Tito 3:6 - O Mikanda Ikola

⁶ Nzambi mukonda dia henda iê ia dikota ia-la na-iu, Nzumbi iê Ikôla ua mu lundulula kía nzungule ku thandu dietu, mukonda dia Jezú Kristu, Mubhuludi uetu.

Tito 3:6 ပူးပေါင်းရင်းမြစ်များ

Jisabhu 1:23

O ki nga mi bazelʼiki, lungulukenu kiá; talesa, ngi lundulula o Nzumbi iami ku thandu dienu, anga ngi mi ijidisa o maka mami.

Izaía 32:15

katé o Nzumbi i tunda bhulu kia kà di-lundulula ku thandu dietu; mu kizuuʼokio, oxi ia kisèkele ia-nda kubiluka mavu a idima, o mukáu uene mu kubhana o idima a kà u kita ditutu.

Izaía 44:3

Mbata o uala ni dinhota nga-nda ku mu lunduluila menha, o mukáu uakukuta nga-nda ku u fuafuesa jingiji? nga-nda ku lundulula Nzumbi iami ku thanduʼa mbutu ié, luvualu lué ngi lu tuluila kubhanduluka.

Izekiiele 36:25

Kienhókio nga kà mi pusuila menha a zele ku thandu dienu, anga mu-bhua o dixidilu dioso; nga kà mi zelesa muene ku maufusa menu moso, ni ku mahamba menu moso.

Jouele 2:28

Kieneʼokio-phe anga kia kà bhita kuila, nga kà lunduluila o Nzumbi iami ku thandu dia xitu ioso, anʼenu a mala ni anʼenu a ahatu a kà zambula; o ikulakaji ienu a kànjiua jinzoji, minzangala ienu a kà mona isuma.

Nzuá 1:16

Ku nzungule ia umvuama ua henda iê, etu oso tua tambula-ku ndumba ia kiadi mu kiadi.

Nzuá 16:7

Né-mbé-phe kiene, nga mi ambela kidi: Enu mu beta kubhanduluka se eme ngaii. Mukonda, eme se nga kambe kuia, o Mukuatekexi ió kʼ eza luua ku muala. Maji eme-phe se ngaii, ngi mu tumikisa ko kuenu.

Nzuá 4:10

Jezú anga u mu vutuila, uixi: Eie se uejidile o ujitu uene mù bhana Nzambi, o ua ku bhingi menha ue, se ua mu ijidile, eie ueji ku mu bhinga muène, nʼa ku bhane menha ma muenhu.

Nzuá 7:37

Kizuua kia kuzumbuka, o kizuua dia dikota kia fesa, kizuua kienhókio Jezú uemana, anga u di kola, uixi: Se muthu uala ni dinhota, eze ko-kuami, nda anue.

Jipoxolo 10:45

O Jijudé, iá a xikana kiá, a tokala mu kifua kia kusaia, eza kubheka Phetele, a diuana, mu kumona kuma Nzambi ni akua matumbu ue ua a bhange ujitu ua ku a bhana Nzumbi Ikôla ku thandu diâ.

Jipoxolo 2:33

Kiki-phe, Nzambi ua mu zangeleka ku madilu mê, muène iu ua tambula kua Tata o ujitu ua mu tangelele, ua Nzumbi Ikôla. O kiki, kindala ki mua mono, ki muevu, uene o ujitu ua Nzumbi Ikôla ua lundulula ku thandu dietu.

Loma 2:4

Inga eie ua mu tobhesa o jinzungule ja kulenduka, ni kudixibha, ni kuxididika kua Nzambi? Eie ua kʼ ijiia kiambote kuma o Nzambi ua lenduka, ni kuila muène ua mesena ku ku sunga mu kudiela.

Loma 5:5

O kudielela kuku-phe ki ku tu kuatesa jisonhi, mukonda o henda ia Nzambi ia tu nokena mu miẋima mu nguzu ia Nzumbi Ikôla a tu bhana-nê.

Loma 8:2

Kuma o Kitumu kia Nzumbi ia Nzambi kia tu bhekela muenhu mua Kristu Jezú, kia ngi bhana ufolo ku kitumu kia ituxi ni kalunga.

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

Efezo 4:2

Ithangana ioso muila ni kubatâma kuoso, ni kubelesela, ni kuxididika, ni ku di lendukila. Mu londekesa jinga o henda ienu mu ku di kuatekesa kala muthu ni mukuâ.

I Timote 6:17

Oso ala jimvuama mu ngongʼumu, a tendelele, ka di kake, ka dielele o jimbongo ja makutuʼiji, ki ji tena kubhandulula kima. Maji a dielele Nzambi, Ió ua tena ku tu bhana kumona kia nzungule o ima ioso ia kuzediua phala o mbote ietu.

Tito 1:4

Nga ku sonekena eie Tito, u monʼami ua kidi, mu kuxikana kuetu kumoxi ni eie ni eme. Nga ku indila kuila o kiadi ni paze i tunda kua Nzambi Tata, ni kua Kristu Jezú, Mubhuludi uetu, i kale jinge ni eie.