Zakadiia 1:17 - O Mikanda Ikola

¹⁷ Tá dingi nzôngo lua mukuá, uixi: Jihova dia Ilombo Ieta uambe kiki: O jimbonge jami hanji ja-nda kua kà di bandekeza, ja-nda kua kà zediua muene; kuma Jihova hanji a-nda kua kà konda dilamba kua Ziione, hanji a-nda kua kà sola Jeluzaleme.

Zakadiia 1:17 ပူးပေါင်းရင်းမြစ်များ

II Malunda 6:6

Maji Jeluzaleme muene nga mu solo, mbé o dijina diami di kale mueneʼomo; eme nga solo ue Davidi, phale a kale mu kutumina o kifuẋi kiami kia Izalaiele.

Nehemiia 11:20

Akua Izalaiele a xalele-ku, ku jinganga ni akua Levi, a kexile mu jisanzala joso ja Juda, akexile kala muthu mu mikáu ia undundu uê.

Nehemiia 11:3

O atumini a tundile mu jisengu, kuiza mu ku kala mu Jeluzaleme, enhá: Maji mu jisanzala ja Juda-phe kala muthu ua kexile mu ixi iê ia tambuile, mu ʼsanzala jâ, kífua akua Izalaiele, ni jinganga, akua Leví, ni ateki a menha ni aẋangi a jihuinhi, ni anʼakua mbèle ia Solomá:

Jisálamu 69:35

Mukonda Nzambi hinu u bhulula Ziione, u tunga dingi o mabhata ma Juda; u sanga athu a xikama, a vu dingi o jimbongo jâ.

Izaía 14:1

Mbata Jihova ua kà kuatela Jakobo henda, u tona dingi kusola Izalaiele anga u a bheka mʼoxi iâ; jinzuángiza ue ja kà di bunda kumoxi ni ene, anga a kà di banda mu diembu dia Jakobo.

Izaía 44:26

Eme-muène ngi kuatesa o kizuelu kia selevende iami, ngi kumbidila ulongelu ua jiphunga jami; ngambela Jeluzaleme ngixi: Eie a kà ku tunga dingi; ngambela madiembu ma Juda, kuma: Enu a kà mi tunga lua mukua, eme ngi some dingi jingundu jâ.

Izaía 49:13

Imbenu, mu maúlu, eie ue u ixi, sanguluka; enu mu milundu tenu nzôngo ia kutana, kuma Jihova lelu ua tululula o povo iê, jihukunhu jê ua ji lendukila.

Izaía 51:12

Eme, eme-muène ngi muthu ua ku mi konda o malamba; eie-phe u muthu uami, u kala ni uoma ua muthu ni mukuenu, uà xikamena kufua? mba o monʼa muthu u lela kala iangu?

Izaía 51:3

Mbata Jihova ua-nda kukonda malamba kua Ziione, o ididi iê ioso ia sekala muene ua-nda ku i konda malamba; ngûndu iê u i bhanga kala Edene, ngùnzu iê kala ki kala o díbhia dia Jihova; muenhomo mua-nda kukala kutana ni kusanguluka, kusakidila ni mbimbi ia kuimba.

Izaía 52:9

Uenu bulukutu ni kuimba, tumbujukenu bhuamoxi, enu mu jingùndu ja Jeluzaleme; mbata Jihova ua kondo malamba ku povo iê; iu ua kula Jeluzaleme.

Izaía 54:8

Mu kutema kuavulu nga ku suekela pholo iami mu kathangana kòfele; maji nga-nda ku ku lendukila ni henda ki iene kúbhua; kiene kia zuela Jihova, Mukudi ué.

Izaía 66:13

Kala mona kia mu bhombesa kuala mamʼâ, kiene ue ki nga kà mi bhomba enu; o mu Jeluzaleme muene mua kà mi kondela o malamba.

Jelemiia 31:13

Kuabhu-phe, muhetu ua muzeletete ua kà sanguluka mu ku kina, ni minzangala ia mala ue, ni iá a kuka kiá; o kudila kuâ nga kà ku bilula kusanguluka, hé nga kà a konda malamba, o dilamba diâ nga kà di bilula kutana

Jelemiia 33:13

Mu jimbonge jala ku milundu, ni mu jimbonge jala mu iphenza, ni mu jimbonge ja Sulu, ni mu ixi ia Bejamí, ni mu jimbandu ja Jeluzaleme ni mu jimbonge ja Juda, hanji mua-nda ku kala ibhaku i bhita bhu maku ma akua kualula, Jihova ua ki tange.

Jelemiia 33:9

Mbonge iii ia kà kituka dijina diami dia kusanguluka, ni diximanu, ni fuma, mu kaxi ka miji ioso kulu-dia-mundu, oso evua mbote ioso ni kutululuka kuoso ku nganda ku mu bhana.

Izekiiele 36:33

Kuma o Jihova Nzambi uambe, kiki: Bhu kumbi di nga-nda ku mi sukula ku ikuma ienu ioso, kienhókio nga kà bhangesa kuila o jimbanza joso ja kà kala athu, o ididi ioso ia bhiti ni kibuika a kà i tunga jinzo.

Amoji 9:14

Nga kà katula ubhika ua uhutile ku kifuẋi kia mundu uami ua Izalaiele, jimbonge joso ja bilukile jingundu, ene a kà ji tunga dingi, muene mua kà kala; kia kà dima mivide, vinhu iê a kà i nua muene, kia kà bhanga imbu, ibundu i tunda mu imbu iâ a kà i dia muene.

Obadiia 1:20

O abhika a jihutile ja kilômbo kiki, kia anʼa Izalaiele oso a a balakala, ala mu kaxi ka akua Kanana, a kà lundula ixi ia akua Kanana katé mu Zalefate; o iá aii ku ubhika a a kutile mu Jeluzaleme ia ala mu Sefalade, a kà lundula jimbonge joso ja sulu.

Zakadiia 1:14

O anju ia kexi mu kuzuela ni eme anga u ngambela, uixi: Tá nzongo kuila: Jihova dia Ilombo uambe kiki: Ni muanu ua vulu, ngene mu ku langa Jeluzaleme ni Ziione.

Zakadiia 1:18

Anga ngi zambula mesuʼami. O ki nga tale, nga mono jimbinga jiuana.

Zakadiia 2:12

Kienhokio-phe o Juda ua kà kituka undundu uangene ua Jihova, kuma diene dikânda diê mu ixi iê ia ngene; o Jeluzaleme a kà mu sola dingi lua mukuá.

Zakadiia 2:4

Anga i mu tangela, iexi: Lenga, tangela munzangala iú, kuamba: O Jeluzaleme hádia ua kà tungiua dingi kala kia jisanzala ja kambe imbaka, mukonda dia kifuẋi momué, kia athu ni kia ibhaku.

Zakadiia 3:2

Maji o Ngana anga uambela Satana, uixi; Jihova a ku bazele, eie Satana; kiene muene, O Jihova, ua solo Jeluzaleme, a ku bazele. Ki muenhú kixinji kia túbhia kiʼo katule bhu jiku?

Efezo 1:4

Nzambi ua tu sola mua muène tunde mʼ ukulu munhá, kioso oxi kiluua i kala ni dimatekenu diê, phala tu kale tu athu azele, sé ngó isenga bhu pholo ia muène. Mukonda dia henda iê ia tu kuatela.