Tito 2:11 - O Mikanda Ikola

¹¹ Kuma Nzambi ua tukulula kiadi kiê mu kubhana kubhuluka ku athu oso.

Tito 2:11 ပူးပေါင်းရင်းမြစ်များ

Jisálamu 67:2

phala njila iê aʼijiie mu ngongo, ku jixi joso ejiie o ubhulukilu uê.

Jisálamu 84:11

Kuma Jihova Nzambi muene dikumbi dietu, ngubu ietu; Jihova u tu bhana kiadi ni ujitu; kana kima kiemina, athu enda ni muẋima uazele.

Jisálamu 96:10

Tangenu-kiu ku matumbu muixi: Jihova ua hinge ungana uê. Muene ixi ua i kuatesa bhu kididi, ka tena ku i sendumuna; hádia muene u fundisa o mundu mu uiukilu uê.

Izaía 45:22

Talenu kokuami, nda mu bhuluke, enu mu masukilu oso kua sukaʼxi; mbata eme-muène ngi Nzambi, ki kuene nzambi iengi.

Izaía 49:6

Muene uambe dingi: O kukala ngó u selevende iami, phala kubhangulula ibuka ia Jakobo, ni ku ngi bhekela dingi o masubhu ma Izalaiele, ki kia soko; maji nga ku xikika, nʼu kale u Mukengeji ua akua-matumbu; ua a bhekela kubhuluka, katé ku maẋokololo aʼxi.

Izaía 52:10

Jihova ua funha lukuaku luê lu kôla bhu pholo ia ifuẋi ioso; o maẋokololo moso maʼxi ma-ndu mona ubhulukilu ua tundu kua Nzambi ietu.

Zakadiia 12:10

O ku dibhata dia Davidi, ni ku thandu dia iá a tungu mu Jeluzaleme, nga kà lunduluila-ku Nzumbi ia Kiadi ni ia kudionda anga ene à kenda ni kutala kokuami. O ió uoso a mu kubula, ene a kà mu tela jingololo kala mona umoxiʼèlele, a kà mu dila muene ni kajikijiki kala kia dila mona ua phandekumbi.

Zakadiia 4:7

Eie nanhi, mulundu ua dikota? Bhu pholo ia Zolobabele ua kà kituka-phe u kiphenza. Kuma muene ua kèza ni di tadi dia sukidila-ku dia thunge, ni ku mu tela o kikoue, kuila: Èue! Èue, tadi dienhʼidi!

Matesu 28:19

Enu-phe ndenu, mua ka longe jixibulu ku akua jixi joso, ni ku a batizala mu dijina dia Tata, ni dia Mona, ni dia Nzumbi Ikôla;

Marku 16:15

Jezú anga u ambela, uixi: Ndenu mu ngongo ioso, mua ka boke o Njimbu Iambote, kate kua suku Nzambi ni kubhanga athu.

Luka 24:47

Ni kuila ue o Njimbu ia kudiela o ituxi, ni ku i tambuila o muloloko, a i fumanese mu dijina diê mu jixi joso, tunde kiá mu Jeluzaleme.

Luka 3:6

Xitu ioso anga i mona o kubhuluka kua Nzambi.

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Nzuá 1:9

Iú uene mukengeji ua kidi, ueza mu ngongo mu ku muikina athu oso.

Jipoxolo 11:23

Muene kia zubha kutula, anga u mona kiadi kia Nzambi ku athu ió, u kala ni ngalasa iavulu. Anga u a suinisa ene oso kuma a kolokote kuenda mu kidi ni Ngana, ni kutetuluka kua muẋima.

Jipoxolo 13:43

Kiki kia muangana athu mu dilombe, Jijudé javulu, ni alungi ene kubheza-nâ, a kaiela Phaulu ni Barnabé, ene anga a zuela-nâ, a a longesa o kukolokota mu kiadi kia Nzambi.

Jipoxolo 13:47

Kuma kiene kia tu tumu Ngana, uixi: Eme nga ku xikika mu kukala u mukengeji ua akua matumbu, eie ua ka bheke mu ngongo ioso o kubhuluka, katé ku maẋokololo.

Jipoxolo 17:30

Mu jithembu ja kukamba ku kʼijiia, Nzambi ua dixibhidiê. Maji o kiki-phe ua tumu athu oso mu ngongo kudiela ni kueha o ituxi iâ.

Jipoxolo 20:24

Ki nga suu-phe kima. Né o muenhu uami ki ngʼ u jijila, kabasa ngi zubha o njila ia ngi xindi, ni ukunji ua ngi bhana Ngana Jezú. O ukunji uenʼ iú: O kubhana umbangi ua Njimbu Iambote ia kiadi kia Nzambi.

