Zakadiia 10:2 - O Mikanda Ikola

² Kuma o iteka mʼonzo izuela kingoho; akua kutaha ngombo a zambula makutu ni kutanga jinzoji ja ku tobhesa na-ju akuâ; o kiela ku konda malamba, kingoho kiene; kienhiki kiene kia bhekesa kuila athu aia ni kuenda ngó kala jimbudi, ezala ni dilamba, mukonda a kambe kabhila.

Zakadiia 10:2 ပူးပေါင်းရင်းမြစ်များ

Dimatekenu 31:19

Kienhiki-phe kuma Labano ku bhata kala-ku, uaii mù bhuta o jimbudi jê, Lakele u nhana o iteka ia tokala mʼonzo ia tatʼâ.

I Jisobha 22:17

Bhenhobho muene, uixi: Izalaiele ioso nga mu mono ua di muangena mu milundu, kala jimbudi ja kambe kabhila; anga Jihova u zuela, uixi: Athu iá kʼala ni ngana iâ; a vutuke ni uembu, muthu ni muthu aie mʼonzo iê.

Jobe 13:4

Maji enu-phe muala mu akua kufunha makutu; anuenuʼoso muala mu imbanda ia kingoho, ki mua te kima.

Jobe 21:34

Enu-phe mua mu ngi bhombelaʼhi ngoho? Mukonda ku ioso i mua mu ngi vutuila kana-ku kidi, kuma kuala ngó makutu.

Izaía 41:29

Kuma ene oso a di-bhange kingoho; o ikalakalu iâ, ki kima; o iteka iâ ia kuzunza mulenge uahatu, uene kima kia ngó.

Izaía 44:25

Ngi mukua ku tungununa o iphata ia akua kuzambula o makutu, akua kusuma ngó a kituka maioua; jinjimu ngʼa vutula kuema, unjimu uâ ngi u kitula uôua-mu-uôua.

Izaía 44:9

Jihete joso ja kusonga iteka, makutu mâ; o ima iâ ioso ue ia a uabhela ni muẋima uoso, ki i bhandulula ni kima; ene muene ala jimbangi kuma o iteka iâ ienhiʼii kumona ki i tena, kuívua lémbue; phala ene a tandanganhe.

Izaía 46:5

Mukuahi mu ngi di-fuanganesa-nê eme, mu ngi sokesa ni nanhi, mu ngi fikisa-nê, nda tu di-fuangane?

Jelemiia 10:8

Maji ene oso a di bhange ima ia ngoho, a kituka maioua: Manhi, muxi, ulongelu ua kingoho.

Jelemiia 14:13

Eme-phe ngixi; Uá! Jihova, Nzambi, tata! Talesa o jipolofeta jala ku a ambela kuma: Kana, ki mua-nda ku mona-ku xibhata, ki mua-nda kala ue ni nzala; o kiala-bhu nga-nda ku mi bhana kutululuka kua kidi bhu kididi kiki.

Jelemiia 14:22

Manhi ku ima ia kingoho ia jijila o matumbu, kuala ki tena kunokesa o mvula? inga maúlu ma tena ku di bhela mvula? Kʼeie muene ngó, u Jihova, Nzambi ietu? Kala kiki tua kinga kokué, mbata eie uene ku bhanga ima iosuʼiii.

Jelemiia 23:17

Thembu joso a kuata kuambela iá a ngi zembe eme, exi: Jihova uambe kiki: Kua mi xikamena paze; o uoso ua mu kuenda kioso kia mu tumu o muẋima uê a mu ambela, exi: Kʼilahize. Ki kuizé kima!

Jelemiia 23:32

Jihova uambe, uixi: Eme nga bilukila muene a tanga uanji ua upolofeta mu nzoji ja makutu, anga a ji tanga, anga a bhangesa athu ami ku tondala ni makutu mâ ni udianzunga uâ; kuma eme ki nga a tumu mba ngʼa a bhana ngonge; ene ue o mundu iú ka u bhekela mbote ia kima, Jihova ua ki tange.

Jelemiia 27:10

Mbata a mi zambuila makutu, phala ku mi balakala dikanga dia ixi ienu, nda eme ngi mi kaiese mʼoxi ienu, enu nda mu jime o mbutu.

Jelemiia 27:14

Ki mu bhane-ze mátui ku izuelu ia jipolofeta kia mi tangela, exi: Sobha ia Babilonha ki mua-nda ku mu bhikila. Ala-phe ku mi zambuila makutu.

Jelemiia 27:9

Kana-phe ku bhana mátui ku jipolofeta jenu, ni akua iphata, kia mi zuelela, kuamba: ki mua-ndu bhikila sobha ia Babilonha.

Jelemiia 28:15

Jelemiia dia polofeta, anga uambela Hananiia dia polofeta, uexi: Kindala ívua, hanji, Hananiia: Jihova ki muene ua ku tumu, maji eie ua bhangesa kuila kifuxi kiki ki dielela ku makutu.

Jelemiia 29:8

Mukonda Jihova dia Ifuẋi, Nzambi ia Izalaiele, uambe kiki: O jipolofeta jenu, ala mu kaxi kenu, ka mi tobhese, mba azambuidi enu, mba ue kubhana mátui ku jinzoji ji mua mu kuanjiua.

Jelemiia 37:19

O jipolofeta jenu, ji kuebhi, ja kexi mu ku mi zambuila, kuila: Sobha ia Babilonha ka-nda kuizaku mu kúlua nʼenu mba kúlua ni ixi iii?

