Zakadiia 1:12 - O Mikanda Ikola

¹² Bheneʼobho, o anju ia Jihova u vutula, uixi: Eie Jihova dia Ifuẋi, tata, katé bhebhi uà kamba ku kuatela henda ia Jeluzaleme ni jimbonge ja Juda, ji ua lungulukila ni kuthathamana Eie ua ji luualela mu makuinhi sambuadi a mivu osoʼâ?

Zakadiia 1:12 ပူးပေါင်းရင်းမြစ်များ

II Malunda 36:21

Mbé o kizuelu kia Jihova ki tenene kia tange ku dikanu dia Jelemiia, katé bhuoso ixi bhu ia kà uabhela dingi o jisabhalu jê; o mu izuua ioso ia kibuika, iene ia nhoha; katé kia tenena o makuinhi sambuadi a mivu.

Jisálamu 102:10

Kifua nga ku iibhila kiá, ua ngi zembe kiá mukonda dia njinda ié; kuma eie uedi kala ua ngi zangumuna, eie ua ngi texe.

Jisálamu 102:13

Sai bhuoso hinu bhu u balumukina, mù kuata henda ia Ziione; kuma thembu ieza-bhu ia ku mu xinganeka, ua bhixila kiá bhu thembu i ua mu xindi.

Jisálamu 69:5

Eie-phe, Ngana Nzambi, uejiia o uoua uami; ni ituxi iami ia vulumuka muene ku mesu mé

Jisálamu 74:10

Mbambe, bhebhi, Ngana Nzambi ni ku tu sebulula kiki kuala o nguma? Mbé o nguma kífua u ẋonguena o dijina dié sé dizubhilu?

Jisálamu 79:5

Ngana, tata, mbambe bhebhi, bhu u suka ni njinda ié? Difuba dié di uama kala túbhia, kifua ki di jimi dingi?

Ndongixi 3:3

Sai thembu ia kujibha, ni thembu ia kusaka (kutumba); thembu ia kubula, ni thembu ia kutunga.

Izaía 47:6

Nga thathamana kiavulu ni mundu uami, undundu uami nga u kasanesa, eme nga ku bhakuila-nâ bhu lukuaku lué; eie-phe ngué ku a kuatela jihenda, katé ni ikulakaji, akuka, ua a tuika kimbamba kia neme.

Izaía 63:9

Mu lamba diâ dioso ni muene uevile dilamba, anga mukunji uene bhu pholo iê u a bhulula; mukonda dia henda iêmuène ni kulenduka kuê, muene ua a bhulula; iu ua a tambula, iu u a endesa jinga kienhiki mu izuua ioso ia xahúlu.

Jelemiia 12:4

Enu mala! mbambe bhebhi oxi i kuata ku dila kiki, o iangu ioso ku mukáu hé i kuata kuelela kiná? mukonda dia usuéia ua iá a tungu-mu ni iama ni jinjila ji kuata ku buika; mbata ene exi: Muene disukilu dietu ka-nda ku di mona.

Jelemiia 15:17

Ki ngene ku xikama bhu nangu dia jisemenhi, né ngó kuila ngi tana-nâ; mukonda dia lukuaku lué, ngene ku di xikamena ubheka uami, kuma eie ua ngiʼzalesa ni njinda.

Jelemiia 29:10

Mukonda Jihova uambe kiki: Ni kidi kiene, hádia ki mu zubha kutenesa makuinhi sambuadi a mivu mu Babilonha, nga-nda ku mi zungila, o kizuelu kiami kiambote kokuenu, nga-nda ku ki kumbidila muene, hé ngi tona ku mi bheka dingi bhu kididi kiki.

Jelemiia 30:18

Jihova uambe, kiki, uixi: Tala, uhutile ua jibalaka ja Jakobo ngi u bhuisa-ku, anga mabhata mê ngi ma kuatela henda; o mbanza iê a kà i tunga dingi ku thanduʼa ibhela iê iòkulu, o dizemba dia sobha dia kà kala kala ki dia kexile jinge.

Daniiele 12:6

Umoxi iu uebhula diiala ua zuata kizuatu kia linho, ua kexe kulu dia hungulule ia menha a ngiji, uixi: O kiki, madiuanuʼama, ma kà bhita thembu kuẋi?

Daniiele 9:2

Mu muvu uene uadiangʼó ua utuminu uê, eme ngi Daniiele, mu kutongolola mu madivulu, nga sange kuma mivu ia tanga Jihova, kua polofeta Jelemiia, kuma iene mivu ia tokala kukumbidila o kibuika kia Jeluzaleme; ua i xinda makuinhi sambuadi.

Habakuke 1:2

Ngi dikola katé bhebhi, Ngana, eie ki ua mu fula ku ngivua? Ngi ta mutendu, ngixi: Usuéʼiê: Eie-phe u kamba ku bhulula?

Zakadiia 1:8

Mu usuku nga tale, eme nga mono diiala ua sambela ku kabalu ka kusuka, anga uia ni kuimajana mu tu isasa tuala mua zongo. O kuema diê kuala tubalu tu kusuka ni tua zeluluka ni tua zele.

Zakadiia 7:5

Tangela athu oso mu ixi mumu, ni ku jinganga, uixi: Kioso ki mua jila jinga ni ku disuuata bhu mbeji ia katanu ni ia kasambuadi mu makuinhi sambuadi a mivu osoʼá, ni kidi kiene eme, eme muene mua ngi jidila?

Jihebeleu 7:25

Uila kiki, muène ua soko-bho kubhulula katé kia zubha, ene oso ejiia kua muène, ni a bhixile kua Nzambi. Kuma Jezú ua kalé kiá ku muenhu mu ku a diondela jinga.

Dijingunuinu 6:10

Anga ene a di kola ni dízui dia dikota, exi: Katé bhebhi, Muadi tata! Eie Muteni-a-Ioso, u kôla, u mukua kidi! Kumbi kuẋi ki u fundisa athu mu ngongo? Kizuua kiebhi ki ua kà bhana kastiku kua ió a tu jibhile?