Tito 3:5 - O Mikanda Ikola

⁵ Muène o ku tu bhulula, ki kia kaiela mu imbamba ia kuiuka kuetu i tua bhange etu, maji mu kulenduka kuê muène. O ku dibônzo diê, iú ua tu zelesa ni Nzumbi iê Ikôla mu ku tu vualulula dingi ni ku tu bhana muenhu ua ubhe.

Tito 3:5 ပူးပေါင်းရင်းမြစ်များ

Jobe 15:14

Muthu kima kiahi, phala a kale ni kuzela? Ió a mu vuala ku muhatu u kala kiebhi mukua kidi?

Jobe 25:4

Muthu-phe u kala kiebhi ni kuiuka bhu pholo ia Nzambi? Ió a mu vuala ku (monʼa) muhatu, u kala kiebhi ni kuzela?

Jobe 9:20

Né-mbe eme ngiia ngixi nga lunguʼami, hanji dikanu diami diene dia kà ngi belesa; né-mbe ngedi muene phophotʼó, Muene hanji a kà ngi mona kuma ngi mukua mulonga.

Jisálamu 130:7

Dielela kua Jihova, u Izalaiele, kuma kua Jihova sai-ku jihenda ni kulenduka; kua muene kuala ue kubhanduluka kua vula matelu.

Jisálamu 143:2

Kana kufunda ni selevende ié; kuma ku mesu mé-eie muthu uebhi u tena kulunga?

Jisálamu 51:10

Nzambi iami, ngi kalakale moxi muẋima uengi uazele; ngi bhangulule dingi ni nzumbi ia kuiuka moxi diami.

Jisálamu 62:12

Ni kulenduka kua ku tokala, eie Ngana; kuma eie-muène u vutuila o muthu kala kioso kia fuama mu kukalakala kuê.

Jisálamu 86:15

Maji Eie-phe, Ngana, u Nzambi ia jihenda, uezala ni kiadi, ua kokoloka o kutema, eie ua vula o kulenduka ni kidi.

Jisálamu 86:5

Kuma, eie Ngana, u muthu uambote, u lenguluka kuloloka, uene mu lendukila kiavulu oso a dikola ko kué.

Izaía 57:12

Eme nga-nda kutadika kuiuka kué, ni ikalakalu ié ia kingoho ki ia-nda ku ku bhandulula ni kima.

Izekiiele 36:25

Kienhókio nga kà mi pusuila menha a zele ku thandu dienu, anga mu-bhua o dixidilu dioso; nga kà mi zelesa muene ku maufusa menu moso, ni ku mahamba menu moso.

Mikeia 7:18

Nzambi, nanhi muene u soka nʼeie, eie u loloka o ituxi anga o kubhukumuka kua mbandu ia iá a subhuka ku undundu ué u ku jimba kiá? Ngana kene kuila o njinda iê u i bhaka katé ku hádia ni hádia, mukonda muene kia mu uabhela kiavulu, o ku kuatela henda.

Matesu 3:11

Eme ni kidi, nga mi batizala ni menha mu kudiela; uoso-phe ua ngi kaiela ku dima ua ngi tundu, eme ki nga tokala ngó ku mu ambatela o jihaii jê. Muène ua kà mi batizala ni Nzumbi Ikôla ni túbhia.

Luka 1:50

O henda iê ia kalé ku miji ni miji ku thandu dia iá oso a mu xila.

Luka 1:54

Ua kuatekesa Izalaiele dia mubhikʼê, Iú ua banze o henda iê, kala ki ambelele o jitata jetu.

Luka 1:72

uambe kulondekesa o henda ku jitata jetu, ni kulembalala o kikutu kiê kia ngene.

Luka 1:78

mukonda Nzambi ietu, Nzambi ia jihenda ni mbote! Ua bhangesa Dikumbi-dia-Thunda ku tu zungila,

Loma 11:14

Sumba ku matelu-matelu, enʼió a ngi tokala mu xitu ngʼ a kuatesa difuba, ni ngi bhulule-ku amoxi-mu.

Loma 11:6

Kuma o kusola kuê kua tundu ku kiadi, ki ku tundu ku ikalakalu i bhanga athu. Mukonda se o kusola kua Nzambi, kua tundile ku ikalakalu ia athu, o kiadi kiê ki ki eji kukala kia kidi.

Loma 12:2

Ki mu kaiele o funza ia mu ngongo mumu, maji ehelenu Nzambi a mi kitule kiengi, katé kilunji kienu kieza ku ubhe. Phala mu tongolole ioso o vondadi ia Nzembi, iauabha, ia ujitu, iatenena, i mu uabhela kiambote.

Loma 3:20

Mukonda mu ikalakalu i xinda o Kitumu, kana muthu u tena kulungila-mu ku mesu ma Nzambi. Kuma mu Kitumu, muene muthu muejidila kuila mukua ituxi.

Loma 3:28

Uila kiki-phe, tua xinganeka kuma muthu a mu xikina kua Nzambi mu kuxikana, sé ngó kubhanga o ikalakalu i xinda o Kitumu.

Loma 4:5

Uoso-phe ka kalakala, maji ua xikana kua Nzambi ió ua tena kulungisa muthu uabhumu, nʼa mu tange kuila ua-di-zele, o kuxikana kuê a ku bhange konda kuma kulunga.

