Tito 2:8 - O Mikanda Ikola

⁸ Maka mé, ma kale ma mbote, ka tena ku mʼêla, phala ió uoso u-lua phata, sonhi ji mu kuate, kuma ka tu mono ni kima kioso ki a tena ku tu âmba.

Tito 2:8 ပူးပေါင်းရင်းမြစ်များ

Nehemiia 5:9

Ngixi dingi: Ki mua mu bhanga kima kiambote! Kífua ki mua fuamene kuenda mu uoma ua Nzambi, mbé kuiengesa ku tu lebhula kuala jinguma jetu, o matumbu?

Izaía 66:5

Ivenu kizuelu kia Jihova, enu oso muala ni uoma ua kizuelu kiê; jiphange jenu, oso a mi zemba, ia ene ku mi takujula dikanga mukonda dia dijina diamiʼeme, exi: Jihova a mu fumanese; mbebhu tu mone o kusanguluka kuenu, maji eneʼô-phe sonhi ja-nda kua kà a kuata.

Marku 12:17

Bhenhobho Jezú ua ambela: Bhanenu-phe Sézalu, kia tokala Sézalu; Nzambi, kia tokala Nzambi. Anga a diuana kiavulu uvutuilu ue.

Marku 12:28

Mesene imoxi ia Kitumu ua zuka-mene-bhu, kia zubha kuívua jiphata ja kuatele, ni kia mono kuma muene ua a vutuila kiambote, ua mu ibhula, uixi: Ku ijila ioso, kiebhi o kijila kia dianga?

Marku 12:32

Kuala o mesene ia Kitumu, kidi kiene, Mesene! Eie ua tange kiambote kuila Nzambi iala ngo imoxi, ki kuene dingi mukua.

Marku 12:34

Jezú kia mono kuma o mesene ia Kitumu ua kumbulula ni kilunji, uixi: Eie o Utuminu ua Diulu ki ua ku kala dikanga. Tunde kienhiki, kana dingi muthu ua bhumine kukuata-nê phata.

Luka 13:17

Muène kia zuela kiki, jinguma jê joso, jisonhi ja a kuata. Maji o kifuẋi-phe ki kala mú sanguluka, mukonda dia madiuanu moso ma uabha ma-la kubhanga muène.

II Tesalonika 3:14

Se bhu kala muthu nguê kutumaka o njimbu ietu iii mu mukanda uenhú, muenhó mu tungudienu. Kana ku di lunga-nê, phala sonhi ji mu kuate.

I Timote 5:14

Mukonda dia kiki, nginda-phe atudi oso kiluua a kuka, a sakane, a kale ni ana, ongeke mabhata mâ, phala o nguma jetu ka a bhane bhuma bhua tu tela môndo ni ku tu zuela kiaiibha.

I Timote 6:3

Se bhu kala muthu u kuata kulonga ulongelu uengi, ka xikana o maka madisanze, maka ma Jezú Kristu, Ngana ietu, ni ulongelu uetu ua kuxila Nzambi,

Tito 3:14

O mundu uetu ue a di longe kubhanga midimu ia mbote, mbebhu o kubhindumuna, phala ene ue ka kambe kukala ni ibundu.

I Phetele 2:12

Kalenu ni uendelu uenu uafuama, muʼaxaxi ka akua jixi jengi a kambe kuijiia Nzambi phala kioso kia a mi âmba, exi mua mu bhanga kiaiibha, mu kumona dingi o ikalakalu ienu iambote, hinu a kala mu ximana Nzambi, mu kizuua kiê kia ku a zungila.

I Phetele 2:15

Kuma iene o vondadi ia Nzambi, kuila enu mu kubhanga kiambote mu belesa jisemenhi ji tanga o uoua.

I Phetele 3:16

Maji mu ki bhanga jinga ni kubelesela, ni uôma. Mu kale ni kitongoluelu kiazele kia mbote. Phala o ima iene ku mi tatelʼ oio, jisonhi hinu ja a kuate oso a lebhula o uendelu uenu ua mbote mua Kristu.