Tito 3:2 - O Mikanda Ikola

² A tangele kuila kana kuâmba muthu uoso-uoso, kana kulokalala, kikale a lenduke, a kale athu ambote, athu oso ende-nâ ni kubelesela.

Tito 3:2 ပူးပေါင်းရင်းမြစ်များ

II Samuuele 22:36

Ngubu ia ku ngi xitila i ua ngi bhana, o kubhuluka ku tunda ko kué; o ku dʼivua ni eie kuene kua ngi bhana o kijingo.

Jisálamu 140:11

Muzuedi uaibhʼó, ka kale dingi ni kididi mu ngongo; mukua kusuína, uíndua u mu seia katé kia mu jikinisa.

Jisabhu 19:19

Muthu mukua njinda iavulu, kale u mueha hanji nʼa bongo divuua; o ki uila u mu kula, mungu ua-nda ku mu kuiʼé dingi luamukuá.

Jisabhu 25:24

Sembele ku tunga ubheka mu hota ia mbanjidilu iaʼnzu; ki ngʼindi ku tunga mu sabhalalu ni muhatu u tangelela kiavulu.

Jisabhu 6:19

o mbangi ia mangonha itanga makutu, ni mukua kuzokesa jiphange u kuna jimvunda muʼaxaxe kâ.

Izaía 40:11

O kilunga kiê, ua kà ki disa kala mubidi; O tumbudi ua kà tu ongeka bhu maku, hé u tu akata bhu jihata jê; o joso javuala, muene u ji endesa kilendu.

Matesu 11:29

Di tuikienu jungu iami, mu di longe ko kuami; mbata eme nga belesela, nga batama muẋima, nda mu mone kutululuka kua jinzumbi jenu.

Jipoxolo 23:5

Phaulu uixi: Ki nga kʼ ijiia akuetu, kuila muène nganga ia dikota. Kuma kiosoneke mu Mikanda Ikôla, kuila: Mufundixiʼ a mundu ué, kana ku mu zuela kiaiibha.

I Kolindo 6:10

Ni mii, ni akua luimbi, ni jihôlua, ni axingi a jindaka, ni ingulungumba, ene oso kà tena kubhingana mu Utuminu ua Nzambi.

I Kolindo 9:19

Sumbala eme ngala ngi fôlo, ka ngi vu kuala muthu! Maji nga di bhange ngi mubhika ua ene oso, phala ngi tene kukombola ni kunganhala kilunga kia dikota kia athu, kioso ki nga tena.

II Kolindo 10:1

Kiki eme muène, ngi Phaulu, ngene mu kuila ngixi ngi mulenduki, ngi mutululuki ki ngi kala bhu mbandu ienu, maji ngi muẋinuki ki ngi kala dikanga, nga mi bhingi phe kiki: Nga mi bhingi mu kulenduka ni henda ia Kristu, kuila,

II Kolindo 12:20

Kuma ngala ni héle, sumba ku matelu-matelu, hinu ki ngi mi sanga, ki mu kala uila ki nga mi mesena kukala, eme uami ki ngi kala uila ki mua ngi mesena kukala. Ngala ue ni hele, sumba ku matelu-matelu hinu nga kà sanga jimvunda ni madixinga, kizembu ni luimbi, makulokalala, kutangelela, ukumbu, ni jikavuanza.

Ngalásia 5:22

Maji o ibundu iima o Nzumbi-phe, henda, ngalasa, kutululuka, kuxididika, kulenduka, kubhanga mbote, kukala fiiele,

Ngalásia 6:1

Enu jiphange jami, né-mbe bhu kala muthu u di jimba, nʼ a mu kuate mu kituxi, enu muala mu nzumbi, muthu ió mu mu kuatekesa phala ku mu bheka dingi bhu kididi. Maji mu ki bhanga-phe ni muẋima uabatama. Muila ue ni ku di langa enuʼenu, phala enu ue ka mi diangule.

