Zakadiia 10:5 - O Mikanda Ikola

⁵ Ene oso a kà di bhanga jingunza ja ita ji titidila jinguma jâ bhoxi, mu malôua a jinzunga; a kà bhanga undanda kuma ala ni Jihova; a kà tolola muene iá a mondala ku jikabalu.

Zakadiia 10:5 ပူးပေါင်းရင်းမြစ်များ

II Samuuele 22:43

Bhenhobho-phe eme ngʼa beta katé a fufuka kala mavu a bhoxi, ngʼa titidila muene kala malôua mu nzunga; a phephuluka aii ni kitembu.

II Samuuele 22:8

Bhenhobho ixi anga i tunguta, i kala mu zemana, madisesa ma diulu ma zamba, anga ma tunguta, mukonda njinda ia mu kuata.

II Jisobha 9:33

Bheneʼobho muene, uixi: Mu laudienu, eze bhoxi. Anga a mu laula bhulu hé uiza bhoxi; o manhinga mê a tula ku jikabalu ni ku mutôto ua phalelu ia inzu, muene anga u mu diota ni dikalu.

Jisálamu 18:42

Bhenhobho nga a fufujula, a phephuluka ni kitembu; nga a titidila kala mavu a malôua mu nzunga.

Jisálamu 20:7

Amoxi a di fiiala makalu a ita, amoxi a di fiiala jikabalu; etu-phe tu di fiiala dijina dia Jihova Nzambi ietu.

Jisálamu 33:16

Sobha ka fike kuila kilômbo kia dikota ki mu bhana kulenda; dizonda ue ka di fiiale o nguzu iê iavulu.

Jisálamu 44:5

Mu nguzu ié tu lundumuna oso a tu zembe; mu dijina dié tu a titidila muene bhoxi oso a tu balukila.

Jisálamu 45:3

Dizonda dia kimi! maneka o xibhata ié bhu ditabela, u zuate o fuma ié ni unénene ua ungana ué.

Izaía 10:6

Nga-nda ku mu tuma ku balukila muiji ua akua-mangonha, ngi mu tuma kuzoka ni mundu uami a bholomona o njinda iami, phala ku a bhûnda ioso ia tundu mu unhanga ni ku a tambula o madibhundila, ni ku a ta bhoxi pahala ku a diata-diata, mukua ni mathatha mu nzunga.

Izaía 25:10

Mukonda lukuaku lua Jihova luanda ku tula ku mulundu uenhú; maji Mouabhe a-nda ku mu bhiatela muene bhu kididi kiê, kala kiene kubhiatela o ibhiáxi bhu dixita.

Izaía 31:1

Kokolo dia ió oso a kulumuka ku Ijitu mu ku sota-ku dikuatekesu, anga a ta o muẋima ku jikabalu; a dielela o makalu mukonda a di-xala, ni a-mondadi ala i-mazonda ionéne; maji ka xikina kusuua Dilemba dia Izalaiele; ka xikina ku sota Jihova.

Izaía 41:12

Né uedi u a kenga, kua-nda ku a sanga; kuma ió oso a bhânga mvunda nʼeie, a-nda kubatuka-ku; kala ue ió oso alua ita nʼeie, a di bhanga kingoho.

Izaía 41:25

Ngi balumuna muthu ku suku, muthu muenhú hé uiza, ua tundu tundé bhu tundila o dikumbi, muene ua-nda kuhingila o dijina diami; muene ua-nda kutula ku thanduʼa jingana kala ku thanduʼa malôua, kala mumbi kia toxa o utuma, kiene kia-nda ku a diota-diota.

Izaía 8:9

Divunzienu, enu mu mundu, a kà mi tolole; bhanenu mátui enu mu akua-jixi ja makanga, bhakatenu, a kà mi batujule ku iẋimbu; ndokuenu, bhakatenu, a kà mi batukule ki iẋimbu.

Izekiiele 38:15

Eie-phe ua kà tunda bhu kididi kié ku jimbandu ja kusuku, hé ua kʼèza nʼeie ni ifuẋi ia vulu kumoxi, ene oso a sambela ku jikabalu, kionge kia dikota, kifuẋi ki bhonza o ku ki tanga.

Amoji 2:15

Uambata mufula ka di fike kuila uà kèmana; ua lenguluka inama ue ka kà tena ku di kudila phala nʼa bhulaka, mba ngó bhuòfele-fele uoso ua sambela ku kabalu kuila ua kà bhulula muenhu uê, lémbue!

Mikeia 5:8

O mbandu-phe ia subhuka-bhu, ia Jakobo, anga ia kà kala mu kaxi ka miji ioso, muʼaxaxe ka ifuẋi ia ndumba, mukuâ ni hoji muʼaxaxi ka iama ia mukáu mu muxitu, kala kamunzangala ka hoji muʼaxaxi ka ilunga ia jimbudi; kuma iene ki i bhita, ua kàia ni kujikuata ni ku ji jibha, anga ji di bhanga mbole iê, o u ji kudila ka moneka.

Mikeia 7:10

O kienhiki nguma iami ia muhatu anga ua kà ki mona, jisonhi anga ja kà mu kuata muene. Kuma uene mu ku ngʼibhula, uixi: O Jihova, Nzambi ié, uala kuebhi? Mesu mami-phe ma kà mu mona ia a mu diota-diota kala malôua mu nzunga.

