Zakadiia 10:10 - O Mikanda Ikola

¹⁰ Mukonda eme nga-nda ku bhangesa kuila a kà vutuka mu ku tunda ku Ijito, nga kà a bhongolola muene mu ku tunda ku Asídia, hé nga kèza-nâ mʼoxi ia Ngiliiade ni mu Libanu, ki kua-nda kuà kala kididi ki soka phala ene.

Zakadiia 10:10 ပူးပေါင်းရင်းမြစ်များ

Izaía 60:22

Kamona kandenge, ua kà di-bhanga midi; o ua beta kutola u biluka kifuxi kionéne: Eme, ngi Jihova, bhu kumbi diê nga ka ki bhanga sé kufula.

Jelemiia 22:6

Mbata Jihova uambe kiki ku dizemba dia sobha ia Juda: Eie ua ngi kala u Ngiliiade, u mútue ua Libanu; maji kidi muene-ze hinu ngi ku bhanga u kikangalakata, u jimbanza ja biluka jingundu.

Jelemiia 50:19

Anga Izalaiele ngi mu vutukisa mu kibuta kiê, hé ua kà di dikila ku mulundu ua Kalamelu ni ua Baxane; muenhu uê anga uikutila ku mulundu ua Ifalaimi ni ua Ngiliiade.

Hozeia 11:10

Ene a kʼenda ni kukaiela jinga Jihova; muene ua-nda kukoma kala hoji; o kia koma, tuana tuoso tuene ku mufuila-kumbi a kʼèza ni kuteketa.

Hozeia 11:11

Akua Ijito a kʼèza ni kuteketa kala tunjila, o akua ixi ia Asídia a kʼèza ue mukuâ ni diembe, anga eme ngi a bhangesa kutunga mu jinzo jâ ene,—kiene kia tange Jihova.

Obadiia 1:20

O abhika a jihutile ja kilômbo kiki, kia anʼa Izalaiele oso a a balakala, ala mu kaxi ka akua Kanana, a kà lundula ixi ia akua Kanana katé mu Zalefate; o iá aii ku ubhika a a kutile mu Jeluzaleme ia ala mu Sefalade, a kà lundula jimbonge joso ja sulu.

Mikeia 7:14

Ni dikoue dié, enda ni kuinga o muiji ué, mukonda kiene o kilunga kia undu-ndu ué, kia tunga kì kia kalé ngó ubheka uê mu ditutu, mu kaxi ka ixi ibhakula kiambote o idima; ua engila mu Basane ni mu Ngiliiade, phala a kà dile mueneʼomo kala mu izuua ia xahulu.

Zakadiia 8:7

Jihova dia Ilombo Ieta uambe: Tala-ze, nga kà bhulula mundu uami ku ixi i kala ku tundila o dikumbi ni ku ixi i kala ku tudila o dikumbi.

Zakadiia 8:8

Nga kèza-nâ; a kà tunga muʼaxaxi ka Jeluzaleme. Ene a kà kala mundu uami, eme nga kà kala ngi Nzambi iâ, mu kidi ni mu kufundisa kua iuka.