Ngalásia 6:10

Uila kiki, bhuoso bhu tu muena o kithangana, tu bhangienu mbote athu oso, kota-kota-phe a tokala mu dianda dia kuxikana.

Efezo 4:2

Ithangana ioso muila ni kubatâma kuoso, ni kubelesela, ni kuxididika, ni ku di lendukila. Mu londekesa jinga o henda ienu mu ku di kuatekesa kala muthu ni mukuâ.

Efezo 4:31

Ni kulula kuoso, ni kunônga, ni kutema, ehenu-ku. Kana kukuata kuhoia-hoia, ni kulokalala. Kana kukala ni unguma.

Filipe 4:5

Kalenu mu athu mua tetuluka, athu oso a mʼ ijiie na-kiu. Ngana ua zukama.

I Tesalonika 2:7

Maji-phe, etu ki tua kexile mu ʼaxaxe kenu, tua lendukile mukuâ ni mama ia kiledi, ki âkata o tuana tuê.

I Timote 3:11

Ahatuʼâ ue ki bhinga a kala jifiiele, ka kale ni jimbuèmbue. A kale ku mesu a zele, a kumbidile jinge mu ima ioso.

I Timote 3:3

Ka kale mukua kukodiua mba kiiala kia thathamana, maji u bhinga u kala mukua kilendu, ua xididika. Ka kale mukua luimbi lua kitadi.

Tiiaku 3:17

Maji o unjimu-phe u tunda bhulu, u dianga kuzela, anga u tululuka, u lenduka, u bhekela ukamba. Uene u vula kukuatela henda, u bhekela kubhongolola ibundu ia ibhangelu iambote. Ki u moneka katungu, mba u kala ni mangonha.

Tiiaku 4:11

Enu, jiphange jami, ki mu kale mu ku di âmba mudienu. Uoso u âmba phangʼiê, mba phangʼiê u mu fikila, uambe o Kitumu, ua fikila o Kitumu. O ki uila Kitumu u ki fikila, kualé dingi u mubhangi a Kitumu, maji u mubatuidi a milonga.

I Phetele 2:1

Uila kiki-phe, ehenu o usueia uoso, ni makutu, ni mangonha, ni luma, ni kabódio, ka kulongolola athu.

I Phetele 3:10

Kuma o Mikanda Ikôla iambe, iexi: Muthu uebhi uendi u kola muenhu, nʼa mone izuua ia mbote, dimi diê ka di ehele ku phulu, o mizumbu iê ki i tange makutu.

I Phetele 3:8

Mu kuzubha-phe, kalenu ni muẋima umoxi ni kixinganeku kimoxi, mu di xinganeke jinge mudienu. Mu di zole kala mu jiphange, mu nengane miẋima, mu batâma.

I Phetele 4:4

O kiki-phe akua mundu a mi diuana, hé a kala mu ku mi tobhesa ni ku mi lebhula, kioso enu ki mu kamba kudibunda-nâ mu muenhu uâ ua ufusa ni kudianguka.

II Phetele 2:10

Nzambi u kala-phe kota mu ku a bhanga-kiu, enhó oso enda kala kia a tumu o xitu mu hânji ia kubola, o Ngana u tokala ku a tumina, hé a mu tènda. Jimesene ja makutu jenhiji, a bhumu, a thathamena vondadi jâ, ka moneka ujitu ua kuxila ji-anju mba a kala ni héle ia kuxinga jingana.

Juda 1:10

Maji athu enʼ iá-phe o ima ka ʼijiia a i lebhula. O ima-phe i ejiia mu mikutu iâ, mukuâ ni iama, ki i moneka kilunji, iene ima iâ di bolêsa na-iu phala kusenguluka kuâ.

Juda 1:8

Kiene kimoxi, hanji athu enʼ iá mu jinzoji jâ a kala mù bhanga ufusa ua xitu. A di tuna ku a tumina kuala Nzambi, o jingana ja diulu a ji xinga.