Tito 2:15 - O Mikanda Ikola

¹⁵ Imʼiii iene ima i u zuela, i u longa, u bazele ue ni uphoxi uoso, oso ala ku ku ivua. Ki bhu kale muthu a ku tènde.

Tito 2:15 ပူးပေါင်းရင်းမြစ်များ

Matesu 7:29

Mukonda muène ua a longo ni kijingu kia Ngana, ki kiene kiene kulonga jimesene jâ, jene ku a longa o Kitumu.

Marku 1:22

Athu anga a diuana ulongelu ue. Kuma ua a longo ni ungana, o ulongelu ua asoneki uengi.

Marku 1:27

Ene oso anga a diuana, a kuata ku dibhudisa mudia, exi: Kueza-hi? Ulongelu uengi, kuambe! Muene u tumina ni ungana, kate ni jinzumbi jaxidi ji mu tumaka.

Luka 4:36

Anga athu ala-bhu a bhuuama ene oso, hé a di a mbela mudiâ, exi: Kizuelu kiahi ki kala kiki? Muène u tumina madimonho ni uphoxi ni kusuina, kuila a tunde, ene-phe a tunda muene!

I Kolindo 16:11

Ki bhu kale-phe muthu u mu tenda. Inda mu mu xinjikila ni uembu, mu njila ioso i anda kuenda, phala a ngi sange kunu. Kuma eme nga mu mu kinga kuijiia kumoxi ni jiphange jamukuâ.

I Timote 5:20

Oso a ta ituxi, a bazele bhu pholo ia ene oso, phala akuâ a kale ni uôma.

II Timote 4:2

Enda ni kutanga o maka; sakalala mu ku a jimbula bhu kala kithangana, ni mú kamba kithangana. A tolole miẋima, a bazele, a longese, ni kuxididika kuoso ni kulombolola.

Tito 1:13

Umbangi uenhú ua tange o musésedi uâ, ua kidi. Mukonda dia kiki, eie a bazele ni kutema, phala, a disanze mu kuxikana.

I Phetele 4:11

Uoso u zuela, a zuele kala kia fuama o maka ma Nzambi. O uoso u sedivila, a sedivile ku nguzu ia mu bhana Nzambi. Mu bhanga jinga kienhiki phala Nzambi a fumane mu ima ioso kua Jezú Kristu uavu o fuma ni unéne mu mivu ni mivu sé dizubhilu! Amén.