Loma 10:18

Maji eme ngixi-phe: Kifua ene a kambele kuivua o ngolokela? Evidiâ muene. Kala kiambe o Mikanda Ikôla, iexi: O dizui diâ a dʼ ivu mu ngongo ioso, o maka mâ ma bhixila katé ku maẋokololo ma ʼxi.

Loma 5:15

Maji bhu kaxi ka kiiadʼ iki bha di tungula. Mukonda o ujitu ua bhana Nzambi mu ngoho ki tu tena ku u sokesa ni kituxi kia Adá. Kia kidi kuila athu avulu afu mukonda dia kituxi kia muthu umoxi. Maji o kiadi kia Nzambi ki ala kotéʼ elele, kuma kia beta o kutena, ki ala ue kota mu kubhana ubhulukilu ku athu dingi avulu, mukonda ue dia muthu umoxi ngó—Jezú Kristu.

Loma 5:2

Mukonda dia kuxikana, Kristu ua tu bheka dingi mu kiadi kia Nzambi mumu mu tuemana mukonda dia kuxikana kuetu, etu tua sanguluka dingi ni kudielela o fuma ia Nzambi.

II Kolindo 6:1

Uila kiki, ki tuedi tu akuenu mu kikalakalu kia Nzambi, tua mi bhingi kiki: O kiadi kia Nzambi, ki mua tambula kiá, ki mu ki ehele dingi ku di bota.

Ngalásia 2:21

O kiadi kia Nzambi nguami ku ki tumbulula. Mbata o kulunga se ku kala kua Kitumu, Kristu-phe ua fuê ngó!

Efezo 2:5

kioso mu nzumbi ki tua kexile tu afi mu ikuma ietu, kiene muène kia tu phaphumuna kumoxi ni Kristu. Ku kiadi kia Nzambi ngó ku mua bhulukila.

Efezo 2:8

Kuma ku kiadi kia Nzambi ngó ku mua bhulukila mu kuxikana. Mukonda o kubhuluka, kima ki enu mua ki mono mu nguzu ienu, maji a mi bhana-kiu kuala Nzambi.

Kolose 1:23

Kikale-phe mu kolokota mu kuxikana, mua kuata, mua xikama ku disesa dia kòlo, ki mu xikina ku mi sendumuna mu kudielela ku mua tambula kioso ki muevu o Njimbu Iambote. O Njimbu Iambote ieniʼoio, iene ia ngi katula, eme ngi Phaulu, mu kukala ngi ngunza iê, phala ku i kola mu ngongo ioso.

Kolose 1:6

Mbata o Njimbu Iambote ia mi sange, koko, mu kusambuka kuê mu ngongo ioso, ia muia ni kuima dingi kiengi ni kusokolola ndumba ia mabesá. Kienʼiki ue kia bhiti ni enu, tunde mu kizuua ki muevua o kutanga kiadi kia Nzambi, anga mu kala mu ku kʼijiia mu kidi.

II Tesalonika 2:16

Kiki-phe, Ngana ietu Jezú Kristu muène, ni Nzambi, Tata ietu ua tu zola, ió ua tu bhana o kubhua uôma ni kukondoka o malamba sè kufula, ni kudielela kuambote mu kiadi kiê,

I Timote 1:14

O Ngana ietu, iú ua lundulula o jinzungule ja kiadi kiê ku thandu diami, iú ua ngi bhana o kuxikana ni henda i tuene na-iu mu kisangela ni Kristu Jezú.

I Timote 2:4

Muène mukua kumesena kuila athu oso a bhuluke, eze mu kuijiia o kidi.

II Timote 1:10

Maji o kiki, o kiadi kia moneka mu kindala, mu kuiza kua Mubhuludiʼetu Kristu Jezú. Muène iú ua bhuisa-ku o nguzu ia kalunga, ua bheka ku mesu o muenhu ni kudisanza kuakambe kubola, mu Njimbu iê Iambote.

II Timote 4:17

Bhenhobho-phe Ngana ua ngʼimanena, ua ngi bhana nguzu, phala ngi tene kuzubha kubhana o Ngolokela, akua jixi joso, ka tokala ue mu muiji ua Jijudé, nʼévue. Iu ua ngi kudila mu kanu dia hoji.

Jihebeleu 12:15

Muila ni ku di langa kiambote, phala mudienu ki mu kale muthu u tokoka o kiadi kia Nzambi. Di langienu, phala ki bhu kale muthu uila kala muxi ua lulu, u sabhuka, ni u mi tatese, hé u sambukisa athu avulu ni ndululu iê ia kulula.

Jihebeleu 2:9

Etu-phe tua mono Jezú! A mu bhangele kathangana ku kala ndenge ia ji-anju, phala mu kiadi kia Nzambi a lole kalunga mu mulonga ua mundu uoso. Kiki-phe tua mu mono kuila mukonda dia phaxi ia bhiti na-iu, a mu zuika kitundu kia fuma ni ujitu.