Ajeu 2:22

Nga kà tungutisa diulu ni oxi, anga nga kà lundumuna o kiandu kia ma-unganga moso, anga nga kà bhuisaku o kutena kua ma-utuminu ma jixi joso; anga nga kà sokomona o dikalu ni oso a xikama-mu; ni jikabalu ni iá oso a ji mondala, a kà dibhala ku xibhata, mu ku di lungulukila mudiâ.

Zakadiia 12:4

Jihova uixi: Bhu kumbiʼodio o jikabalu joso nga kà ji kuama ni kisasumuke, o ió oso a ji mondala a ká saluka malaji; mesu mami ma kà tona kʼonzo ia Juda o jikabalu joso ja akua jixi nga kà ji kuama ni ufofo.

Zakadiia 12:8

Bhu kumbiʼodio Jihova ua kà ongeka iá a tunga mu Jeluzaleme; o uoso ua tolo nguzu mu kaxi kâ, bhu kumbi dieneʼodio ua kà kala mukua ni Davidi; o dibhata dia Davidi dia kèla kala Nzambi, mukuá ni anju ia Jihova bhu pholo iâ.

Zakadiia 14:13

Mu kumbi dienhódio, Jihova ua kà kuua uoma ua vulu mu kaxi kâ; mukonda kala muthu ua-nda kua kà kuata mukuá mu lukuaku ẋaba! Muthu ua kà zengela mukuá lukuaku phala ku mu banga kiaiibha.

Zakadiia 14:3

Jihova phe ua kà tunda mu kuzoka ni miji ienhiʼii, muene ua kà lua kala kiene kuzoka mu kumbi dia ita.

Zakadiia 9:13

Mbata Juda nga mu bhetekela kokuaʼmi kala mufula, eme ngezalesa Ifalaíme ni nguzu kala misongo ia mufula; eie Ziione anʼé nga kà a funhisa, anga a kà lua ni anʼé eie, u Ngelexa! Nga-nda kuà ku tula, eie u Ziione, kala xibhata ia kiiala kia nguzu.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Matesu 4:3

Diabhu, anga uiza, u mu ambela, uixi: Eie se u Monʼ a Nzambi, tuma matadiʼ ama ma kituke jimbolo.

Luka 24:19

Muène uixi: Ima iahi? Ene a mu ambela, exi: Ima ia tokala kua Jezú dia mukua Nazalé. Muthu ió ua kexile polofeta i kôla ni mu ikalakalu, ni mu maka, bhu pholo ia Nzambi, ni bhu pholo ia mundu.

Jipoxolo 18:24

Kiki kueza Judé ku Efezo, dijina diê Apolo, mukua bhata ku Xandediia Muene uala mesene kuma uejiia kiambote o Madivulu ma Nzambi.

Jipoxolo 7:22

Kieniokio Mozé anga a mu longa unjimu uoso ua akua Ijitu, anga u kala mesene mu ima ioso ia zuela, ia bhanga.

II Kolindo 10:4

O mata metu ma ita ki ma tokala mu ngongʼumu, maji mata ma nguzu ni kutena kua Nzambi ma tena kubula o imbaka. Tu lundumuna ikutu ia makutu,

Matendelelu 20:1

Kioso ki u tunda mu kuia kúlua ita ni jinguma jé, anga u mona jikabalu, ni makalu, ni makuenze mabeta kuvula eie ndenge, kana ku a kuatela uoma; mbata o Jihova Nzambi ié, uoso ua ku katula kʼoxi ia Ijito, ua ku bande.

II Timote 4:17

Bhenhobho-phe Ngana ua ngʼimanena, ua ngi bhana nguzu, phala ngi tene kuzubha kubhana o Ngolokela, akua jixi joso, ka tokala ue mu muiji ua Jijudé, nʼévue. Iu ua ngi kudila mu kanu dia hoji.

II Timote 4:7

Ngalu ita iambote, dikanga dia ngi xindile nga di zubha, o kuxikana ki nga ku eha.

Josuué 10:14

Né mʼokulu ki kua kexi luua kizuua kinana kala kiki, o ki kia bhiti ue kiluua dingi kukala kia mukuá, kia bhingi Jihova nʼa kʼévua kiókio dízui dia muthu; mbata Jihova ua kexi mu zokela Izalaiele.

Josuué 10:42

Jisobha josuʼojo Josuué ua ji kuatela-bhu kiá muene ni jixi jâ, mu kithangana kimoxi, mbata Jihova Nzambi ia Izalaiele muene ua kexi kuluila Izalaiele o ita.

Dijingunuinu 19:17

Anga ngi mona anju iemana ku dikumbi. Muène u di kola ni dízui dia suina, anga uambela o jinjila joso jala kubhita bhulu, uixi: Zenu, mu bhongoloke ku kizokola kia dikota kia Nzambi!

I Samuuele 16:18

Dikuenze diê diamukuá anga u kumbulula, uixi: Eme-ze ngejiia muthu, monʼa Jese bhu Beleme, mesene muene ia kuxika, diiala dia nguzu, dikuenze dia ita, mujitu mu kuzuela, muthu ua kuuabha, o Jihova ue uala-nê.