Zakadiia 10:11 - O Mikanda Ikola

¹¹ Kalunga ka musanza ua Ijito a kà mu bhita ni dilamba, o mabhuku ma musanza Jihova ua kà ma batamesa, honga joso ja Nilo ja kà kukuta katé bhu hôle; kienhókio Asídia izala ia kà mu bhua, o Ijito mbasá ia ungana ia kà mu katuka.

Zakadiia 10:11 ပူးပေါင်းရင်းမြစ်များ

Dimatekenu 8:1

Nzambi anga u lembalala Noué, ni iama ioso ia muenhu, ni ibhaku ioso iala-nê mu álaka; Nzambi anga u bhangesa kitembu kubhuka mu ngongo, menha ma kala mu sosoloka.

II Jisobha 2:14

Anga u zangula o divunga dia Elija dia mu sonuena, anga u di vunda menha, uixi: O Jihova, Nzambi ia Elija, iú kué? Bhenhobho kia di vundu ku menha, ene a di muange mu mbandu jiiadi; anga Ilizeu u bhita.

II Jisobha 2:8

Elija bheneʼobho u zangula o divunga diê, u di budika anga u di vunda ku menha, o menha hé a di muanga ku mbandu jiiadi, anga kiiadi kiâ a bhita ku mavu a kukuta.

Ejidala 6:22

O fesa ia jimbolo jʼòsusu, anga a i bhanga mu sambuadi dia kizuua, ni kusanguluka, mbata Nzambi ua lungulula muẋima ua sobha ia Asídia iú ua u te ku mbandu iâ ene, phala ku a suinisa maku mu kikalakalu kia inzu ia Nzambi, muene Nzambi ia Izalaiele.

Jisálamu 114:3

Kalunga kioso ki ka mono, ka mu lenge o pholo; menha ma Njolodá ma vutuka kua tundu.

Jisálamu 114:5

Ihi kia ku kuata, u kalunga ka lenge? ni eie u Njolodá, ua vutuka o menha kua tundu?

Izaía 14:25

Asídia nga kà mu huhila moxi iami muene, nga kà mu titidila ku milundu iami, phala o kànga iê ia tula mundu uami ngʼa sondolola-iu, o kimbamba kiê ki tunde bhu isuxi iâ.

Izaía 19:16

Mu thembu iná akua-Ijitu à kala mukuâ ni ahatu, a kà ueua, a kà teketa mukonda dia lukuaku lua Jihova dia Ilômbo Ieta, mu ku a huha ene.

Izaía 43:2

Kioso ki ua kà bhita mu menha mua zongo, tuà kala kiiadi; kioso ki uà bhita mu jingiji, kua-nda ku boba; ki uà kà bhita mu túbhia, kua-nda kujikata; o mulengo ki ua kà tena ku kuata kokué.

Izaía 44:27

O musanza uazongo ngi u ila: Kukuta! Eme hé ngi kukutisa o jingiji jê;

Izaía 51:10

Ki eie-muène ua kukutisa o menha mu musanza ua kalunga, o menha ma mukiukuluku uonéne, o mu nzongolo ia kalunga anga u bhitisa-mu njila phala o jihule muene mua bhitila?

Izaía 51:9

Phaphumuka, phaphumuka, u maneke ukuenze, eie u lukuaku lua Jihova; phaphumuka muene kala mu thembu ia xahulu, kala ki ua bhanga jinga mu miji iòkulu. Abha, ki eie-muène ua batujula Lahabe, anga unemeka o mudikixi?

Izekiiele 30:13

O Jihova Nzambi uambe, kiki: O mahamba ue nga-nda kua kà a muanga-muanga, anga ngi zubha-ku o iteka ia Nofe; ki kua kà moneka dingi kilamba ua tokala mu ixi ia Ijitu; hé mʼoxi ia Ijitu nga kà tà-mu uôma.

Sofoniia 2:13

Lukuaku luê lu bhiẋila ue ku suku, ni Asídia u jima, o Ninive uxala ngundu, u kituka ixi ia kukuta mukuâ ni kikangalakata.

Dijingunuinu 16:12

Anju ia kasamanu anga u lundulula o nganza iê mu honga ia dikota ia Eufalate. Menha mê anga ma kukuta, phala bhu di bhange njila ia jisobha jʼijila ku tundila o dikumbi.