Tito 3:10 - O Mikanda Ikola

¹⁰ Muthu uala mufundi se ua mu bazela lumoxi ni luiadi, mu ambule.

Tito 3:10 ပူးပေါင်းရင်းမြစ်များ

Loma 16:17

Nga mi diondo-phe, jiphange, di langienu ni enʼió oso ala kubheka o makudimuanga ni kutondalesa akuâ mu kuxikana o ulongelu uâ uengi, ki uene u mua di longo enu. Enʼiá muenda ni ku a ebha.

I Kolindo 11:19

Kana-bhu-phe phata, kuila kua bhingi mudienu mu kala kudiuana ku ibuka, phala ió oso ala mu kidi a di monekene.

II Kolindo 13:2

Nga mesena ku mi tangela enu mua diangele kuta ituxi, ni oso dingi amukuá. Ki nga kexile kuenioko lua kaiadi nga mi tangelele-kiu kiá, ni kiki ki ngala kuengi, ngi tona dingi ku mi tangela kuila hinu ki ngi mi sanga, ki ngi mi fikisila dingi, kana.

Ngalásia 5:12

Eme ngʼ inda kuila enʼ ió ala ku mi vunza a di nongona ene mu lumoxi ʼté ku hádia!

Ngalásia 5:20

Ubhezelu ua iteka, uanga, athu a di kuatela unguma, a di dia milonga, a di bhanga kusuina, a di temena, a di kuata jimvunda, akua difuba, akua luimbi. A di zemba, a di muangununa ku madianda-madianda, ni ku ibuka-ibuka.

II Tesalonika 3:14

Se bhu kala muthu nguê kutumaka o njimbu ietu iii mu mukanda uenhú, muenhó mu tungudienu. Kana ku di lunga-nê, phala sonhi ji mu kuate.

II Tesalonika 3:6

Kiki-phe tua mi tendelela, enu jiphange, mu dijina dia Ngana ietu Jezú Kristu, kuma mu di kalelela ku uphange ni muthu uoso u enda ngó ni ulalu, u kamba kukalakala hé ufula kukaiela dilunda di tua mi bhana.

II Timote 3:5

Ku kanga a kuata kidifua kala kia kuxila Nzambi, maji ki kalakala o kutena kua Nzambi-phe, a ditunu-kiu. Athu a kala kiki ue, a sondoloke.

II Phetele 2:1

Mʼukulu ku mundu-phe kuejile jipolofeta ja makutu, uila kiki mudienu kuandú kala ue jimesene ja makutu. Jene ji mi zombela ni maulongelu mengi ma texikisa, katé ni Muadiʼâ ua a sumba a dituna-nê. O mu kubhanga kiki, a di bhekela kingûmba kialenguluka.

II Nzuá 1:10

Muthu uoso-uoso u mi sanga, hé u mi bhekela ulongelu uengi, o ua Kristu ki uene, muthu ió kana ku mu tambulula mʼ onzo jenu, kana ue ku mu menekena, muixi: O paze i kale ni eie.