Zakadiia 10:6 - O Mikanda Ikola

⁶ Nga kà suinisa o dibhata dia Juda; nga kà bhulula o dibhata dia Zuze; anga nga kà bhangesa kuila a vutuka dingi mbata nga kà a kuatela henda; anga a kèla kala eme ki ngi di tunine-nâ, mbata eme ngi Jihova Nzambi iâ, nga kà evua muene.

Zakadiia 10:6 ပူးပေါင်းရင်းမြစ်များ

Jisálamu 89:21

Lukuaku luami lu kala-nê jithembu joso; lukuaku luami luene lu mu bhana o nguzu iasoko.

Izaía 11:12

Ua kà leka o mvela muʼaxaxi ka akua jixi; akua Izalaiele a a balakalele ua kà a ongeka, u bhongolola ue akua-Juda a di-muangene tunde ku hota jiuana jaʼxi.

Izaía 14:1

Mbata Jihova ua kà kuatela Jakobo henda, u tona dingi kusola Izalaiele anga u a bheka mʼoxi iâ; jinzuángiza ue ja kà di bunda kumoxi ni ene, anga a kà di banda mu diembu dia Jakobo.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 54:4

Ku kale ni uoma, mbata sonhi ki ja-nda ku ku kuata; ku kale ni jisonhi, mbata kua-nda kukakuka; inda sonhi ioso i ua bhiti na-iu ku undenge ué ua-nda ku i jimba, môndo ua utudi ué kua-nda ku u xinganeka dingi.

Izaía 54:8

Mu kutema kuavulu nga ku suekela pholo iami mu kathangana kòfele; maji nga-nda ku ku lendukila ni henda ki iene kúbhua; kiene kia zuela Jihova, Mukudi ué.

Jelemiia 23:6

O mu izuua iê Juda ua kà bhuluka, o Izalaiele uà kà tunga ni kukondama; didi-phe diene o dijina dia-nda ku mu luka: Jihova Dilungilu Dietu.

Jelemiia 3:18

Mu izuua momo dibhata dia Juda ni dibhata dia Izalaiele a-nda kuendela bhuamoxi; hadia a kʼèjila bhuamoxi mu tunda kuʼoxi ia kusuku nʼeza mu ixi i nga bhanene jitata jâ mu ubhinganu.

Jelemiia 30:18

Jihova uambe, kiki, uixi: Tala, uhutile ua jibalaka ja Jakobo ngi u bhuisa-ku, anga mabhata mê ngi ma kuatela henda; o mbanza iê a kà i tunga dingi ku thanduʼa ibhela iê iòkulu, o dizemba dia sobha dia kà kala kala ki dia kexile jinge.

Jelemiia 30:20

Hé tuana tuâ tua kèla kala mu jithembu ja xahulu, o kionge kiâ kia kà di fikidila muene bhu pholo iami, hé ngi bhana kaxtiku kua ene oso a muia ni ku a bhondeleka.

Jelemiia 31:1

Jihova uixi: Mu izuuʼomo nganda ku kala eme ngi Nzambi ia miji ioso ia Izalaiele, ene a kà kala kifuxi kiami.

Jelemiia 31:20

Manhi Ifalaíme ki monʼami ua hate? Kamona kami ka makembu? Mukonda kioso ki ngi zubha ku mu zuela ima ia ku mu bhanga kia ibha, hanji ngi mu xinganeka ni muẋima uoso; kienhiki miẋima moxi i ngi bhuá-mu mukonda dia muene, hanji nga-nda ku mu kuatela henda ia vulu, Jihova ua ki tange.

Jelemiia 31:31

Kuma Jihova, uixi: Kua-nda kuiza izuua, i nga-nda ku ta kikutu kia ubhe ni dibhata dia Izalaiele, ni dibhata dia Juda,

Izekiiele 36:11

Hé nga kà sokolola athu ni ibhaku ku thandu dienu, ene hé a ka di sokolola ni ku di vualulula; anga ngi mi tungisa kala mʼukulu, anga ngi bhangesa dingi kuila o kikexilu kienu ki beta dingi o kukala kiambote, ku dimatekenu dienu ndenge; anga mu kʼijiia kuila eme-ʼeme ngi Jihova.

Izekiiele 36:37

O Jihova Nzambi ua tange kiki, uixi: Mu kienhiki hanji o muiji ua Izalaiele a-nda ku ngi bhinga-kiu; kuila nga kà a sokoluela athu kala kilunga kia ibhaku.

Izekiiele 37:16

Eie-phe, u monʼa muthu, zangula kiẋimbu kia muẋi, ú soneke-ku, kiki: Kua Juda ni ku anʼa Izalaiele, ene o akuâ. Hé u zangula dingi kiẋimbu kia mukuá kia muẋi, anga u soneka-ku, kiki: Kua Zuze, muene o mbangala ia Ifalaíme, ni ku dibhata dioso dia Izalaiele, ene o akuâ.

