Zakadiia 1:16 - O Mikanda Ikola

¹⁶ Kala kiki, Jihova uambe, uixi: Jeluzaleme nga mu lungulukila dingi ni jihenda; o inzu iami a kà i tunga dingi muenhomo, o kuthandu dia Jeluzaleme à ka zeleka-ku kamukolo, kiene kia tange Jihova dia Ilombo Ieta.

Zakadiia 1:16 ပူးပေါင်းရင်းမြစ်များ

Jobe 38:5

Nanhi ua i te mu izongelu iê, se eie ua kiʼ ijiia? Mba nanhi uoleka o ngoji ia kuzongela ku thandu dia oxi?

Izaía 12:1

Mu kizuua kiná, eie ua kà kumbulula, kuamba: Jihova, nga ku sakidila, tata, mukonda, sumbala ua ngi kuatelele njinda, leluʼidi njinda ié iabhu, uala kiá ku ngi konda malamba.

Izaía 34:11

Maji ni kikulungu ni káhombo a ʼivua, ni kinzunzu ni kilombe-lombe muene mua kà tunga: Kuma Nzambi ua kà ta-mu ngoji ia kavuanza ku thandu diê, ni nívele ia kingoho ni kusenguluka.

Jelemiia 30:18

Jihova uambe, kiki, uixi: Tala, uhutile ua jibalaka ja Jakobo ngi u bhuisa-ku, anga mabhata mê ngi ma kuatela henda; o mbanza iê a kà i tunga dingi ku thanduʼa ibhela iê iòkulu, o dizemba dia sobha dia kà kala kala ki dia kexile jinge.

Izekiiele 40:3

O kia ngi bheka muenhomo, tala, nga mono muthu o kidifua kiê ua di fu ni Kobidi, ua kuata ka mukolo ka linhu bhu maku ni lumbungu lua kuzongela, iú uemana bhu muelu.

Izekiiele 47:3

O muthu muenhó u tunda, ua lungu ku mutundila-kumbi, o bhu maku ua kuata lungoji lua kuzongela; anga u zonga hulukaji ia jikóvadu, anga u ngi bhangesa kuvuua mu menha, menha a ngi suku mu zuatelu dia musanga.

Izekiiele 48:35

Kuinhi dia midi ni nake dia jikóvadu mu jimbandu; o dijina dia mbonge, tundé kiá mu kizuua kienhókio, a kà i luka, exi: Jihova bhene bhuala, mba, Jihova iu bhabha.

Ajeu 1:14

Jihova anga u phaphumuna o muẋima ua Zolobabele monʼa Selatiiele, nguvulu ia Juda, ni muẋima ua Josuué, monʼa Jozadake, nganga ia dikota, ni muẋima ua mundu uoso, anga eza a kalakala ku inzu ia Jihova dia Ifuẋi, Nzambi iâ.

Zakadiia 10:6

Nga kà suinisa o dibhata dia Juda; nga kà bhulula o dibhata dia Zuze; anga nga kà bhangesa kuila a vutuka dingi mbata nga kà a kuatela henda; anga a kèla kala eme ki ngi di tunine-nâ, mbata eme ngi Jihova Nzambi iâ, nga kà evua muene.

Zakadiia 2:4

Anga i mu tangela, iexi: Lenga, tangela munzangala iú, kuamba: O Jeluzaleme hádia ua kà tungiua dingi kala kia jisanzala ja kambe imbaka, mukonda dia kifuẋi momué, kia athu ni kia ibhaku.

Zakadiia 2:5

O Eme-phe, nga kà mu kala ngi kimbaka kia túbhia mu jimbandu; o fuma iê, Eme-muène-muene nga kà kala mu kaxi kê, kiene kia tange Jihova.

Zakadiia 2:6

Jihova, uixi: Enu, tata! Ku ixi ia suku kindala lengenu-ku; mukonda nga mi muange mukua ni itembu i uana ia diulu; Jihova muene ua ki tange.

Zakadiia 4:9

O maku a Zolobabele ene a te disesa dia inzu iii, makuʼê ene ue a-nda ku i zubhidisa, phala enu mu kʼijiie kuila Jihova dia Ilombo Ieta muêne-muene ua ngi tumu kokuenu.

Zakadiia 8:3

Jihova dia Ifuẋi uambe kiki, uixi: Ziione nga kà mu vutukila. Nga kà tunga mu kaxi ka Jeluzaleme. Jeluzaleme a kà mu ixana exi: Mbanza ia ujitu, mulundu uangene ua Jihova dia Ilombo Ieta, mulundu uê ukôla.