuela Efelone; Mbalahamu anga u pezalela Efelone phalata ia xindi muene mu mátui ma anʼa Hete, hama jiuana ja xikulu ja phalata, itadi ia thembu ienhoio ia kexi mu ta-na-iu o uenji.

Dimatekenu 37:28

Bhenhobho, o jingenji, akua Midiiana, anga a kala mu bhita; ene anga a sunga Zuze, a mu katula mu dikungu, Zuze anga a mu sumbisa ku akua Ijimaiele mu makuinhi aiadi a itadi ia phalata. Enhá anga Zuze a mu ambata, a mu bheka mu Ijito.

I Jisobha 21:2

Kunu ku eza, Akabe u zuelesa Nabote, uixi: Ngi bhane díbhia dié dia mivide, nda di kale ndombe iami, mbata dia zukama bhu mbanduʼa inzo iami; anga ngi ku bhana dia mukuá dia beta kuuabha diene ndenge; mba, se ki ku uabhela ku mesu mé, ngi ku bhana kioso ki dia te mu kitadi.

I Jisobha 5:6

Eie-phe ambela akua mbèle ié, a ngi kokele o miẋi ia misédulu iala mu muxitu ua Libano. O akua mbèle iami a kà kala kumoxi ni akua mbèle ié, o ioso-phe eme i u ngi xinda kubhana phala futu ia ku futa akua mbele ié, iene i ngi ku bhana; mukonda eie uejiia kiambote kuila o muʼaxaxi ketu kanamu athu ejiia kubatula, kiambote o miẋi, kala akua Sidónho.

II Malunda 30:4

O ienhiʼiii, ku mesu ma sobha, anga u i mona kuila ia iuka, ni ku mesu ma kifuxi kioso.

Makatukilu 21:32

Ngombe hé ialu mubhika ua diiala mba ua muhatu, ngana iê a mu bhane makuinhi atatu a xikulu ia phalata, o ngombe mu i bûba ni matadi.

Jelemiia 32:9

Mukáu anga ngi u sumba muene kua Hanamiiele, monʼa sekuluʼami, uala mu Anathothe, anga ngi mu pezalela kitadi, kuinhi dia xíkulu ia phalata ni sambuadi.

Ijila 27:4

Maji-phe se muhatu, mu xindile suilu iê mu makuinhi atatu a jixikulu ja phalata.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Matesu 26:15

uixi: Mu ngi bhana-hi se Jezú ngi mi thelekalanê? Ene anga a mu pezalela makuinhi atatu a itadi ia phalata, hé a mu bhana.

Matesu 27:10

anga a i bhana mu kididi kia mumbiʼa jímbia, kala kia ngi tumu kubhanga kuala Ngana.

Matesu 27:9

Bhenhobho bhua bhiti dingi kima kia soneka Jelemiia, polofeta, uixi: A tambula makuinhi atatu a itadi ia phalata, kuma iene o suilu ia muthu a mu te uenji kuala amoxi-moxi-mu ku anʼa Izalaiele;

Nzuá 13:2

Jezú ni maxibulu mê, kia kala mù seiala, o Diabhu ua ki te kiá ku muẋima ua Juda, mukua Kadiota, monʼ a Ximá, o ku mu sumbisa.