Tito 3:14 - O Mikanda Ikola

¹⁴ O mundu uetu ue a di longe kubhanga midimu ia mbote, mbebhu o kubhindumuna, phala ene ue ka kambe kukala ni ibundu.

Tito 3:14 ပူးပေါင်းရင်းမြစ်များ

Izaía 61:3

ni kubhana ngonge kuamba akua-malamba mu Ziione a a zuike izuatu ia makembu bhu kididi kia utôkua, bhu kididi kia malamba a a uese majiʼa kutana; bhu kididi kia kikote kia muẋima a a zuike kizuatu kia diximanu; nda a a luke kuila miẋi ia uiukilu, iòphaphe kua Jihova, phala fuma iê.

Matesu 21:19

Kia mono mufiku bhu mbanduʼa njila, u bhiẋila-bhu. U sanga-phe kana-ku kima, máfue ngó mala-ku. Muène anga u uambela, uixi: Ko kué ki kuà kale dingi kibundu! Muẋi anga u lela kindala.

Matesu 7:19

Muẋi uoso u kamba kuima ibundu iambote, a u kokela bhoxi, hé a u texi mu túbhia.

Nzuá 15:16

Ki enu mua ngi solo eme. Maji eme nga mi solo enu, eme nga mi tumu ni muende ni kubhana ibundu, o ibundu ienu ni i nange, i kambe kuzangiua. Ni ioso ue i mu bhinga Tata mu dijina diami, muène ni a mi bhane-iu.

Nzuá 15:8

Kiene ki bhekela athu kuximana Tata iami, se enu mua bhana ibundu iavulu, anga mu kala jinga mu jixibulu jami.

Jipoxolo 18:3

Phaulu anga u a kana ene, mukonda ufunu uâ uene umoxi, anga u xala-nâ, hé a kala mu kalakala, kuma o ufunu uâ kutunga jibalaka.

Jipoxolo 20:35

Mu ima ioso nga mʼ idikiza kioso ki mua fuama kukalakala ni kubhindumuna mukuenu ua tate. Endenu ni kuxinganeka o kizuelu kia Ngana Jezú, ki edile uixi: O kubhana kota mu kuzediuisa, o kutambula ndenge.

Loma 12:13

Muenda ni kubhindumuna o jiphange mua Ngana ni kioso ki muala na-kiu. Mu zalela jinga asonhi.

Loma 15:28

Kioso ki ngi zubha-phe o kubhanga kikalaklu kiki, ni kubhana o ujitu ua mukungu uoso ua kungu athu phala ene, ngi mi somboka mu kuia ku Xipânia, o mu kubhita kiene ki nga kà mi kunda.

Efezo 4:28

Uoso ua nhanéne, ka nhane dingi; inda a mateke kukalakala, mbé a kale ni muenhu uambote ua ujitu, nʼ a tene kukuatekesa mukuâ uoso ua bhindama.

Filipe 1:11

Muime kiavulu ibundu ibundu ia tokala o kuiuka, iijiia kua Jezú Kristu, i bhekela kujingisa ni kuximana Nzambi.

Filipe 4:16

Katé ni mu Tesalonika, kioso ki nga kexile ni kubhindama, enu mua tumine lumoxi ni luiadi ku ngi bhindumuna.

Filipe 4:17

Kana, ki mukonda ngalù sota a ngi bhana; maji ngalù sota enu mu ime ibundu i mi nganhalesa ku konda ienu.

Kolose 1:10

Phala mu kale mù kuenda kioso kiandala Ngana, ni kubhanga jinga ioso ia mu uabhela kiambote muène. Muandù kuima ibundu mu ikalakalu iambote, hé muenda ni kukula mu kuijiia kua Nzambi.

I Tesalonika 2:9

Mu xinganeka, jiphange, o kukalakala kuetu ni hadi i tua tale! Kioso ki tua mi tudila o Njimbu Iambote ia Nzambi, tua kalakala muanha ni usuku phala kana muthu mudienu tu mu nemena.

II Tesalonika 3:8

Kana ue muthu tua mu dila ngó o kudia kuê, etu tua kambe ku mu futa. Maji, bhu kididi kia kukamba kukalakala, etu tua fubuka ni kututumba katé tua bhuila. Mu kukalakala, ki tu zumbuka usuku mba muanha, phala kana muthu tu mu nemena.

Tito 2:8

Maka mé, ma kale ma mbote, ka tena ku mʼêla, phala ió uoso u-lua phata, sonhi ji mu kuate, kuma ka tu mono ni kima kioso ki a tena ku tu âmba.

Tito 3:8

Makʼama ma fiiele. Nga mesena u jiza ni ku ma tanga, ni ki bhekela kuila oso a xikana Nzambi, a kala ni muanu ua kukuatu kubhanga midimu ia mbote. Imʼiii ia uabha, i bhandulula athu enhoso.

II Phetele 1:8

Kuma imʼiii se mu kala na-iu, anga i vula, i mi bhangesa ki mu kala ni usonde, ki mu kambe kuima ibundu ia ibhangelu iambote mu kuijiia kua Ngana ietu Jezú Kristu.