Jelemiia 50:17

Izalaiele ua soko ni mbudi ia jimbila; a mu kaiesa kuala jihoji; sobha ia Asídia muene ua dianga ku mu dia; o kua suku kunu, Nabukodonozolo, sobha ia Babilonha, muene ua mu bukula o ifuba.

Jelemiia 51:23

Mubidi ni kilunga kiê nga kà a sasujula ni eie; kidimakaji ni ngombe jê jiiadi nga kà a sasujula nʼeie; jikabhitangu ni atumini nga kà a sasujula nʼeie.

Jelemiia 6:14

Hê a tumba o fidila ia mona kilumba kia mundu uami ni mangonha moso, exi: Kuatululuka, kuatululuka, mbé kuma kuene kana-ku kutululuka.

Jelemiia 8:11

Hé a tumba o fidila ia monʼa kilumba kia mundu uami ni mangonha moso, exi; Kua batama, kua batama, manhi kuene kana-ku kubatama kua kima.

Kuditenda 2:14

Misesedi ié, a ku zambuila makutu ni usemenhi; ka ku tukuluila o ufusa ué, phala ku ku dimuna; hinu ki kua kuiza kuia ku ubhika; maji ene a ku zambuila imbamba ia makutu ni usemenhi, iene ia bhangesa ku ku bheka ku ubhika.

Izekiiele 21:21

Mukonda o sobha ia Babilonha, kia-nda ku tula bhu jiphambu, ua kʼèmana bhu thala dia njila jiiadi jojo, mu kuzambula: O misongo iê ua kà i zuikila bhenhobho, uibhula ku iteka ia bhata diê, hé uia ni kuividila mu mala.

Izekiiele 21:29

Sumbala, a ku muena kingoho, a ku zambuila makutu, phala nʼa ku tudike bhu xingu ia akua phulu a a kuamena o kúfua, a bhingi o kumbi diâ dia kʼèza bhu kithangana kia phulu ia dikota.

Izekiiele 34:5

Kienhiki ji ja muangana, mukonda dia kukamba o kabhila, ji ja xalèla kiá kudia kua ngene kua iama ioso ia mukáu, kuma ja di muange kiá.

Izekiiele 34:8

Jihova Nzambi uixi: Eme ngi laia! Ki kiedi kuma o jimbudi jami a ji bhakula ku uiii, o jimbudi jami jì ja di-bhange kúdia kua iama ioso ia mukáu, mukonda dia kukamba o kabhila, o tubhila tuami nguâ-uâ kusota o jimbudi jami, mbata a mu dʼingâ kiâ ngó ene-muène, iá a tokoka o kuinga o jimbudi jami;

Hozeia 3:4

Mbata anʼa Izalaiele a-nda kukala ue muene izuua ia nzungule ka moneka sobha, ka moneka dikota, kene ni sata, kene ni kiteka mu dibhata, mba ngó efodi.

Mikeia 2:12

Ni kidi kiene, hádia ngi ku bhongolola ni kivimba kioso, eie Jakobo; ni kidi muene, hádia ngi bhongolola o mbandu ia Izalaiele ia xala-bhu; ene oso nga a bhongolola anga nga ongeka bhu kididi kimoxi kala jimbudi ja Bozola; ela kala kilunga kiala muaxaxi ka kibhanga kiâ; ki nga a bhongolola a kà lunguta ni kuta jibuia javulu mukonda dia mundu kuvula.

Habakuke 2:18

O kiteka-phe kiósonge kualʼo hete ia kusonga, kia sedivilaʼhi? O kiteka kia kuzunza ue, ki longa o makutu, kia sedivilaʼhi phala o ua ki bhange a dielele o kikakalalu kiê, na kuate kubhanga ima ki itena kuzuela?

Zakadiia 11:17

Lamba dié! mubidi ua kilalu, ua bhingi jimbudi u ji ehelela! xibhata ia kà ku tula ku lukuaku ni ku diesu dié dia kadilu! Lukuaku lué lua kadilu lua kà kukuta muene luene luoso, o diesu diê dia kèla muene babadi!

Dialuilu 27:17

a a kale ku pholo mu kutunda ni mu kubokona, a a songuele mu njila, a a bhiẋidise kididi, mbebhu kilômbo kiangene kia Jihova ki ki kale kala jimbudi ja kambe mubidi.

Matesu 9:36

Kia mono ifuxi-phe, u a kuatela henda, mukonda atate, a di mauange kala jimbudi ja kambe mubidi.

Marku 6:34

Muene kia zubha kutomboka, u sanga kifuẋi kia dikota, anga u a kuatela henda, kuma edi kala jimbudi ja kambe mubidi. Anga u kuata ku a longa ima iavulu.

Matendelelu 13:2

se kijimbuete kiókio mba kisuma kia bhiti muene, kioso kia ku ambela, kiene muene ki kia bhiti, o muenhó hé uila: Tuie tua kà bhandulule jinzambi jetu jengi tu ji bhikile, o jene eie kua jʼjijiia ngó,

Afundixi 18:14

Bhenhobho malʼatanu a diangele kuia kulónda ixi ia Laixi, ambela akuâ, exi: Mua kʼijiia kuma mu jinzu jojo muala efodi, muala telafini, muala ue ni kiteka kia iudika mesene ia kuzunza; o ki tualʼiki xinganekenu kioso ki mua tokala kubhanga.