Loma 9:11

o ana ene kiluua a a vuala, kiluua a bhanga kima kiauabha mba kiaiibha, phala o vondadi ia Nzambi ia kusola nʼ a ijiie kuila kana mu imbamba ia kubhanga, maji mù kuixana kua Nzambi muene,

Loma 9:16

Kieniiki kima ki ki tundu ku muthu ua solo, mba ku muthu ua tena o kukibhanga, maji kua Nzambi mukua kulenduka.

Loma 9:30

O kiki-phe, tuila kiebhi? Kuma ió ki Jijudé, o akua jixi jengi, ka sotele o kulunga kua Nzambi, kulunga a ku mono, kuene-phe kua kulungila mu kuxikana.

I Kolindo 6:11

Enu amoxi-mu, kiene ki mua kexile. Maji a mi sukula ku ituxi, a mi lumbila kua Nzambi, o Muène iú ua mi xikina bhu pholo iê mukonda dia Jezú Kristu, Ngana ietu, ni mukonda dia Nzumbi ia Nzambi.

Ngalásia 2:16

Kiene ue etu ki tua xikanena Kristu Jezú, phala Nzambi a tu ẋikinine mu kuxikanʼ oko ku tua xikana Kristu, kana mu kubhanga imbamba ia Kitumu. Mukonda mu kubhanga o imbamba ia Kitumu ki muene dingi mu lungila muthu kua Nzambi.

Efezo 2:4

Nzambi-phe mu kulenduka kuê kua mu kala o nzungule, mukonda dia henda iê iavulu ia tu kuatela,

Efezo 4:23

Phala mu biluke kiengi mu ilunji ienu ni mu miẋima ienu moxi.

Efezo 5:26

Muène ua bhange kiki phala kulumbila o Ngeleja iê kua Nzambi, mu ku i sukula ni menha, ni ku i zelesa ni dibônzo dia maka mê.

Matendelelu 9:5

Ka ki bhangela mukonda dia kuuabha kuenu, mba mukonda ua mi mono ni muxima ualùngu kua muene; kana. Maji o ituxi ia ifuẋi iii, iene-ku iabhangesa Jihova Nzambi ienu ku mi kaiela-u; mbé o kuxikika o kikutu kia lokela Jihova Nzambi ienu ku jitata jenu, a Mbalahamu, ni Izake ni Jakobo.

Kolose 3:10

enu mua zuata muthu uobhe. O kikexilu kia ubhe kiki muène o muthu uobhe ala ku mu umba kuala Nzambi ni kuijiia kuengi, phala kudifangana ni muène uoso ua mu bhanga.

II Timote 1:9

Kuma muène ua tu bhulula, iú ua tu ixana ni kixanu kikôla, phala, tu kale tu mundu uê. O kiki ki kia kaiela mu imbamba i tu bhanga etu, maji kia kaiela mu kikanenu kiê-Muène, ni mu kiadi kiê. Muène o kiadi kiki ua tu muesa-kiu mua Kristu Jezú, tundé xahulu, ku dimatekenu.

Tito 3:4

Maji kioso-phe kia tukuluka kiadi kia Nzambi, Mubhuludi uetu, ni henda iê ia kuatela muthu, ua tu bhulula.

Jihebeleu 10:22

Uila kiki, tu bhiẋidienu kua Nzambi, ni muẋima ua kidi, ni kuxikana kua soko, ni ku tu zelesa miẋima mu ku tu bhuisa o kitongoluelu kiaibha, ni ku dʼixika o mikutu ni menha ma zele.

Jihebeleu 4:16

Uila kiki, tu bhiẋidienu bhu kiandu kia kiadi sé hele, phala Nzambi a tu kuatele henda. Bhenhobho tua kà tambula o kiadi ki tena ku tu bhandulula mu kumbi dia kubhondalala.

Jihebeleu 6:6

Maji o ku pholo ku eza kunu a lueza, o kuxikana a ku texi! Ki ki xikina ku a bheka dingi mu kudiela, kiosuʼiki kiala kuila o Monʼa Nzambi a mu tona ku mu ta ku dikulusu, a mu sebulula bhu pholo ia mundu.

I Phetele 1:3

Tu sakidilienu jinga Nzambi, Tata ia Ngana ietu Jezú Kristu! Mukonda muène mu kulenduka kuê kuavula kinéne, ua tu bhana dingi muenhu uobhe, kia fukununa Jezú Kristu mu madifundu. Kienʼiki o miẋima ietu iezala ni kudielela kua kidi.

I Phetele 2:10

Mʼokulu ki mua kexile mu mundu ua Nzambi, kiki-phe muala mu mundu uê. Mʼokulu o henda ia Nzambi ki mua ijidile luua, kiki-phe mua tambula o henda iê.

I Phetele 3:21

O menha enhó-phe ene a di fuangana ni batizu iala ku mi bhulula mu leluʼidi. O batizu ki kima phala kudisukula o dixidilu dia mukutu, maji polomesa i tu bhanga kua Nzambi, i tunda ku kitongoluelu kia zele kiambote. O kubhuluka kuenhuku kuijiia mu kufukunuka kua Jezú Kristu,