Izekiiele 39:25

Kala kiki, o Jihova Nzambi uambe kiki, uixi: O ki-ndalʼiki, o jihutile ja Jakobo nga-nda kuiza-na-ju dingi, anga ngi kuatela henda o muiji uoso ua Izalaiele; o dijina diami dikola nga kà di kuatela muanu;

Hozeia 1:11

O anʼa Juda-phe ni anʼa Izalaiele a kà di phopha bhuamoxi, anga à kala kiá ni dikota dimoxi; anga a ka tomboka kʼoxi, hé a banda mu jixi; mbata o kizuua kia Jezelele kia-ndu kala kiónene.

Hozeia 1:7

Inda dibhata dia Juda nga-nda ku mu lendukila, nga-nda ku a bhuluila ku lukuaku lua Jihova Nzambi iâ; kuma ki nga-nda ku a bhulula mu ku a bhángela ni uta ua mufula, ku xibhata ue ki kuene, ku ita ki kuene, ku jikabalu kana, ku akua jimonde ue kana.

Hozeia 14:9

Mukuaʼhi uala ni kuijiia, nʼa tongolola ima iii? Nanhi muene uala njimu, ima iii na tena ku i ijiia? Mbata o jinjila ja Jihova ja iuka, athu ambote muene mua kala mu kuendela, maji akua kutondala-phe muenhumu a sanga-mu ibhalu.

Hozeia 2:23

Izalaiele nga kà mu phapha mu ngongo phala eme; Lo-Luhama nga kà mu kuatela henda, ió ka mu kuatelele henda ia kima; Lo-Ammí, ió ka kexile povo iami, nga kʼèla kiá: Eie u povo iami; o muene ue ua kʼèla: Eie u Nzambi iami.

Obadiia 1:18

Dibhata dia Jakobo dia kà kituka túbhia, o dia Zuze mulengu, maji o dia Ezau di di bhanga mafe a kukuta, a kuuika túbhia tu tunda kua ió katé muene kia buila; phala ki bhu xale dingi muthu mu dibhata dia Ezau; mukonda dikanu dia Jihova dia ki tange.

Mikeia 4:13

Balumuka, u vunde, eie monʼa kilumba mu Ziione! Mukonda mbinga ié nga kà i bhanga ia felu, o iala ié ia ngòndo; ua kà sanujuna ndumba dia ifuẋi ia miji, futu iâ anga ua kà i bhakuila Jihova, ni umoni uâ kua Ngana, uavu o ixi ioso.

Mikeia 4:6

Ngana uixi: Mu kizuuʼokio, o ió oso a kexile jinge mu ku tenguna, nga ka a bhongolola kididi kimoxi; o iá u nga kaiele ni iá u nga di tunine, nga kà a bheka dingi mu kibhanga.

Mikeia 5:3

Kala kiki, Nzambi ua-nda kuehelela o mundu uê, katé bhu thembu ia kuila, o ió ua mu sènda ni mika ia kuvuala ua vuala kiá, o muene ue kiene kiua kia kà a bhana. Kieneʼokio o mbandu ia jiphange jê iaxala-ku ia kà vutuka kumoxi ni ana a Izalaiele.

Mikeia 5:8

O mbandu-phe ia subhuka-bhu, ia Jakobo, anga ia kà kala mu kaxi ka miji ioso, muʼaxaxe ka ifuẋi ia ndumba, mukuâ ni hoji muʼaxaxi ka iama ia mukáu mu muxitu, kala kamunzangala ka hoji muʼaxaxi ka ilunga ia jimbudi; kuma iene ki i bhita, ua kàia ni kujikuata ni ku ji jibha, anga ji di bhanga mbole iê, o u ji kudila ka moneka.

Mikeia 7:16

O miji iengi a kà ki mona, mesu, jisonhi anga ja kà a kuata, kia kà mona o kutena kué eie; ene, mu ku di uana, maku mâ a kà ma xita ku makanu mâ, anga kua kà eza uxilu mu mátui.

Zakadiia 1:16

Kala kiki, Jihova uambe, uixi: Jeluzaleme nga mu lungulukila dingi ni jihenda; o inzu iami a kà i tunga dingi muenhomo, o kuthandu dia Jeluzaleme à ka zeleka-ku kamukolo, kiene kia tange Jihova dia Ilombo Ieta.

Zakadiia 10:12

Eme anga nga kà a suinisina mua Jihova, a kèndela jinga mu dijina diê, Jihova muene ua ki tange.

Zakadiia 13:9

Anga mbandu ia katatu iii nga kà i bhitisa mu túbhia, nga kà i zelesa mukua ni kiene kuzunza o utadi ua phalata, hé nga kà i lola kala kiene ku lola o ulu. Iene ki ia kà diundila dijina diami, eme ue nga kà ivua muene. Eme nga kà i ambela, ngixi: Iú uene o mundu uami; o iene ue ia kèla iexi: Jihova muene o Nzambi iami.

Zakadiia 8:11

Maji Kindalʼiki-phe, o mundu iú ua subhuka-ku ki nganda ku a bhanga dingi kala mu izuua ia dianga, kiene kiambe Jihova dia Ilombo Ieta.

Zakadiia 9:16

Bhu kizuuʼokio Jihova Nzambi iâ ua-nda kubhulula o mundu uê, mukua ni kilunga kia jimbudi jê; mbata ene mu ngongo a kà benha kala matadi a kitundu ala ku lekujuka mu ixi iê.