Tito 2:5 - O Mikanda Ikola

⁵ Mbé a di longe ue kukuata kilunji, ni ku di bhaka ni kuzela. A kale ahatu ambote, akalakadi ku mabhata, alenduka, ni ku di tuma kiambote ni anumeʼâ, phala kana kuxingisa o Maka ma Nzambi.

Tito 2:5 ပူးပေါင်းရင်းမြစ်များ

Dimatekenu 18:9

Ene anga a mu ambela, exi: Muhatuʼé Sala iú kuebhi? Uixi: Iú monzo, mu balaka.

Dimatekenu 3:16

Anga u ambela o muhatu, uixi: Nga-nda ku ku vudisa o hadi mu kuimita kué; o ana u a vuala ni misusu; u kala jinga mu kuinda muadi ue, o muene-phe ua kà ku tumina.

II Samuuele 12:14

Suke kiene, maji mukonda-phe kima ki ua bhangʼiki, kia suinisa jinguma mu tanga kiaiibha kua Jihova, o mona ua mu vuala ua-nda kúfua muene, sé kufula,

Jisálamu 74:10

Mbambe, bhebhi, Ngana Nzambi ni ku tu sebulula kiki kuala o nguma? Mbé o nguma kífua u ẋonguena o dijina dié sé dizubhilu?

Jisabhu 7:11

Muhatu muenhú, ulolo u vula, ni jimvunda; mʼonzo iê kene dingi ku nanga-mu, o inama iê ia nanga ngó ni kuenda.

Jipoxolo 9:36

Kiki ku Jopa ku kala xibulu ia muhatu dijina diê Tabita. (Mu Ngeleku ku di lombolola ela: Kasexi). Muhatu iú ua vula jimbote ni jimola jene kubhanga mu kukuatekesa o jingadiama.

Jipoxolo 9:39

Phetele anga u katuka, uia-nâ. O kia zubha kutula, a mu bheka mʼ onzo ia thandu. Ahatu a atudi anga a mu kondoloka ni kudila, ni kuidikiza jimbinza ni izuatu iamukuâ, ia a tungila jinga Kasexi, kia kexile-nâ hanji ku muenhu.

Loma 14:16

O ufolo uenu ki u mi bongese malebhu ku akuenu, mu ima ioso i mua mono kuiuka.

Loma 2:24

Kala kia ki soneka mu Mikanda Ikôla, exi: Mukonda dienu, enu mu Jijudé, o dijina dia Nzambi a di xingi muʼaxaxe ka matumbu.

I Kolindo 11:3

Maji nga mesena-phe mu kʼ ijiia kuma o diiala dioso, ua mu kala ku pholo Kristu; o muhatu, ua mu kala ku pholo o diiala; o Kristu, ua mu kala ku pholo Nzambi.

I Kolindo 14:34

Kala ki ene kubhanga mu Jingeleja joso ja akua Ngana, ahatu enu a fuama a di xibha mu Jingeleja, kioso ki mu bhongoloka jinga mu kubheza. Kuma ene ka a bhana disesa dia kuzuela. Kala kiambe o Kitumu kia Jijudé, ene ka tokala ku a bhana kididi kia kutumina.

Efezo 5:33

Kiene kimoxi ni enu uê: Kala diiala mudienu a zole muhatuʼê kala kia di zolo muène; o muhatu ue a xile munumiʼê.

Kolose 3:18

Enu ahatu, tumakenu anumiʼenu, kuma kiene kia tokala kubhanga mua Ngana.

I Timote 5:10

Muène kikale ue a mu tumbula o ikalakalu iê iambote iene mu kubhanga, se ua sase kiambote ana, se ua zalela jinga asonhi, se ua sukula jinga o inama ia akua Ngana, se ua bindumuna jinga jingadiama, mba o imbamba ioso iambote ua i bhanga jinga ni muanu.

I Timote 6:1

Oso ala abhika, ala bhoxi dia ophi, a fuama a bhane jingana jâ ujitu uoso, phala ki ki bhekele kuẋonguena o dijina dia Nzambi, ni ulongelu uetu.

Tito 2:4

phala o jindenge jâ ja ahatu, a a sase ni kuzola jinga anumeʼâ, ni kuzola anʼâ.